धम्मपच्चनीयानुलोमे तिकतिकपट्ठानं
१-१. कुसलत्तिक-वेदनात्तिकं
१.नकुसलं नसुखाय वेदनाय सम्पयुत्तं धम्मं पटिच्च अकुसलो सुखाय वेदनाय सम्पयुत्तो धम्मो उप्पज्जति हेतुपच्चया। नकुसलं नसुखाय वेदनाय सम्पयुत्तं धम्मं पटिच्च अब्याकतो सुखाय वेदनाय सम्पयुत्तो धम्मो उप्पज्जति हेतुपच्चया। द्वे।
नअकुसलं नसुखाय वेदनाय सम्पयुत्तं धम्मं पटिच्च कुसलो सुखाय वेदनाय सम्पयुत्तो धम्मो उप्पज्जति हेतुपच्चया। नअकुसलं नसुखाय वेदनाय सम्पयुत्तं धम्मं पटिच्च अब्याकतो सुखाय वेदनाय सम्पयुत्तो धम्मो उप्पज्जति हेतुपच्चया। द्वे।
नअब्याकतं नसुखाय वेदनाय सम्पयुत्तं धम्मं पटिच्च कुसलो सुखाय वेदनाय सम्पयुत्तो धम्मो उप्पज्जति हेतुपच्चया। नअब्याकतं नसुखाय वेदनाय सम्पयुत्तं धम्मं पटिच्च अकुसलो सुखाय वेदनाय सम्पयुत्तो धम्मो उप्पज्जति हेतुपच्चया। द्वे।
नकुसलं नसुखाय वेदनाय सम्पयुत्तञ्च नअब्याकतं नसुखाय वेदनाय सम्पयुत्तञ्च धम्मं पटिच्च अकुसलो सुखाय वेदनाय सम्पयुत्तो धम्मो उप्पज्जति हेतुपच्चया। एकं।
नअकुसलं नसुखाय वेदनाय सम्पयुत्तञ्च नअब्याकतं नसुखाय वेदनाय सम्पयुत्तञ्च धम्मं पटिच्च कुसलो सुखाय वेदनाय सम्पयुत्तो धम्मो उप्पज्जति हेतुपच्चया। एकं।
नकुसलं नसुखाय वेदनाय सम्पयुत्तञ्च नअकुसलं नसुखाय वेदनाय सम्पयुत्तञ्च धम्मं पटिच्च अब्याकतो सुखाय वेदनाय सम्पयुत्तो धम्मो उप्पज्जति हेतुपच्चया। एकं। हेतुया नव।
२.नकुसलं नदुक्खाय वेदनाय सम्पयुत्तं धम्मं पटिच्च अकुसलो दुक्खाय वेदनाय सम्पयुत्तो धम्मो उप्पज्जति हेतुपच्चया। एकं।
नअब्याकतं नदुक्खाय वेदनाय सम्पयुत्तं धम्मं पटिच्च अकुसलो दुक्खाय वेदनाय सम्पयुत्तो धम्मो उप्पज्जति हेतुपच्चया। एकं।
नकुसलं नदुक्खाय वेदनाय सम्पयुत्तञ्च नअब्याकतं नदुक्खाय वेदनाय सम्पयुत्तञ्च धम्मं पटिच्च अकुसलो दुक्खाय वेदनाय सम्पयुत्तो धम्मो उप्पज्जति हेतुपच्चया। एकं। हेतुया तीणि।
३.नकुसलं नअदुक्खमसुखाय वेदनाय सम्पयुत्तं धम्मं पटिच्च अकुसलो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया। नकुसलं नअदुक्खमसुखाय वेदनाय सम्पयुत्तं धम्मं पटिच्च अब्याकतो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया। द्वे।
नअकुसलं नअदुक्खमसुखाय वेदनाय सम्पयुत्तं धम्मं पटिच्च कुसलो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया। नअकुसलं नअदुक्खमसुखाय वेदनाय सम्पयुत्तं धम्मं पटिच्च अब्याकतो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया। द्वे।
नअब्याकतं नअदुक्खमसुखाय वेदनाय सम्पयुत्तं धम्मं पटिच्च कुसलो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया। नअब्याकतं नअदुक्खमसुखाय वेदनाय सम्पयुत्तं धम्मं पटिच्च अकुसलो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया। द्वे।
नकुसलं नअदुक्खमसुखाय वेदनाय सम्पयुत्तञ्च नअब्याकतं नअदुक्खमसुखाय वेदनाय सम्पयुत्तञ्च धम्मं पटिच्च अकुसलो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया। एकं।
नअकुसलं नअदुक्खमसुखाय वेदनाय सम्पयुत्तञ्च नअब्याकतं नअदुक्खमसुखाय वेदनाय सम्पयुत्तञ्च धम्मं पटिच्च कुसलो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया। एकं।
नकुसलं नअदुक्खमसुखाय वेदनाय सम्पयुत्तञ्च नअकुसलं नअदुक्खमसुखाय वेदनाय सम्पयुत्तञ्च धम्मं पटिच्च अब्याकतो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया। एकं। हेतुया नव।
१-२. कुसलत्तिक-विपाकत्तिकं
४.नकुसलं नविपाकं धम्मं पटिच्च अब्याकतो विपाको धम्मो उप्पज्जति हेतुपच्चया। एकं।
नअकुसलं नविपाकं धम्मं पटिच्च अब्याकतो विपाको धम्मो उप्पज्जति हेतुपच्चया। एकं।
नकुसलं नविपाकञ्च नअकुसलं नविपाकञ्च धम्मं पटिच्च अब्याकतो विपाको धम्मो उप्पज्जति हेतुपच्चया। एकं। हेतुया तीणि।
५.नकुसलं नविपाकधम्मधम्मं पच्चया कुसलो विपाकधम्मधम्मो उप्पज्जति हेतुपच्चया। नकुसलं नविपाकधम्मधम्मं पच्चया अकुसलो विपाकधम्मधम्मो उप्पज्जति हेतुपच्चया। द्वे।
नअकुसलं नविपाकधम्मधम्मं पच्चया अकुसलो विपाकधम्मधम्मो उप्पज्जति हेतुपच्चया… द्वे।
नकुसलं नविपाकधम्मधम्मञ्च नअकुसलं नविपाकधम्मधम्मञ्च धम्मं पच्चया कुसलो विपाकधम्मधम्मो उप्पज्जति हेतुपच्चया… द्वे। (संखित्तं।) हेतुया छ पञ्हा।
६.नकुसलं ननेवविपाकनविपाकधम्मधम्मं पटिच्च अब्याकतो नेवविपाकनविपाकधम्मधम्मो उप्पज्जति हेतुपच्चया… हेतुया छ।
१-३. कुसलत्तिक-उपादिन्नत्तिकं
७.नकुसलो नउपादिन्नुपादानियो धम्मो अब्याकतस्स उपादिन्नुपादानियस्स धम्मस्स आरम्मणपच्चयेन पच्चयो… छ पञ्हा।
नकुसलं नअनुपादिन्नुपादानियं धम्मं पटिच्च अब्याकतो अनुपादिन्नुपादानियो धम्मो उप्पज्जति हेतुपच्चया… हेतुया पञ्च।
नकुसलं नअनुपादिन्नअनुपादानियं धम्मं पच्चया कुसलो अनुपादिन्नअनुपादानियो धम्मो उप्पज्जति हेतुपच्चया… हेतुया छ।
१-४. कुसलत्तिक-संकिलिट्ठत्तिकं
८.नकुसलं नसंकिलिट्ठसंकिलेसिकं धम्मं पच्चया अकुसलो संकिलिट्ठसंकिलेसिको धम्मो उप्पज्जति हेतुपच्चया…। (अकुसलानेव तीणि।)
नकुसलं नअसंकिलिट्ठसंकिलेसिकं धम्मं पटिच्च अब्याकतो असंकिलिट्ठअसंकिलेसिको धम्मो उप्पज्जति हेतुपच्चया… हेतुया छ।
नकुसलं नअसंकिलिट्ठअसंकिलेसिकं धम्मं पच्चया कुसलो असंकिलिट्ठअसंकिलेसिको धम्मो उप्पज्जति हेतुपच्चया… हेतुया छ।
१-५. कुसलत्तिक-वितक्कत्तिकं
९.नकुसलं नसवितक्कसविचारं धम्मं पटिच्च अकुसलो सवितक्कसविचारो धम्मो उप्पज्जति हेतुपच्चया… हेतुया नव।
नकुसलं नअवितक्कविचारमत्तं धम्मं पटिच्च अकुसलो अवितक्कविचारमत्तो धम्मो उप्पज्जति हेतुपच्चया… हेतुया नव।
नकुसलं नअवितक्कअविचारं धम्मं पटिच्च अब्याकतो अवितक्कअविचारो धम्मो उप्पज्जति हेतुपच्चया… हेतुया द्वादस।
१-६. कुसलत्तिक-पीतित्तिकं
१०.नकुसलं नपीतिसहगतं धम्मं पटिच्च अकुसलो पीतिसहगतो धम्मो उप्पज्जति हेतुपच्चया… हेतुया नव।
नकुसलं नसुखसहगतं धम्मं पटिच्च अकुसलो सुखसहगतो धम्मो उप्पज्जति हेतुपच्चया… हेतुया नव।
नकुसलं नउपेक्खासहगतं धम्मं पटिच्च अकुसलो उपेक्खासहगतो धम्मो उप्पज्जति हेतुपच्चया… हेतुया नव।
१-७. कुसलत्तिक-दस्सनत्तिकं
११.नकुसलं नदस्सनेन पहातब्बं धम्मं पच्चया अकुसलो दस्सनेन पहातब्बो धम्मो उप्पज्जति हेतुपच्चया… हेतुया तीणि।
नकुसलं नभावनाय पहातब्बं धम्मं पच्चया अकुसलो भावनाय पहातब्बो धम्मो उप्पज्जति हेतुपच्चया… हेतुया तीणि।
नकुसलं ननेवदस्सनेन नभावनाय पहातब्बं धम्मं पटिच्च अब्याकतो नेवदस्सनेन नभावनाय पहातब्बो धम्मो उप्पज्जति हेतुपच्चया… हेतुया तीणि।
१-८. कुसलत्तिक-दस्सनहेतुत्तिकं
१२.नकुसलं नदस्सनेन पहातब्बहेतुकं धम्मं पटिच्च अकुसलो दस्सनेन पहातब्बहेतुको धम्मो उप्पज्जति हेतुपच्चया… हेतुया तीणि।
नकुसलं नभावनाय पहातब्बहेतुकं धम्मं पटिच्च अकुसलो भावनाय पहातब्बहेतुको धम्मो उप्पज्जति हेतुपच्चया… हेतुया तीणि।
नकुसलं ननेवदस्सनेन नभावनाय पहातब्बहेतुकं धम्मं पटिच्च अब्याकतो नेवदस्सनेन नभावनाय पहातब्बहेतुको धम्मो उप्पज्जति हेतुपच्चया… हेतुया तीणि।
१-९. कुसलत्तिक-आचयगामित्तिकं
१३.नकुसलं नआचयगामिं धम्मं पच्चया कुसलो आचयगामी धम्मो उप्पज्जति हेतुपच्चया… हेतुया छ।
नकुसलं नअपचयगामिं धम्मं पच्चया कुसलो अपचयगामी धम्मो उप्पज्जति हेतुपच्चया… हेतुया तीणि।
नकुसलं ननेवाचयगामिनापचयगामिं धम्मं पटिच्च अब्याकतो नेवाचयगामिनापचयगामी धम्मो उप्पज्जति हेतुपच्चया… हेतुया पञ्च।
१-१०. कुसलत्तिक-सेक्खत्तिकं
१४.नकुसलं नसेक्खं धम्मं पच्चया कुसलो सेक्खो धम्मो उप्पज्जति हेतुपच्चया… हेतुया छ।
नकुसलं नअसेक्खं धम्मं पच्चया अब्याकतो असेक्खो धम्मो उप्पज्जति हेतुपच्चया… हेतुया तीणि।
नकुसलं ननेवसेक्खनासेक्खं धम्मं पटिच्च अब्याकतो नेवसेक्खनासेक्खो धम्मो उप्पज्जति हेतुपच्चया… हेतुया पञ्च।
१-११. कुसलत्तिक-परित्तत्तिकं
१५.नकुसलं नपरित्तं धम्मं पटिच्च अब्याकतो परित्तो धम्मो उप्पज्जति हेतुपच्चया… हेतुया पञ्च।
नकुसलं नमहग्गतं धम्मं पटिच्च अब्याकतो महग्गतो धम्मो उप्पज्जति हेतुपच्चया… हेतुया तीणि।
नकुसलं नअप्पमाणं धम्मं पच्चया कुसलो अप्पमाणो धम्मो उप्पज्जति हेतुपच्चया… हेतुया छ।
१-१२. कुसलत्तिक-परित्तारम्मणत्तिकं
१६.नकुसलं नपरित्तारम्मणं धम्मं पटिच्च अब्याकतो परित्तारम्मणो धम्मो उप्पज्जति हेतुपच्चया… हेतुया तीणि।
नकुसलं नमहग्गतारम्मणं धम्मं पच्चया कुसलो महग्गतारम्मणो धम्मो उप्पज्जति हेतुपच्चया… हेतुया नव।
नकुसलं नअप्पमाणारम्मणं धम्मं पच्चया कुसलो अप्पमाणारम्मणो धम्मो उप्पज्जति हेतुपच्चया… हेतुया छ।
१-१३. कुसलत्तिक-हीनत्तिकं
१७.नकुसलं नहीनं धम्मं पच्चया अकुसलो हीनो धम्मो उप्पज्जति हेतुपच्चया… हेतुया तीणि।
नकुसलं नमज्झिमं धम्मं पटिच्च अब्याकतो मज्झिमो धम्मो उप्पज्जति हेतुपच्चया… हेतुया छ।
नकुसलं नपणीतं धम्मं पच्चया कुसलो पणीतो धम्मो उप्पज्जति हेतुपच्चया… हेतुया छ।
१-१४. कुसलत्तिक-मिच्छत्तनियतत्तिकं
१८.नकुसलं नमिच्छत्तनियतं धम्मं पच्चया अकुसलो मिच्छत्तनियतो धम्मो उप्पज्जति हेतुपच्चया… हेतुया तीणि।
नकुसलं नसम्मत्तनियतं धम्मं पच्चया कुसलो सम्मत्तनियतो धम्मो उप्पज्जति हेतुपच्चया… हेतुया तीणि।
नकुसलं नअनियतं धम्मं पटिच्च अब्याकतो अनियतो धम्मो उप्पज्जति हेतुपच्चया… हेतुया पञ्च।
१-१५. कुसलत्तिक-मग्गारम्मणत्तिकं
१९.नकुसलं नमग्गारम्मणं धम्मं पच्चया कुसलो मग्गारम्मणो धम्मो उप्पज्जति हेतुपच्चया… हेतुया छ।
नकुसलं नमग्गहेतुकं धम्मं पच्चया कुसलो मग्गहेतुको धम्मो उप्पज्जति हेतुपच्चया… हेतुया तीणि।
नकुसलं नमग्गाधिपतिं धम्मं पच्चया कुसलो मग्गाधिपति धम्मो उप्पज्जति हेतुपच्चया… हेतुया छ।
१-१६. कुसलत्तिक-उप्पन्नत्तिकं
२०.नकुसलो नउप्पन्नो धम्मो कुसलस्स उप्पन्नस्स धम्मस्स आरम्मणपच्चयेन पच्चयो… आरम्मणे अट्ठारस।
१-१७-१८. कुसलत्तिक-अतीतत्तिकद्वयं
२१.नकुसलो नपच्चुप्पन्नो धम्मो कुसलस्स पच्चुप्पन्नस्स धम्मस्स आरम्मणपच्चयेन पच्चयो… आरम्मणे अट्ठारस।
२२.नकुसलं नअतीतारम्मणं धम्मं पटिच्च अब्याकतो अतीतारम्मणो धम्मो उप्पज्जति हेतुपच्चया… हेतुया तीणि।
नकुसलं नअनागतारम्मणं धम्मं पच्चया कुसलो अनागतारम्मणो धम्मो उप्पज्जति हेतुपच्चया… हेतुया नव।
नकुसलं नपच्चुप्पन्नारम्मणं धम्मं पटिच्च अब्याकतो पच्चुप्पन्नारम्मणो धम्मो उप्पज्जति हेतुपच्चया… हेतुया तीणि।
१-१९-२०. कुसलत्तिक-अज्झत्तत्तिकद्वयं
२३.नकुसलो नअज्झत्तो धम्मो अज्झत्तस्स कुसलस्स धम्मस्स आरम्मणपच्चयेन पच्चयो। (संखित्तं।) आरम्मणे अट्ठारस, अधिपतिया सोळस, उपनिस्सये अट्ठारस, पुरेजाते अत्थिया अविगते नव।
नकुसलो नबहिद्धा धम्मो बहिद्धा कुसलस्स धम्मस्स आरम्मणपच्चयेन पच्चयो। (संखित्तं।) आरम्मणे अट्ठारस, अधिपतिया छ, उपनिस्सये अट्ठारस, पुरेजाते अत्थिया अविगते नव।
२४.नकुसलं नअज्झत्तारम्मणं धम्मं पटिच्च अब्याकतो अज्झत्तारम्मणो धम्मो उप्पज्जति हेतुपच्चया… हेतुया तीणि।
नकुसलं नबहिद्धारम्मणं धम्मं पटिच्च अब्याकतो बहिद्धारम्मणो धम्मो उप्पज्जति हेतुपच्चया… हेतुया तीणि।
१-२१. कुसलत्तिक-सनिदस्सनत्तिकं
२५.नकुसलं नसनिदस्सनसप्पटिघं धम्मं पटिच्च अब्याकतो सनिदस्सनसप्पटिघो धम्मो उप्पज्जति हेतुपच्चया। एकं।
नअकुसलं नसनिदस्सनसप्पटिघं धम्मं पटिच्च अब्याकतो सनिदस्सनसप्पटिघो धम्मो उप्पज्जति हेतुपच्चया। एकं।
नअब्याकतं नसनिदस्सनसप्पटिघं धम्मं पटिच्च अब्याकतो सनिदस्सनसप्पटिघो धम्मो उप्पज्जति हेतुपच्चया। एकं।
नकुसलं नसनिदस्सनसप्पटिघञ्च नअब्याकतं नसनिदस्सनसप्पटिघञ्च धम्मं पटिच्च अब्याकतो सनिदस्सनसप्पटिघो धम्मो उप्पज्जति हेतुपच्चया। एकं।
नअकुसलं नसनिदस्सनसप्पटिघञ्च नअब्याकतं नसनिदस्सनसप्पटिघञ्च धम्मं पटिच्च अब्याकतो सनिदस्सनसप्पटिघो धम्मो उप्पज्जति हेतुपच्चया। एकं।
नकुसलं नसनिदस्सनसप्पटिघञ्च नअकुसलं नसनिदस्सनसप्पटिघञ्च धम्मं पटिच्च अब्याकतो सनिदस्सनसप्पटिघो धम्मो उप्पज्जति हेतुपच्चया। एकं। हेतुया छ।
२६.नकुसलं नअनिदस्सनसप्पटिघं धम्मं पटिच्च अब्याकतो अनिदस्सनसप्पटिघो धम्मो उप्पज्जति हेतुपच्चया… हेतुया छ।
नकुसलं नअनिदस्सनअप्पटिघं धम्मं पटिच्च अब्याकतो अनिदस्सनसप्पटिघो धम्मो उप्पज्जति हेतुपच्चया… हेतुया तीणि।
२-१. वेदनात्तिक-कुसलत्तिकं
२७.नसुखाय वेदनाय सम्पयुत्तं नकुसलं धम्मं पच्चया सुखाय वेदनाय सम्पयुत्तो कुसलो धम्मो उप्पज्जति हेतुपच्चया। नसुखाय वेदनाय सम्पयुत्तं नकुसलं धम्मं पच्चया अदुक्खमसुखाय वेदनाय सम्पयुत्तो कुसलो धम्मो उप्पज्जति हेतुपच्चया। द्वे।
नदुक्खाय वेदनाय सम्पयुत्तं नकुसलं धम्मं पच्चया सुखाय वेदनाय सम्पयुत्तो कुसलो धम्मो उप्पज्जति हेतुपच्चया। नदुक्खाय वेदनाय सम्पयुत्तं नकुसलं धम्मं पच्चया अदुक्खमसुखाय वेदनाय सम्पयुत्तो कुसलो धम्मो उप्पज्जति हेतुपच्चया। द्वे।
नअदुक्खमसुखाय वेदनाय सम्पयुत्तं नकुसलं धम्मं पच्चया अदुक्खमसुखाय वेदनाय सम्पयुत्तो कुसलो धम्मो उप्पज्जति हेतुपच्चया। नअदुक्खमसुखाय वेदनाय सम्पयुत्तं नकुसलं धम्मं पच्चया सुखाय वेदनाय सम्पयुत्तो कुसलो धम्मो उप्पज्जति हेतुपच्चया। द्वे। (चत्तारि गणितकेन द्वे द्वे पञ्हा कातब्बा।) हेतुया चुद्दस।
२८.नसुखाय वेदनाय सम्पयुत्तं नअकुसलं धम्मं पच्चया सुखाय वेदनाय सम्पयुत्तो अकुसलो धम्मो उप्पज्जति हेतुपच्चया। नसुखाय वेदनाय सम्पयुत्तं नअकुसलं धम्मं पच्चया दुक्खाय वेदनाय सम्पयुत्तो अकुसलो धम्मो उप्पज्जति हेतुपच्चया। हेतुया एकवीस।
२९.नसुखाय वेदनाय सम्पयुत्तो नअब्याकतो धम्मो सुखाय वेदनाय सम्पयुत्तस्स अब्याकतस्स धम्मस्स आरम्मणपच्चयेन पच्चयो… आरम्मणे चुद्दस।
३-१. विपाकत्तिक-कुसलत्तिकं
३०.नविपाकं नकुसलं धम्मं पच्चया विपाकधम्मधम्मो कुसलो धम्मो उप्पज्जति हेतुपच्चया… हेतुया तीणि।
नविपाकं नअकुसलं धम्मं पच्चया विपाकधम्मधम्मो अकुसलो धम्मो उप्पज्जति हेतुपच्चया… हेतुया तीणि।
नविपाकं नअब्याकतं धम्मं पटिच्च नेवविपाकनविपाकधम्मधम्मो अब्याकतो धम्मो उप्पज्जति हेतुपच्चया… हेतुया तीणि।
४-१. उपादिन्नत्तिक-कुसलत्तिकं
३१.नअनुपादिन्नुपादानियं नकुसलं धम्मं पच्चया अनुपादिन्नुपादानियो कुसलो धम्मो उप्पज्जति हेतुपच्चया… हेतुया छ।
नअनुपादिन्नुपादानियं नअकुसलं धम्मं पच्चया अनुपादिन्नुपादानियो अकुसलो धम्मो उप्पज्जति हेतुपच्चया… हेतुया तीणि।
नउपादिन्नुपादानियं नअब्याकतं धम्मं पटिच्च अनुपादिन्नुपादानियो अब्याकतो धम्मो उप्पज्जति हेतुपच्चया… हेतुया पञ्च।
५-१. संकिलिट्ठत्तिक-कुसलत्तिकं
३२.नसंकिलिट्ठसंकिलेसिकं नकुसलं धम्मं पच्चया असंकिलिट्ठसंकिलेसिको कुसलो धम्मो उप्पज्जति हेतुपच्चया… हेतुया छ।
नसंकिलिट्ठसंकिलेसिकं नअकुसलं धम्मं पच्चया संकिलिट्ठसंकिलेसिको अकुसलो धम्मो उप्पज्जति हेतुपच्चया… हेतुया तीणि।
नसंकिलिट्ठसंकिलेसिकं नअब्याकतं धम्मं पटिच्च असंकिलिट्ठसंकिलेसिको अब्याकतो धम्मो उप्पज्जति हेतुपच्चया… हेतुया छ।
६-१. वितक्कत्तिक-कुसलत्तिकं
३३.नसवितक्कसविचारं नकुसलं धम्मं पच्चया सवितक्कसविचारो कुसलो धम्मो उप्पज्जति हेतुपच्चया… हेतुया पन्नरस।
नसवितक्कसविचारं नअकुसलं धम्मं पच्चया सवितक्कसविचारो अकुसलो धम्मो उप्पज्जति हेतुपच्चया… हेतुया नव।
नसवितक्कसविचारं नअब्याकतं धम्मं पटिच्च अवितक्कअविचारो अब्याकतो धम्मो उप्पज्जति हेतुपच्चया… हेतुया सत्त।
७-१. पीतित्तिक-कुसलत्तिकं
३४.नपीतिसहगतं नकुसलं धम्मं पच्चया पीतिसहगतो कुसलो धम्मो उप्पज्जति हेतुपच्चया… हेतुया अट्ठवीस।
नपीतिसहगतं नअकुसलं धम्मं पच्चया पीतिसहगतो अकुसलो धम्मो उप्पज्जति हेतुपच्चया… हेतुया अट्ठवीस।
नपीतिसहगतो नअब्याकतो धम्मो पीतिसहगतस्स अब्याकतस्स धम्मस्स आरम्मणपच्चयेन पच्चयो। (संखित्तं।) आरम्मणे अट्ठवीस, अधिपतिया अनन्तरे अट्ठवीस…पे॰… उपनिस्सये अट्ठवीस, कम्मे चतुवीस, नत्थिया विगते अट्ठवीस।
८-१. दस्सनत्तिक-कुसलत्तिकं
३५.नदस्सनेन पहातब्बं नकुसलं धम्मं पच्चया नेवदस्सनेन नभावनाय पहातब्बो कुसलो धम्मो उप्पज्जति हेतुपच्चया… हेतुया तीणि।
नदस्सनेन पहातब्बं नअकुसलं धम्मं पच्चया दस्सनेन पहातब्बो अकुसलो धम्मो उप्पज्जति हेतुपच्चया… हेतुया छ।
नदस्सनेन पहातब्बं नअब्याकतं धम्मं पटिच्च नेवदस्सनेन नभावनाय पहातब्बो अब्याकतो धम्मो उप्पज्जति हेतुपच्चया… हेतुया छ।
९-१. दस्सनहेतुत्तिक-कुसलत्तिकं
३६.नदस्सनेन पहातब्बहेतुकं नकुसलं धम्मं पच्चया नेवदस्सनेन नभावनाय पहातब्बहेतुको कुसलो धम्मो उप्पज्जति हेतुपच्चया… हेतुया तीणि।
नदस्सनेन पहातब्बहेतुकं नअकुसलं धम्मं पच्चया दस्सनेन पहातब्बहेतुको अकुसलो धम्मो उप्पज्जति हेतुपच्चया… हेतुया छ।
ननेवदस्सनेन नभावनाय पहातब्बहेतुकं नअब्याकतं धम्मं पटिच्च नेवदस्सनेन नभावनाय पहातब्बहेतुको अब्याकतो धम्मो उप्पज्जति हेतुपच्चया… हेतुया छ।
१०-१. आचयगामित्तिक-कुसलत्तिकं
३७.नआचयगामिं नकुसलं धम्मं पच्चया आचयगामी कुसलो धम्मो उप्पज्जति हेतुपच्चया… हेतुया छ।
नआचयगामिं नअकुसलं धम्मं पच्चया आचयगामी अकुसलो धम्मो उप्पज्जति हेतुपच्चया… हेतुया तीणि।
नआचयगामिं नअब्याकतं धम्मं पटिच्च नेवाचयगामिनापचयगामी अब्याकतो धम्मो उप्पज्जति हेतुपच्चया… हेतुया पञ्च।
११-१. सेक्खत्तिक-कुसलत्तिकं
३८.नसेक्खं नकुसलं धम्मं पच्चया सेक्खो कुसलो धम्मो उप्पज्जति हेतुपच्चया… हेतुया छ।
नसेक्खं नअकुसलं धम्मं पच्चया नेवसेक्खनासेक्खो अकुसलो धम्मो उप्पज्जति हेतुपच्चया… हेतुया तीणि।
नसेक्खं नअब्याकतं धम्मं पटिच्च नेवसेक्खनासेक्खो अब्याकतो धम्मो उप्पज्जति हेतुपच्चया… हेतुया पञ्च।
१२-१. परित्तत्तिक-कुसलत्तिकं
३९.नमहग्गतं नकुसलं धम्मं पच्चया महग्गतो कुसलो धम्मो उप्पज्जति हेतुपच्चया… हेतुया नव।
नमहग्गतं नअकुसलं धम्मं पच्चया परित्तो अकुसलो धम्मो उप्पज्जति हेतुपच्चया… हेतुया तीणि।
नपरित्तं नअब्याकतं धम्मं पटिच्च परित्तो अब्याकतो धम्मो उप्पज्जति हेतुपच्चया… हेतुया छ।
१३-१. परित्तारम्मणत्तिक-कुसलत्तिकं
४०.नपरित्तारम्मणं नकुसलं धम्मं पच्चया परित्तारम्मणो कुसलो धम्मो उप्पज्जति हेतुपच्चया… हेतुया एकवीस।
नपरित्तारम्मणं नअकुसलं धम्मं पच्चया परित्तारम्मणो अकुसलो धम्मो उप्पज्जति हेतुपच्चया… हेतुया चुद्दस।
नपरित्तारम्मणो नअब्याकतो धम्मो परित्तारम्मणस्स अब्याकतस्स धम्मस्स आरम्मणपच्चयेन पच्चयो। (संखित्तं।)… आरम्मणे एकवीस।
१४-१. हीनत्तिक-कुसलत्तिकं
४१.नहीनं नकुसलं धम्मं पच्चया मज्झिमो कुसलो धम्मो उप्पज्जति हेतुपच्चया… हेतुया छ।
नहीनं नअकुसलं धम्मं पच्चया हीनो अकुसलो धम्मो उप्पज्जति हेतुपच्चया… हेतुया तीणि।
नहीनं नअब्याकतं धम्मं पटिच्च मज्झिमो अब्याकतो धम्मो उप्पज्जति हेतुपच्चया… हेतुया छ।
१५-१. मिच्छत्तनियतत्तिक-कुसलत्तिकं
४२.नमिच्छत्तनियतं नकुसलं धम्मं पच्चया सम्मत्तनियतो कुसलो धम्मो उप्पज्जति हेतुपच्चया… हेतुया छ।
नमिच्छत्तनियतं नअकुसलं धम्मं पच्चया मिच्छत्तनियतो अकुसलो धम्मो उप्पज्जति हेतुपच्चया… हेतुया छ।
नमिच्छत्तनियतं नअब्याकतं धम्मं पटिच्च अनियतो अब्याकतो धम्मो उप्पज्जति हेतुपच्चया… हेतुया छ।
१६-१. मग्गारम्मणत्तिक-कुसलत्तिकं
४३.नमग्गारम्मणं नकुसलं धम्मं पच्चया मग्गारम्मणो कुसलो धम्मो उप्पज्जति हेतुपच्चया… हेतुया पञ्चतिंस। (नअकुसलं नअब्याकतं नत्थि।)
१७-१८-१. उप्पन्नादित्तिकानि-कुसलत्तिकं
४४.नउप्पन्नो नकुसलो धम्मो उप्पन्नस्स कुसलस्स धम्मस्स आरम्मणपच्चयेन पच्चयो… आरम्मणे सत्त।
नउप्पन्नो नअकुसलो धम्मो उप्पन्नस्स अकुसलस्स धम्मस्स आरम्मणपच्चयेन पच्चयो… आरम्मणे छ।
नउप्पन्नो नअब्याकतो धम्मो उप्पन्नस्स अब्याकतस्स धम्मस्स आरम्मणपच्चयेन पच्चयो… आरम्मणे सत्त।
(अतीतत्तिकं उप्पन्नत्तिकसदिसं।)
१९-१. अतीतारम्मणत्तिक-कुसलत्तिकं
४५.नअतीतारम्मणं नकुसलं धम्मं पच्चया अतीतारम्मणो कुसलो धम्मो उप्पज्जति हेतुपच्चया… हेतुया एकवीस।
नअतीतारम्मणं नअकुसलं धम्मं पच्चया अतीतारम्मणो अकुसलो धम्मो उप्पज्जति हेतुपच्चया… हेतुया एकवीस।
२०-१. अज्झत्तत्तिक-कुसलत्तिकं
४६.नअज्झत्तं नकुसलं धम्मं पच्चया बहिद्धा कुसलो धम्मो उप्पज्जति हेतुपच्चया। नबहिद्धा नकुसलं धम्मं पच्चया अज्झत्तो कुसलो धम्मो उप्पज्जति हेतुपच्चया… हेतुया द्वे।
नअज्झत्तं नअकुसलं धम्मं पच्चया बहिद्धा अकुसलो धम्मो उप्पज्जति हेतुपच्चया। नबहिद्धा नअकुसलं धम्मं पच्चया अज्झत्तो अकुसलो धम्मो उप्पज्जति हेतुपच्चया… हेतुया द्वे।
२१-१. अज्झत्तारम्मणत्तिक-कुसलत्तिकं
४७.नअज्झत्तारम्मणं नकुसलं धम्मं पच्चया अज्झत्तारम्मणो कुसलो धम्मो उप्पज्जति हेतुपच्चया… हेतुया छ।
नअज्झत्तारम्मणं नअकुसलं धम्मं पच्चया अज्झत्तारम्मणो अकुसलो धम्मो उप्पज्जति हेतुपच्चया… हेतुया छ।
२२-१. सनिदस्सनत्तिक-कुसलत्तिकं
४८.नसनिदस्सनसप्पटिघं नकुसलं धम्मं पच्चया अनिदस्सनअप्पटिघो कुसलो धम्मो उप्पज्जति हेतुपच्चया। नअनिदस्सनसप्पटिघं नकुसलं धम्मं पच्चया अनिदस्सनअप्पटिघो कुसलो धम्मो उप्पज्जति हेतुपच्चया। नसनिदस्सनसप्पटिघं नकुसलञ्च नअनिदस्सनसप्पटिघं नकुसलञ्च धम्मं पच्चया अनिदस्सनअप्पटिघो कुसलो धम्मो उप्पज्जति हेतुपच्चया। हेतुया तीणि।
नसनिदस्सनसप्पटिघं नअकुसलं धम्मं पच्चया अनिदस्सनअप्पटिघो अकुसलो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नअब्याकतं धम्मं पटिच्च सनिदस्सनसप्पटिघो अब्याकतो धम्मो उप्पज्जति हेतुपच्चया… सत्त।
(नअनिदस्सनसप्पटिघनअब्याकतमूलानि सत्तमेव, दुकमूलानि सत्तमेव, सब्बं एकवीसतिमेव।)
२२-२. सनिदस्सनत्तिक-वेदनात्तिकं
४९.नसनिदस्सनसप्पटिघं नसुखाय वेदनाय सम्पयुत्तं धम्मं पटिच्च अनिदस्सनअप्पटिघो सुखाय वेदनाय सम्पयुत्तो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नदुक्खाय वेदनाय सम्पयुत्तं धम्मं पटिच्च अनिदस्सनअप्पटिघो दुक्खाय वेदनाय सम्पयुत्तो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नअदुक्खमसुखाय वेदनाय सम्पयुत्तं धम्मं पटिच्च अनिदस्सनअप्पटिघो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया… हेतुया तीणि।
२२-३. सनिदस्सनत्तिक-विपाकत्तिकं
५०.नसनिदस्सनसप्पटिघं नविपाकं धम्मं पटिच्च अनिदस्सनअप्पटिघो विपाको धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नविपाकधम्मधम्मं पच्चया अनिदस्सनअप्पटिघो विपाकधम्मधम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं ननेवविपाकनविपाकधम्मधम्मं पटिच्च सनिदस्सनसप्पटिघो नेवविपाकनविपाकधम्मधम्मो उप्पज्जति हेतुपच्चया… हेतुया एकवीस।
२२-४. सनिदस्सनत्तिक-उपादिन्नत्तिकं
५१.नसनिदस्सनसप्पटिघो नउपादिन्नुपादानियो धम्मो अनिदस्सनअप्पटिघस्स उपादिन्नुपादानियस्स धम्मस्स आरम्मणपच्चयेन पच्चयो… आरम्मणे छ।
नसनिदस्सनसप्पटिघं नअनुपादिन्नुपादानियं धम्मं पटिच्च सनिदस्सनसप्पटिघो अनुपादिन्नुपादानियो धम्मो उप्पज्जति हेतुपच्चया… हेतुया एकवीस।
नसनिदस्सनसप्पटिघं नअनुपादिन्नअनुपादानियं धम्मं पच्चया अनिदस्सनअप्पटिघो अनुपादिन्नअनुपादानियो धम्मो उप्पज्जति हेतुपच्चया… हेतुया तीणि।
२२-५. सनिदस्सनत्तिक-संकिलिट्ठत्तिकं
५२.नसनिदस्सनसप्पटिघं नसंकिलिट्ठसंकिलेसिकं धम्मं पच्चया अनिदस्सनअप्पटिघो संकिलिट्ठसंकिलेसिको धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नअसंकिलिट्ठसंकिलेसिकं धम्मं पटिच्च सनिदस्सनसप्पटिघो असंकिलिट्ठसंकिलेसिको धम्मो उप्पज्जति हेतुपच्चया… हेतुया एकवीस।
नसनिदस्सनसप्पटिघं नअसंकिलिट्ठअसंकिलेसिकं धम्मं पच्चया अनिदस्सनअप्पटिघो असंकिलिट्ठअसंकिलेसिको धम्मो उप्पज्जति हेतुपच्चया… हेतुया तीणि।
२२-६. सनिदस्सनत्तिक-वितक्कत्तिकं
५३.नसनिदस्सनसप्पटिघं नसवितक्कसविचारं धम्मं पटिच्च अनिदस्सनअप्पटिघो सवितक्कसविचारो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नअवितक्कविचारमत्तं धम्मं पटिच्च अनिदस्सनअप्पटिघो अवितक्कविचारमत्तो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नअवितक्कअविचारं धम्मं पटिच्च सनिदस्सनसप्पटिघो अवितक्कअविचारो धम्मो उप्पज्जति हेतुपच्चया … हेतुया एकवीस।
२२-७. सनिदस्सनत्तिक-पीतित्तिकं
५४.नसनिदस्सनसप्पटिघं नपीतिसहगतं धम्मं पटिच्च अनिदस्सनअप्पटिघो पीतिसहगतो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नसुखसहगतं धम्मं पटिच्च अनिदस्सनअप्पटिघो सुखसहगतो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नउपेक्खासहगतं धम्मं पटिच्च अनिदस्सनअप्पटिघो उपेक्खासहगतो धम्मो उप्पज्जति हेतुपच्चया… हेतुया तीणि।
२२-८. सनिदस्सनत्तिक-दस्सनत्तिकं
५५.नसनिदस्सनसप्पटिघं नदस्सनेन पहातब्बं धम्मं पच्चया अनिदस्सनअप्पटिघो दस्सनेन पहातब्बो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नभावनाय पहातब्बं धम्मं पच्चया अनिदस्सनअप्पटिघो भावनाय पहातब्बो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं ननेवदस्सनेन नभावनाय पहातब्बं धम्मं पटिच्च सनिदस्सनसप्पटिघो नेवदस्सनेन नभावनाय पहातब्बो धम्मो उप्पज्जति हेतुपच्चया… हेतुया एकवीस।
२२-९. सनिदस्सनत्तिक-दस्सनहेतुत्तिकं
५६.नसनिदस्सनसप्पटिघं नदस्सनेन पहातब्बहेतुकं धम्मं पटिच्च अनिदस्सनअप्पटिघो दस्सनेन पहातब्बहेतुको धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नभावनाय पहातब्बहेतुकं धम्मं पटिच्च अनिदस्सनअप्पटिघो भावनाय पहातब्बहेतुको धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं ननेवदस्सनेन नभावनाय पहातब्बहेतुकं धम्मं पटिच्च सनिदस्सनसप्पटिघो नेवदस्सनेन नभावनाय पहातब्बहेतुको धम्मो उप्पज्जति हेतुपच्चया… हेतुया एकवीस।
२२-१०. सनिदस्सनत्तिक-आचयगामित्तिकं
५७.नसनिदस्सनसप्पटिघं नआचयगामिं धम्मं पच्चया अनिदस्सनअप्पटिघो आचयगामी धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नअपचयगामिं धम्मं पच्चया अनिदस्सनअप्पटिघो अपचयगामी धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं ननेवाचयगामिनापचयगामिं धम्मं पटिच्च सनिदस्सनसप्पटिघो नेवाचयगामिनापचयगामी धम्मो उप्पज्जति हेतुपच्चया… हेतुया एकवीस।
२२-११. सनिदस्सनत्तिक-सेक्खत्तिकं
५८.नसनिदस्सनसप्पटिघं नसेक्खं धम्मं पच्चया अनिदस्सनअप्पटिघो सेक्खो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नअसेक्खं धम्मं पच्चया अनिदस्सनअप्पटिघो असेक्खो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं ननेवसेक्खनासेक्खं धम्मं पटिच्च सनिदस्सनसप्पटिघो नेवसेक्खनासेक्खो धम्मो उप्पज्जति हेतुपच्चया… हेतुया एकवीस।
२२-१२. सनिदस्सनत्तिक-परित्तत्तिकं
५९.नसनिदस्सनसप्पटिघं नपरित्तं धम्मं पटिच्च सनिदस्सनसप्पटिघो परित्तो धम्मो उप्पज्जति हेतुपच्चया… हेतुया एकवीस।
नसनिदस्सनसप्पटिघं नमहग्गतं धम्मं पटिच्च अनिदस्सनअप्पटिघो महग्गतो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नअप्पमाणं धम्मं पच्चया अनिदस्सनअप्पटिघो अप्पमाणो धम्मो उप्पज्जति हेतुपच्चया… हेतुया तीणि।
२२-१३. सनिदस्सनत्तिक-परित्तारम्मणत्तिकं
६०.नसनिदस्सनसप्पटिघं नपरित्तारम्मणं धम्मं पटिच्च अनिदस्सनअप्पटिघो परित्तारम्मणो धम्मो उप्पज्जति हेतुपच्चया … हेतुया तीणि।
नसनिदस्सनसप्पटिघं नमहग्गतारम्मणं धम्मं पच्चया अनिदस्सनअप्पटिघो महग्गतारम्मणो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नअप्पमाणारम्मणं धम्मं पच्चया अनिदस्सनअप्पटिघो अप्पमाणारम्मणो धम्मो उप्पज्जति हेतुपच्चया… हेतुया तीणि।
२२-१४. सनिदस्सनत्तिक-हीनत्तिकं
६१.नसनिदस्सनसप्पटिघं नहीनं धम्मं पच्चया अनिदस्सनअप्पटिघो हीनो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नमज्झिमं धम्मं पटिच्च सनिदस्सनसप्पटिघो मज्झिमो धम्मो उप्पज्जति हेतुपच्चया… हेतुया एकवीस।
नसनिदस्सनसप्पटिघं नपणीतं धम्मं पच्चया अनिदस्सनअप्पटिघो पणीतो धम्मो उप्पज्जति हेतुपच्चया… हेतुया तीणि।
२२-१५. सनिदस्सनत्तिक-मिच्छत्तनियतत्तिकं
६२.नसनिदस्सनसप्पटिघं नमिच्छत्तनियतं धम्मं पच्चया अनिदस्सनअप्पटिघो मिच्छत्तनियतो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नसम्मत्तनियतं धम्मं पच्चया अनिदस्सनअप्पटिघो सम्मत्तनियतो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नअनियतं धम्मं पटिच्च सनिदस्सनसप्पटिघो अनियतो धम्मो उप्पज्जति हेतुपच्चया… हेतुया एकवीस।
२२-१६. सनिदस्सनत्तिक-मग्गारम्मणत्तिकं
६३.नसनिदस्सनसप्पटिघं नमग्गारम्मणं धम्मं पच्चया अनिदस्सनअप्पटिघो मग्गारम्मणो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नमग्गहेतुकं धम्मं पच्चया अनिदस्सनअप्पटिघो मग्गहेतुको धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नमग्गाधिपतिं धम्मं पच्चया अनिदस्सनअप्पटिघो मग्गाधिपति धम्मो उप्पज्जति हेतुपच्चया… हेतुया तीणि।
२२-१७. सनिदस्सनत्तिक-उप्पन्नत्तिकं
६४.नसनिदस्सनसप्पटिघो नउप्पन्नो धम्मो अनिदस्सनअप्पटिघस्स उप्पन्नस्स धम्मस्स आरम्मणपच्चयेन पच्चयो… आरम्मणे छ।
२२-१८. सनिदस्सनत्तिक-अतीतत्तिकं
६५.नसनिदस्सनसप्पटिघो नपच्चुप्पन्नो धम्मो अनिदस्सनअप्पटिघस्स पच्चुप्पन्नस्स धम्मस्स आरम्मणपच्चयेन पच्चयो… आरम्मणे छ।
२२-१९. सनिदस्सनत्तिक-अतीतारम्मणत्तिकं
६६.नसनिदस्सनसप्पटिघं नअतीतारम्मणं धम्मं पटिच्च अनिदस्सनअप्पटिघो अतीतारम्मणो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नअनागतारम्मणं धम्मं पच्चया अनिदस्सनअप्पटिघो अनागतारम्मणो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नपच्चुप्पन्नारम्मणं धम्मं पटिच्च अनिदस्सनअप्पटिघो पच्चुप्पन्नारम्मणो धम्मो उप्पज्जति हेतुपच्चया … हेतुया तीणि।
२२-२०-२१. सनिदस्सनत्तिक-अज्झत्तत्तिकद्वयं
६७.नसनिदस्सनसप्पटिघो नअज्झत्तो धम्मो अनिदस्सनअप्पटिघस्स अज्झत्तस्स धम्मस्स आरम्मणपच्चयेन पच्चयो। (संखित्तं।) आरम्मणे छ, अधिपतिया छ, पुरेजाते अत्थिया अविगते छ।
नसनिदस्सनसप्पटिघो नबहिद्धा धम्मो अनिदस्सनअप्पटिघस्स बहिद्धा धम्मस्स आरम्मणपच्चयेन पच्चयो। (संखित्तं।) आरम्मणे छ, अधिपतिया छ, पुरेजाते अत्थिया अविगते छ।
६८.नसनिदस्सनसप्पटिघं नअज्झत्तारम्मणं धम्मं पटिच्च अनिदस्सनअप्पटिघो अज्झत्तारम्मणो धम्मो उप्पज्जति हेतुपच्चया… हेतुया तीणि।
नसनिदस्सनसप्पटिघं नबहिद्धारम्मणं धम्मं पटिच्च अनिदस्सनअप्पटिघो बहिद्धारम्मणो धम्मो उप्पज्जति हेतुपच्चया… हेतुया तीणि।
(सहजातवारम्पि पच्चयवारम्पि निस्सयवारम्पि संसट्ठवारम्पि सम्पयुत्तवारम्पि पञ्हावारम्पि वित्थारेतब्बं।)
धम्मपच्चनीयानुलोमे तिकतिकपट्ठानं निट्ठितं।