६. छट्ठनयो

२२९.वेदनाक्खन्धो… सञ्‍ञाक्खन्धो… सङ्खारक्खन्धो तीहि खन्धेहि एकेनायतनेन सत्तहि धातूहि सम्पयुत्तो; एकेनायतनेन एकाय धातुया केहिचि सम्पयुत्तो। कतिहि विप्पयुत्तो? एकेन खन्धेन दसहायतनेहि दसहि धातूहि विप्पयुत्तो; एकेनायतनेन एकाय धातुया केहिचि विप्पयुत्तो।

२३०.विञ्‍ञाणक्खन्धो तीहि खन्धेहि सम्पयुत्तो; एकेनायतनेन एकाय धातुया केहिचि सम्पयुत्तो। कतिहि विप्पयुत्तो? एकेन खन्धेन दसहायतनेहि दसहि धातूहि विप्पयुत्तो; एकेनायतनेन एकाय धातुया केहिचि विप्पयुत्तो।

२३२.मनायतनं तीहि खन्धेहि सम्पयुत्तं; एकेनायतनेन एकाय धातुया केहिचि सम्पयुत्तं। कतिहि विप्पयुत्तं? एकेन खन्धेन दसहायतनेहि दसहि धातूहि विप्पयुत्तं; एकेनायतनेन एकाय धातुया केहिचि विप्पयुत्तं।

२३४.चक्खुविञ्‍ञाणधातु…पे॰… मनोधातु… मनोविञ्‍ञाणधातु तीहि खन्धेहि सम्पयुत्ता; एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२३६.निरोधसच्‍चं… चक्खुन्द्रियं…पे॰… कायिन्द्रियं… इत्थिन्द्रियं… पुरिसिन्द्रियं…पे॰… सम्पयुत्तन्ति? नत्थि। कतिहि विप्पयुत्तं? चतूहि खन्धेहि एकेनायतनेन सत्तहि धातूहि विप्पयुत्तं; एकेनायतनेन एकाय धातुया केहिचि विप्पयुत्तं।

२३७.मनिन्द्रियं तीहि खन्धेहि सम्पयुत्तं; एकेनायतनेन एकाय धातुया केहिचि सम्पयुत्तं। कतिहि विप्पयुत्तं? एकेन खन्धेन दसहायतनेहि दसहि धातूहि विप्पयुत्तं; एकेनायतनेन एकाय धातुया केहिचि विप्पयुत्तं।

२३८.सुखिन्द्रियं… दुक्खिन्द्रियं… सोमनस्सिन्द्रियं… दोमनस्सिन्द्रियं तीहि खन्धेहि एकेनायतनेन एकाय धातुया सम्पयुत्तं; एकेनायतनेन एकाय धातुया केहिचि सम्पयुत्तं। कतिहि विप्पयुत्तं? एकेन खन्धेन दसहायतनेहि सोळसहि धातूहि विप्पयुत्तं; एकेनायतनेन एकाय धातुया केहिचि विप्पयुत्तं।

२३९.उपेक्खिन्द्रियं तीहि खन्धेहि एकेनायतनेन छहि धातूहि सम्पयुत्तं; एकेनायतनेन एकाय धातुया केहिचि सम्पयुत्तं। कतिहि विप्पयुत्तं? एकेन खन्धेन दसहायतनेहि एकादसहि धातूहि विप्पयुत्तं ; एकेनायतनेन एकाय धातुया केहिचि विप्पयुत्तं।

२४०.सद्धिन्द्रियं… वीरियिन्द्रियं… सतिन्द्रियं… समाधिन्द्रियं… पञ्‍ञिन्द्रियं… अनञ्‍ञातञ्‍ञस्सामीतिन्द्रियं… अञ्‍ञिन्द्रियं… अञ्‍ञाताविन्द्रियं… अविज्‍जा… अविज्‍जापच्‍चया सङ्खारा तीहि खन्धेहि एकेनायतनेन एकाय धातुया सम्पयुत्ता; एकेन खन्धेन एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२४१.सङ्खारपच्‍चया विञ्‍ञाणं तीहि खन्धेहि सम्पयुत्तं; एकेनायतनेन एकाय धातुया केहिचि सम्पयुत्तं। कतिहि विप्पयुत्तं? एकेन खन्धेन दसहायतनेहि दसहि धातूहि विप्पयुत्तं; एकेनायतनेन एकाय धातुया केहिचि विप्पयुत्तं।

२४२.सळायतनपच्‍चया फस्सो तीहि खन्धेहि एकेनायतनेन सत्तहि धातूहि सम्पयुत्तो; एकेन खन्धेन एकेनायतनेन एकाय धातुया केहिचि सम्पयुत्तो। कतिहि विप्पयुत्तो? एकेन खन्धेन दसहायतनेहि दसहि धातूहि विप्पयुत्तो; एकेनायतनेन एकाय धातुया केहिचि विप्पयुत्तो।

२४३.फस्सपच्‍चया वेदना तीहि खन्धेहि एकेनायतनेन सत्तहि धातूहि सम्पयुत्ता; एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि दसहि धातूहि विप्पयुत्ता ; एकेनायतनेन एकाय धातुया केहिचि विप्पयुत्ता।

२४४.वेदनापच्‍चया तण्हा… तण्हापच्‍चया उपादानं… कम्मभवो तीहि खन्धेहि एकेनायतनेन एकाय धातुया सम्पयुत्तो; एकेन खन्धेन एकेनायतनेन एकाय धातुया केहिचि सम्पयुत्तो। कतिहि विप्पयुत्तो ? एकेन खन्धेन दसहायतनेहि सोळसहि धातूहि विप्पयुत्तो; एकेनायतनेन एकाय धातुया केहिचि विप्पयुत्तो।

२४५.रूपभवो…पे॰… सम्पयुत्तोति? नत्थि। कतिहि विप्पयुत्तो? न केहिचि खन्धेहि न केहिचि आयतनेहि तीहि धातूहि विप्पयुत्तो।

२४६.अरूपभवो… नेवसञ्‍ञानासञ्‍ञाभवो… चतुवोकारभवो…पे॰… सम्पयुत्तोति? नत्थि। कतिहि विप्पयुत्तो? एकेन खन्धेन दसहायतनेहि सोळसहि धातूहि विप्पयुत्तो; एकेनायतनेन एकाय धातुया केहिचि विप्पयुत्तो।

२४७.असञ्‍ञाभवो… एकवोकारभवो… परिदेवो…पे॰… सम्पयुत्तोति? नत्थि। कतिहि विप्पयुत्तो? चतूहि खन्धेहि एकेनायतनेन सत्तहि धातूहि विप्पयुत्तो; एकेनायतनेन एकाय धातुया केहिचि विप्पयुत्तो।

२४८.सोको… दुक्खं… दोमनस्सं तीहि खन्धेहि एकेनायतनेन एकाय धातुया सम्पयुत्तं; एकेनायतनेन एकाय धातुया केहिचि सम्पयुत्तं। कतिहि विप्पयुत्तं? एकेन खन्धेन दसहायतनेहि सोळसहि धातूहि विप्पयुत्तं; एकेनायतनेन एकाय धातुया केहिचि विप्पयुत्तं।

२४९.उपायासो… सतिपट्ठानं… सम्मप्पधानं तीहि खन्धेहि एकेनायतनेन एकाय धातुया सम्पयुत्तं; एकेन खन्धेन एकेनायतनेन एकाय धातुया केहिचि सम्पयुत्तं। कतिहि विप्पयुत्तं? एकेन खन्धेन दसहायतनेहि सोळसहि धातूहि विप्पयुत्तं; एकेनायतनेन एकाय धातुया केहिचि विप्पयुत्तं।

२५०.इद्धिपादो द्वीहि खन्धेहि सम्पयुत्तो; एकेन खन्धेन एकेनायतनेन एकाय धातुया केहिचि सम्पयुत्तो। कतिहि विप्पयुत्तो? एकेन खन्धेन दसहायतनेहि सोळसहि धातूहि विप्पयुत्तो; एकेनायतनेन एकाय धातुया केहिचि विप्पयुत्तो।

२५१.झानं द्वीहि खन्धेहि एकेनायतनेन एकाय धातुया सम्पयुत्तं; एकेन खन्धेन एकेनायतनेन एकाय धातुया केहिचि सम्पयुत्तं। कतिहि विप्पयुत्तं? एकेन खन्धेन दसहायतनेहि सोळसहि धातूहि विप्पयुत्तं; एकेनायतनेन एकाय धातुया केहिचि विप्पयुत्तं।

२५२.अप्पमञ्‍ञा… पञ्‍चिन्द्रियानि… पञ्‍च बलानि… सत्त बोज्झङ्गा… अरियो अट्ठङ्गिको मग्गो तीहि खन्धेहि एकेनायतनेन एकाय धातुया सम्पयुत्तो; एकेन खन्धेन एकेनायतनेन एकाय धातुया केहिचि सम्पयुत्तो। कतिहि विप्पयुत्तो? एकेन खन्धेन दसहायतनेहि सोळसहि धातूहि विप्पयुत्तो; एकेनायतनेन एकाय धातुया केहिचि विप्पयुत्तो।

२५३.फस्सो … चेतना… मनसिकारो तीहि खन्धेहि एकेनायतनेन सत्तहि धातूहि सम्पयुत्तो; एकेन खन्धेन एकेनायतनेन एकाय धातुया केहिचि सम्पयुत्तो। कतिहि विप्पयुत्तो? एकेन खन्धेन दसहायतनेहि दसहि धातूहि विप्पयुत्तो; एकेनायतनेन एकाय धातुया केहिचि विप्पयुत्तो।

२५४.वेदना… सञ्‍ञा तीहि खन्धेहि एकेनायतनेन सत्तहि धातूहि सम्पयुत्ता; एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि दसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२५५.चित्तं तीहि खन्धेहि सम्पयुत्तं; एकेनायतनेन एकाय धातुया केहिचि सम्पयुत्तं। कतिहि विप्पयुत्तं? एकेन खन्धेन दसहायतनेहि दसहि धातूहि विप्पयुत्तं; एकेनायतनेन एकाय धातुया केहिचि विप्पयुत्तं।

२५६.अधिमोक्खो तीहि खन्धेहि एकेनायतनेन द्वीहि धातूहि सम्पयुत्तो; एकेन खन्धेन एकेनायतनेन एकाय धातुया केहिचि सम्पयुत्तो। कतिहि विप्पयुत्तो? एकेन खन्धेन दसहायतनेहि पन्‍नरसहि धातूहि विप्पयुत्तो; एकेनायतनेन एकाय धातुया केहिचि विप्पयुत्तो।

२५८.सुखाय वेदनाय सम्पयुत्ता धम्मा… दुक्खाय वेदनाय सम्पयुत्ता धम्मा एकेन खन्धेन सम्पयुत्ता ; एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि पन्‍नरसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२५९.अदुक्खमसुखाय वेदनाय सम्पयुत्ता धम्मा एकेन खन्धेन सम्पयुत्ता; एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि एकादसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२६०.विपाका धम्मा…पे॰… सम्पयुत्ताति? नत्थि। कतिहि विप्पयुत्ता? एकेन खन्धेन दसहायतनेहि दसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२६१.विपाकधम्मधम्मा… संकिलिट्ठसंकिलेसिका धम्मा…पे॰… सम्पयुत्ताति? नत्थि। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२६२.नेवविपाकनविपाकधम्मधम्मा… अनुपादिन्‍नुपादानिया धम्मा…पे॰… सम्पयुत्ताति ? नत्थि। कतिहि विप्पयुत्ता? न केहिचि खन्धेहि न केहिचि आयतनेहि पञ्‍चहि धातूहि विप्पयुत्ता।

२६३.अनुपादिन्‍नअनुपादानिया धम्मा… असंकिलिट्ठअसंकिलेसिका धम्मा…पे॰… सम्पयुत्ताति? नत्थि। कतिहि विप्पयुत्ता? न केहिचि खन्धेहि न केहिचि आयतनेहि छहि धातूहि विप्पयुत्ता।

२६४.सवितक्‍कसविचारा धम्मा एकेन खन्धेन एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि पन्‍नरसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२६५.अवितक्‍कविचारमत्ता धम्मा… पीतिसहगता धम्मा एकेन खन्धेन एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२६६.अवितक्‍कअविचारा धम्मा…पे॰… सम्पयुत्ताति? नत्थि। कतिहि विप्पयुत्ता? न केहिचि खन्धेहि न केहिचि आयतनेहि एकाय धातुया विप्पयुत्ता।

२६७.सुखसहगता धम्मा एकेन खन्धेन सम्पयुत्ता; एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि पन्‍नरसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२६८.उपेक्खासहगता धम्मा एकेन खन्धेन सम्पयुत्ता; एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि एकादसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२६९.दस्सनेन पहातब्बा धम्मा भावनाय पहातब्बा धम्मा… दस्सनेन पहातब्बहेतुका धम्मा… भावनाय पहातब्बहेतुका धम्मा… आचयगामिनो धम्मा… अपचयगामिनो धम्मा… सेक्खा धम्मा… असेक्खा धम्मा… महग्गता धम्मा…पे॰… सम्पयुत्ताति? नत्थि। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२७०.अप्पमाणा धम्मा… पणीता धम्मा…पे॰… सम्पयुत्ताति? नत्थि। कतिहि विप्पयुत्ता? न केहिचि खन्धेहि न केहिचि आयतनेहि छहि धातूहि विप्पयुत्ता।

२७१.परित्तारम्मणा धम्मा…पे॰… सम्पयुत्ताति? नत्थि। कतिहि विप्पयुत्ता? एकेन खन्धेन दसहायतनेहि दसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२७२.महग्गतारम्मणा धम्मा… अप्पमाणारम्मणा धम्मा… हीना धम्मा… मिच्छत्तनियता धम्मा… सम्मत्तनियता धम्मा… मग्गारम्मणा धम्मा… मग्गहेतुका धम्मा… मग्गाधिपतिनो धम्मा…पे॰… सम्पयुत्ताति? नत्थि। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२७३.अनुप्पन्‍ना धम्मा…पे॰… सम्पयुत्ताति? नत्थि। कतिहि विप्पयुत्ता? न केहिचि खन्धेहि न केहिचि आयतनेहि पञ्‍चहि धातूहि विप्पयुत्ता।

२७४.अतीतारम्मणा धम्मा…पे॰… अनागतारम्मणा धम्मा…पे॰… सम्पयुत्ताति? नत्थि। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२७५.पच्‍चुप्पन्‍नारम्मणा धम्मा… अज्झत्तारम्मणा धम्मा… बहिद्धारम्मणा धम्मा… अज्झत्तबहिद्धारम्मणा धम्मा…पे॰… सम्पयुत्ताति? नत्थि। कतिहि विप्पयुत्ता? एकेन खन्धेन दसहायतनेहि दसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२७६.सनिदस्सनसप्पटिघा धम्मा… अनिदस्सनसप्पटिघा धम्मा…पे॰… सम्पयुत्ताति ? नत्थि। कतिहि विप्पयुत्ता? चतूहि खन्धेहि एकेनायतनेन सत्तहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२७८.सहेतुका धम्मा… हेतुसम्पयुत्ता धम्मा…पे॰… सम्पयुत्ताति? नत्थि। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२७९.सहेतुका चेव न च हेतू धम्मा… हेतुसम्पयुत्ता चेव न च हेतू धम्मा… न हेतुसहेतुका धम्मा एकेन खन्धेन एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२८०.अप्पच्‍चया धम्मा… असङ्खता धम्मा… सनिदस्सना धम्मा… सप्पटिघा धम्मा… रूपिनो धम्मा…पे॰… सम्पयुत्ताति? नत्थि। कतिहि विप्पयुत्ता? चतूहि खन्धेहि एकेनायतनेन सत्तहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२८१.लोकुत्तरा धम्मा…पे॰… सम्पयुत्ताति? नत्थि। कतिहि विप्पयुत्ता? न केहिचि खन्धेहि न केहिचि आयतनेहि छहि धातूहि विप्पयुत्ता।

२८२.आसवा धम्मा… आसवा चेव सासवा च धम्मा… आसवा चेव आसवसम्पयुत्ता च धम्मा तीहि खन्धेहि एकेनायतनेन एकाय धातुया सम्पयुत्ता; एकेन खन्धेन एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२८३.अनासवा धम्मा… आसवविप्पयुत्ता अनासवा धम्मा…पे॰… सम्पयुत्ताति? नत्थि। कतिहि विप्पयुत्ता? न केहिचि खन्धेहि न केहिचि आयतनेहि छहि धातूहि विप्पयुत्ता।

२८४.आसवसम्पयुत्ता धम्मा…पे॰… सम्पयुत्ताति? नत्थि। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२८५.आसवसम्पयुत्ता चेव नो च आसवा धम्मा एकेन खन्धेन एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२८६.संयोजना धम्मा… गन्था धम्मा… ओघा धम्मा… योगा धम्मा… नीवरणा धम्मा… परामासा धम्मा… परामासा चेव परामट्ठा च धम्मा तीहि खन्धेहि एकेनायतनेन एकाय धातुया सम्पयुत्ता; एकेन खन्धेन एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२८७.अपरामट्ठा धम्मा… परामासविप्पयुत्ता अपरामट्ठा धम्मा सम्पयुत्ताति? नत्थि। कतिहि विप्पयुत्ता? न केहिचि खन्धेहि न केहिचि आयतनेहि छहि धातूहि विप्पयुत्ता।

२८८.परामाससम्पयुत्ता धम्मा एकेन खन्धेन एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२८९.सारम्मणा धम्मा…पे॰… सम्पयुत्ताति? नत्थि। कतिहि विप्पयुत्ता? एकेन खन्धेन दसहायतनेहि दसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२९०.अनारम्मणा धम्मा… चित्तविप्पयुत्ता धम्मा… चित्तविसंसट्ठा धम्मा… उपादा धम्मा…पे॰… सम्पयुत्ताति? नत्थि। कतिहि विप्पयुत्ता? चतूहि खन्धेहि एकेनायतनेन सत्तहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२९१.चित्ता धम्मा तीहि खन्धेहि सम्पयुत्ता; एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि दसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२९२.चेतसिका धम्मा… चित्तसम्पयुत्ता धम्मा… चित्तसंसट्ठा धम्मा… चित्तसंसट्ठसमुट्ठाना धम्मा… चित्तसंसट्ठसमुट्ठानसहभुनो धम्मा… चित्तसंसट्ठसमुट्ठानानुपरिवत्तिनो धम्मा एकेन खन्धेन एकेनायतनेन सत्तहि धातूहि सम्पयुत्ता। कतिहि विप्पयुत्ता? एकेन खन्धेन दसहायतनेहि दसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२९३.अनुपादिन्‍ना धम्मा…पे॰… सम्पयुत्ताति? नत्थि। कतिहि विप्पयुत्ता? न केहिचि खन्धेहि न केहिचि आयतनेहि पञ्‍चहि धातूहि विप्पयुत्ता।

२९४.उपादाना धम्मा… किलेसा धम्मा… किलेसा चेव संकिलेसिका च धम्मा… किलेसा चेव संकिलिट्ठा च धम्मा… किलेसा चेव किलेससम्पयुत्ता च धम्मा तीहि खन्धेहि एकेनायतनेन एकाय धातुया सम्पयुत्ता; एकेन खन्धेन एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२९५.असंकिलेसिका धम्मा… किलेसविप्पयुत्ता असंकिलेसिका धम्मा…पे॰… सम्पयुत्ताति ? नत्थि। कतिहि विप्पयुत्ता? न केहिचि खन्धेहि न केहिचि आयतनेहि छहि धातूहि विप्पयुत्ता।

२९६.संकिलिट्ठा धम्मा… किलेससम्पयुत्ता धम्मा…पे॰… सम्पयुत्ताति? नत्थि। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२९७.संकिलिट्ठा चेव नो च किलेसा धम्मा… किलेससम्पयुत्ता चेव नो च किलेसा धम्मा एकेन खन्धेन एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२९८.दस्सनेन पहातब्बा धम्मा… भावनाय पहातब्बा धम्मा… दस्सनेन पहातब्बहेतुका धम्मा… भावनाय पहातब्बहेतुका धम्मा… सम्पयुत्ताति? नत्थि। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

२९९.सवितक्‍का धम्मा… सविचारा धम्मा एकेन खन्धेन एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि पन्‍नरसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

३००.अवितक्‍का धम्मा… अविचारा धम्मा…पे॰… सम्पयुत्ताति? नत्थि। कतिहि विप्पयुत्ता? न केहिचि खन्धेहि न केहिचि आयतनेहि एकाय धातुया विप्पयुत्ता।

३०१.सप्पीतिका धम्मा… पीतिसहगता धम्मा एकेन खन्धेन एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

३०२.सुखसहगता धम्मा एकेन खन्धेन सम्पयुत्ता; एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि पन्‍नरसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

३०३.उपेक्खासहगता धम्मा एकेन खन्धेन सम्पयुत्ता; एकेनायतनेन एकाय धातुया केहिचि सम्पयुत्ता। कतिहि विप्पयुत्ता? एकेन खन्धेन दसहायतनेहि एकादसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

३०४.न कामावचरा धम्मा… अपरियापन्‍ना धम्मा… अनुत्तरा धम्मा…पे॰… सम्पयुत्ताति? नत्थि। कतिहि विप्पयुत्ता? न केहिचि खन्धेहि न केहिचि आयतनेहि छहि धातूहि विप्पयुत्ता।

३०५.रूपावचरा धम्मा… अरूपावचरा धम्मा… निय्यानिका धम्मा… नियता धम्मा… सरणा धम्मा कतिहि खन्धेहि कतिहायतनेहि कतिहि धातूहि सम्पयुत्ताति? नत्थि। कतिहि विप्पयुत्ता? एकेन खन्धेन दसहायतनेहि सोळसहि धातूहि विप्पयुत्ता; एकेनायतनेन एकाय धातुया केहिचि विप्पयुत्ता।

धम्मायतनं धम्मधातु, दुक्खसच्‍चञ्‍च जीवितं।

सळायतनं नामरूपं, चत्तारो च महाभवा॥

जाति जरा च मरणं, तिकेस्वेकूनवीसति।

गोच्छकेसु च पञ्‍ञास, अट्ठ चूळन्तरे पदा॥

महन्तरे पन्‍नरस, अट्ठारस ततो परे।

तेवीस पदसतं एतं, सम्पयोगे न लब्भतीति॥

सम्पयोगविप्पयोगपदनिद्देसो छट्ठो।