१. सम्मुतिपेय्यालं
१. भत्तुद्देसकसुत्तं
२७२.‘‘पञ्चहि , भिक्खवे, धम्मेहि समन्नागतो भत्तुद्देसको न सम्मन्नितब्बो [न सम्मनितब्बो (क॰) चूळव॰ ३२६ पस्सितब्बं]। कतमेहि पञ्चहि? छन्दागतिं गच्छति, दोसागतिं गच्छति, मोहागतिं गच्छति, भयागतिं गच्छति, उद्दिट्ठानुद्दिट्ठं न जानाति – इमेहि खो, भिक्खवे, पञ्चहि धम्मेहि समन्नागतो भत्तुद्देसको न सम्मन्नितब्बो।
‘‘पञ्चहि, भिक्खवे, धम्मेहि समन्नागतो भत्तुद्देसको सम्मन्नितब्बो। कतमेहि पञ्चहि? न छन्दागतिं गच्छति, न दोसागतिं गच्छति, न मोहागतिं गच्छति, न भयागतिं गच्छति, उद्दिट्ठानुद्दिट्ठं जानाति – इमेहि खो, भिक्खवे, पञ्चहि धम्मेहि समन्नागतो भत्तुद्देसको सम्मन्नितब्बोति।
‘‘पञ्चहि, भिक्खवे, धम्मेहि समन्नागतो भत्तुद्देसको सम्मतो [सम्मतोपि (सी॰)] न पेसेतब्बो…पे॰… सम्मतो पेसेतब्बो… बालो वेदितब्बो… पण्डितो वेदितब्बो… खतं उपहतं अत्तानं परिहरति… अक्खतं अनुपहतं अत्तानं परिहरति… यथाभतं निक्खित्तो एवं निरये… यथाभतं निक्खित्तो एवं सग्गे। कतमेहि पञ्चहि? न छन्दागतिं गच्छति, न दोसागतिं गच्छति, न मोहागतिं गच्छति, न भयागतिं गच्छति, उद्दिट्ठानुद्दिट्ठं जानाति – इमेहि खो, भिक्खवे, पञ्चहि धम्मेहि समन्नागतो भत्तुद्देसको यथाभतं निक्खित्तो एवं सग्गे’’ति। पठमं।
२-१४. सेनासनपञ्ञापकसुत्तादितेरसकं
२७३-२८५.‘‘पञ्चहि, भिक्खवे, धम्मेहि समन्नागतो सेनासनपञ्ञापको न सम्मन्नितब्बो…पे॰… पञ्ञत्तापञ्ञत्तं न जानाति…पे॰… सेनासनपञ्ञापको सम्मन्नितब्बो…पे॰… पञ्ञत्तापञ्ञत्तं जानाति…पे॰…।
सेनासनगाहापको न सम्मन्नितब्बो…पे॰… गहितागहितं [पञ्ञत्तापञ्ञत्तं (सी॰ स्या॰ कं॰)] न जानाति…पे॰… सेनासनगाहापको सम्मन्नितब्बो…पे॰… गहितागहितं [पञ्ञत्तापञ्ञत्तं (सी॰ स्या॰ कं॰)] जानाति…पे॰…।
भण्डागारिको न सम्मन्नितब्बो…पे॰… गुत्तागुत्तं न जानाति… भण्डागारिको सम्मन्नितब्बो…पे॰… गुत्तागुत्तं जानाति…पे॰…।
चीवरपटिग्गाहको न सम्मन्नितब्बो…पे॰… गहितागहितं न जानाति… चीवरपटिग्गाहको सम्मन्नितब्बो …पे॰… गहितागहितं जानाति…पे॰…।
चीवरभाजको न सम्मन्नितब्बो…पे॰… भाजिताभाजितं न जानाति… चीवरभाजको सम्मन्नितब्बो…पे॰… भाजिताभाजितं जानाति…पे॰…।
यागुभाजको न सम्मन्नितब्बो…पे॰… यागुभाजको सम्मन्नितब्बो…पे॰…।
फलभाजको न सम्मन्नितब्बो…पे॰… फलभाजको सम्मन्नितब्बो…पे॰…।
खज्जकभाजको न सम्मन्नितब्बो…पे॰… भाजिताभाजितं न जानाति… खज्जकभाजको सम्मन्नितब्बो…पे॰… भाजिताभाजितं जानाति…पे॰…।
अप्पमत्तकविस्सज्जको न सम्मन्नितब्बो…पे॰… विस्सज्जिताविस्सज्जितं न जानाति… अप्पमत्तकविस्सज्जको सम्मन्नितब्बो…पे॰… विस्सज्जिताविस्सज्जितं जानाति…।
साटियग्गाहापको न सम्मन्नितब्बो…पे॰… गहितागहितं न जानाति … साटियग्गाहापको सम्मन्नितब्बो…पे॰… गहितागहितं जानाति…।
पत्तग्गाहापको न सम्मन्नितब्बो…पे॰… गहितागहितं न जानाति… पत्तग्गाहापको सम्मन्नितब्बो…पे॰… गहितागहितं जानाति…।
आरामिकपेसको न सम्मन्नितब्बो…पे॰… आरामिकपेसको सम्मन्नितब्बो…पे॰…।
सामणेरपेसको न सम्मन्नितब्बो…पे॰… सामणेरपेसको सम्मन्नितब्बो…पे॰…।
सम्मतो न पेसेतब्बो…पे॰… सम्मतो पेसेतब्बो…पे॰…।
सामणेरपेसको बालो वेदितब्बो…पे॰… पण्डितो वेदितब्बो… खतं उपहतं अत्तानं परिहरति… अक्खतं अनुपहतं अत्तानं परिहरति… यथाभतं निक्खित्तो एवं निरये… यथाभतं निक्खित्तो एवं सग्गे। कतमेहि पञ्चहि? न छन्दागतिं गच्छति, न दोसागतिं गच्छति, न मोहागतिं गच्छति, न भयागतिं गच्छति, पेसितापेसितं जानाति। इमेहि खो, भिक्खवे, पञ्चहि धम्मेहि समन्नागतो सामणेरपेसको यथाभतं निक्खित्तो एवं सग्गे’’ति। चुद्दसमं।
सम्मुतिपेय्यालं निट्ठितं।