बुद्धवन्दना
देवलोका चवित्वान ,
महामायाय कुच्छियं।
उप्पज्जि गुरुवारम्हि,
वन्देतं सक्यपुङ्गवं॥
दसमा सच्चये नेसो ,
विजायि मातुकुच्छितो।
सुक्कवारे लुम्बिनियं,
वन्दे तं लोकपूजितं॥
चक्कवत्तिसिरिं हित्वा,
महासिनिक्खमं सुधी।
निक्खमी चन्दवारम्हि,
नमे तं मुनिकुञ्जरं॥
अस्सत्थबोधिमूलम्हि ,
पल्लङ्के अपराजिते।
पत्तो सब्बञ्ञुतं नाथो,
नमे तं बुधवासरे॥
पञ्चवग्गियमुखानं ,
देवानं मिगदावने।
सोरिवारे धम्मचक्कं,
वत्तेसि तं जिनं नमे॥
सब्बसङ्खतधम्मानं,
पकासियअनिच्चतं।
निब्बुतंअङ्गवारम्हि,
नमाधिअमतन्ददं॥
सूरियवारे सोण्णाय ,
दोणिया जिनविग्गहो।
अग्गिनुज्जलितो तस्स,
नमे धातुसरीरकं॥