(१०) ५. ककुधवग्गो
१-१०. पठमसम्पदासुत्तादिवण्णना
९१-१००.पञ्चमस्स पठमे दुतिये च नत्थि वत्तब्बं। ततिये आजाननतो अञ्ञा, उपरिमग्गपञ्ञा हेट्ठिममग्गेन ञातपरिञ्ञाय एव जाननतो। तस्सा पन फलभावतो मग्गफलपञ्ञा तंसहगता सम्मासङ्कप्पादयो च इध ‘‘अञ्ञा’’ति वुत्ता। अञ्ञाय ब्याकरणानि अञ्ञाब्याकरणानि। तेनेवाह ‘‘अञ्ञाब्याकरणानीति अरहत्तब्याकरणानी’’ति। अधिगतमानेनाति अप्पत्ते पत्तसञ्ञी, अनधिगते अधिगतसञ्ञी हुत्वा अधिगतं मयाति मानेन। चतुत्थादीनि उत्तानत्थानेव।
पठमसम्पदासुत्तादिवण्णना निट्ठिता।
ककुधवग्गवण्णना निट्ठिता।
दुतियपण्णासकं निट्ठितं।