कथावत्थु-अट्ठकथा
निसिन्नो देवलोकस्मिं, देवसङ्घपुरक्खतो।
सदेवकस्स लोकस्स, सत्था अप्पटिपुग्गलो॥
सब्बपञ्ञत्तिकुसलो, पञ्ञत्तिपरिदीपनं।
वत्वा पुग्गलपञ्ञत्तिं, लोके उत्तमपुग्गलो॥
यं पुग्गलकथादीनं, कथानं वत्थुभावतो।
कथावत्थुप्पकरणं, सङ्खेपेन अदेसयी॥
मातिकाठपनेनेव , ठपितस्स सुरालये।
तस्स मोग्गलिपुत्तेन, विभत्तस्स महीतले॥
इदानि यस्मा सम्पत्तो, अत्थसंवण्णनाक्कमो।
तस्मा नं वण्णयिस्सामि, तं सुणाथ समाहिताति॥