२२. सनिदस्सनसप्पटिघत्तिकं
१. पटिच्चवारो
१. पच्चयानुलोमं
१. विभङ्गवारो
हेतुपच्चयो
१.अनिदस्सनसप्पटिघं धम्मं पटिच्च अनिदस्सनसप्पटिघो धम्मो उप्पज्जति हेतुपच्चया – अनिदस्सनसप्पटिघं एकं महाभूतं पटिच्च द्वे महाभूता, द्वे महाभूते पटिच्च एकं महाभूतं। अनिदस्सनसप्पटिघे महाभूते पटिच्च अनिदस्सनसप्पटिघं चित्तसमुट्ठानं रूपं कटत्तारूपं उपादारूपं। फोट्ठब्बायतनं पटिच्च चक्खायतनं…पे॰… रसायतनं…पे॰…। (१)
अनिदस्सनसप्पटिघं धम्मं पटिच्च सनिदस्सनसप्पटिघो धम्मो उप्पज्जति हेतुपच्चया – अनिदस्सनसप्पटिघे महाभूते पटिच्च सनिदस्सनसप्पटिघं चित्तसमुट्ठानं रूपं कटत्तारूपं उपादारूपं। फोट्ठब्बायतनं पटिच्च रूपायतनं। (२)
अनिदस्सनसप्पटिघं धम्मं पटिच्च अनिदस्सनअप्पटिघो धम्मो उप्पज्जति हेतुपच्चया – अनिदस्सनसप्पटिघे महाभूते पटिच्च अनिदस्सनअप्पटिघं चित्तसमुट्ठानं रूपं कटत्तारूपं उपादारूपं। फोट्ठब्बायतनं पटिच्च आपोधातु, इत्थिन्द्रियं…पे॰… कबळीकारो आहारो। (३)
अनिदस्सनसप्पटिघं धम्मं पटिच्च सनिदस्सनसप्पटिघो च अनिदस्सनअप्पटिघो च धम्मा उप्पज्जन्ति हेतुपच्चया – अनिदस्सनसप्पटिघे महाभूते पटिच्च सनिदस्सनसप्पटिघञ्च अनिदस्सनअप्पटिघञ्च चित्तसमुट्ठानं रूपं कटत्तारूपं उपादारूपं। फोट्ठब्बायतनं पटिच्च रूपायतनं, आपोधातु, इन्द्रियं…पे॰… कबळीकारो आहारो। (४)
अनिदस्सनसप्पटिघं धम्मं पटिच्च अनिदस्सनसप्पटिघो च अनिदस्सनअप्पटिघो च धम्मा उप्पज्जन्ति हेतुपच्चया – अनिदस्सनसप्पटिघं एकं महाभूतं पटिच्च द्वे महाभूता आपोधातु च, द्वे महाभूते पटिच्च एकं महाभूतं आपोधातु च। अनिदस्सनसप्पटिघे महाभूते पटिच्च अनिदस्सनसप्पटिघञ्च अनिदस्सनअप्पटिघञ्च चित्तसमुट्ठानं रूपं कटत्तारूपं उपादारूपं। फोट्ठब्बायतनं पटिच्च चक्खायतनं…पे॰… रसायतनं, आपोधातु, इत्थिन्द्रियं…पे॰… कबळीकारो आहारो। (५)
अनिदस्सनसप्पटिघं धम्मं पटिच्च सनिदस्सनसप्पटिघो च अनिदस्सनसप्पटिघो च धम्मा उप्पज्जन्ति हेतुपच्चया – अनिदस्सनसप्पटिघे महाभूते पटिच्च सनिदस्सनसप्पटिघञ्च अनिदस्सनसप्पटिघञ्च चित्तसमुट्ठानं रूपं कटत्तारूपं उपादारूपं। फोट्ठब्बायतनं पटिच्च रूपायतनं, चक्खायतनं…पे॰… रसायतनं। (६)
अनिदस्सनसप्पटिघं धम्मं पटिच्च सनिदस्सनसप्पटिघो च अनिदस्सनसप्पटिघो च अनिदस्सनअप्पटिघो च धम्मा उप्पज्जन्ति हेतुपच्चया – अनिदस्सनसप्पटिघे महाभूते पटिच्च सनिदस्सनसप्पटिघञ्च अनिदस्सनसप्पटिघञ्च अनिदस्सनअप्पटिघञ्च चित्तसमुट्ठानं रूपं कटत्तारूपं उपादारूपं। फोट्ठब्बायतनं पटिच्च रूपायतनं, चक्खायतनं…पे॰… रसायतनं, आपोधातु, इत्थिन्द्रियं…पे॰… कबळीकारो आहारो। (७)
२.अनिदस्सनअप्पटिघं धम्मं पटिच्च अनिदस्सनअप्पटिघो धम्मो उप्पज्जति हेतुपच्चया – अनिदस्सनअप्पटिघं एकं खन्धं पटिच्च तयो खन्धा अनिदस्सनअप्पटिघञ्च चित्तसमुट्ठानं रूपं…पे॰… द्वे खन्धे पटिच्च द्वे खन्धा अनिदस्सनअप्पटिघञ्च चित्तसमुट्ठानं रूपं। पटिसन्धिक्खणे अनिदस्सनअप्पटिघं एकं खन्धं पटिच्च तयो खन्धा अनिदस्सनअप्पटिघञ्च कटत्तारूपं…पे॰… द्वे खन्धे…पे॰… खन्धे पटिच्च वत्थु, वत्थुं पटिच्च खन्धा। आपोधातुं पटिच्च अनिदस्सनअप्पटिघं चित्तसमुट्ठानं रूपं कटत्तारूपं उपादारूपं। आपोधातुं पटिच्च इत्थिन्द्रियं…पे॰… कबळीकारो आहारो। (१)
अनिदस्सनअप्पटिघं धम्मं पटिच्च सनिदस्सनसप्पटिघो धम्मो उप्पज्जति हेतुपच्चया – अनिदस्सनअप्पटिघे खन्धे पटिच्च सनिदस्सनसप्पटिघं चित्तसमुट्ठानं रूपं। पटिसन्धिक्खणे अनिदस्सनअप्पटिघे खन्धे पटिच्च सनिदस्सनसप्पटिघं कटत्तारूपं। आपोधातुं पटिच्च सनिदस्सनसप्पटिघं चित्तसमुट्ठानं रूपं कटत्तारूपं उपादारूपं। आपोधातुं पटिच्च रूपायतनं। (२)
अनिदस्सनअप्पटिघं धम्मं पटिच्च अनिदस्सनसप्पटिघो धम्मो उप्पज्जति हेतुपच्चया – अनिदस्सनअप्पटिघे खन्धे पटिच्च अनिदस्सनसप्पटिघं चित्तसमुट्ठानं रूपं। पटिसन्धिक्खणे अनिदस्सनअप्पटिघे खन्धे पटिच्च अनिदस्सनसप्पटिघं कटत्तारूपं। आपोधातुं पटिच्च अनिदस्सनसप्पटिघं चित्तसमुट्ठानं रूपं कटत्तारूपं उपादारूपं। आपोधातुं पटिच्च चक्खायतनं…पे॰… रसायतनं। (३)
अनिदस्सनअप्पटिघं धम्मं पटिच्च सनिदस्सनसप्पटिघो च अनिदस्सनअप्पटिघो च धम्मा उप्पज्जन्ति हेतुपच्चया – अनिदस्सनअप्पटिघं एकं खन्धं पटिच्च तयो खन्धा सनिदस्सनसप्पटिघञ्च अनिदस्सनअप्पटिघञ्च चित्तसमुट्ठानं रूपं…पे॰… द्वे खन्धे…पे॰… पटिसन्धिक्खणे अनिदस्सनअप्पटिघं एकं खन्धं पटिच्च तयो खन्धा। सनिदस्सनसप्पटिघञ्च अनिदस्सनअप्पटिघञ्च कटत्तारूपं…पे॰… द्वे खन्धे…पे॰… आपोधातुं पटिच्च सनिदस्सनसप्पटिघञ्च अनिदस्सनअप्पटिघञ्च चित्तसमुट्ठानं रूपं कटत्तारूपं उपादारूपं। आपोधातुं पटिच्च रूपायतनं, इत्थिन्द्रियं…पे॰… कबळीकारो आहारो। (४)
अनिदस्सनअप्पटिघं धम्मं पटिच्च अनिदस्सनसप्पटिघो च अनिदस्सनअप्पटिघो च धम्मा उप्पज्जन्ति हेतुपच्चया – अनिदस्सनअप्पटिघं एकं खन्धं पटिच्च तयो खन्धा अनिदस्सनसप्पटिघञ्च अनिदस्सनअप्पटिघञ्च चित्तसमुट्ठानं रूपं…पे॰… द्वे खन्धे…पे॰… पटिसन्धिक्खणे अनिदस्सनअप्पटिघं एकं खन्धं पटिच्च तयो खन्धा अनिदस्सनसप्पटिघञ्च अनिदस्सनअप्पटिघञ्च कटत्तारूपं…पे॰… द्वे खन्धे…पे॰… आपोधातुं पटिच्च अनिदस्सनसप्पटिघञ्च अनिदस्सनअप्पटिघञ्च चित्तसमुट्ठानं रूपं कटत्तारूपं उपादारूपं। आपोधातुं पटिच्च चक्खायतनं…पे॰… रसायतनं, इत्थिन्द्रियं…पे॰… कबळीकारो आहारो। (५)
३.अनिदस्सनसप्पटिघञ्च अनिदस्सनअप्पटिघञ्च धम्मं पटिच्च सनिदस्सनसप्पटिघो धम्मो उप्पज्जति हेतुपच्चया – अनिदस्सनअप्पटिघे खन्धे च महाभूते च पटिच्च सनिदस्सनसप्पटिघं चित्तसमुट्ठानं रूपं। पटिसन्धिक्खणे अनिदस्सनअप्पटिघे खन्धे च महाभूते च पटिच्च सनिदस्सनसप्पटिघं कटत्तारूपं। अनिदस्सनसप्पटिघे महाभूते च आपोधातुञ्च पटिच्च सनिदस्सनसप्पटिघं चित्तसमुट्ठानं रूपं कटत्तारूपं उपादारूपं। फोट्ठब्बायतनञ्च आपोधातुञ्च पटिच्च रूपायतनं। (१)
अनिदस्सनसप्पटिघञ्च अनिदस्सनअप्पटिघञ्च धम्मं पटिच्च अनिदस्सनसप्पटिघो धम्मो उप्पज्जति हेतुपच्चया – अनिदस्सनअप्पटिघे खन्धे च महाभूते च पटिच्च अनिदस्सनसप्पटिघं चित्तसमुट्ठानं रूपं। पटिसन्धिक्खणे अनिदस्सनअप्पटिघे खन्धे च महाभूते च पटिच्च अनिदस्सनसप्पटिघं कटत्तारूपं। अनिदस्सनसप्पटिघं एकं महाभूतञ्च आपोधातुञ्च पटिच्च द्वे महाभूता, द्वे महाभूते च आपोधातुञ्च पटिच्च एकं महाभूतं। अनिदस्सनसप्पटिघे महाभूते च आपोधातुञ्च पटिच्च अनिदस्सनसप्पटिघं चित्तसमुट्ठानं रूपं कटत्तारूपं उपादारूपं। फोट्ठब्बायतनञ्च आपोधातुञ्च पटिच्च चक्खायतनं…पे॰… रसायतनं। (२)
अनिदस्सनसप्पटिघञ्च अनिदस्सनअप्पटिघञ्च धम्मं पटिच्च अनिदस्सनअप्पटिघो धम्मो उप्पज्जति हेतुपच्चया – अनिदस्सनअप्पटिघे खन्धे च महाभूते च पटिच्च अनिदस्सनअप्पटिघं चित्तसमुट्ठानं रूपं। पटिसन्धिक्खणे अनिदस्सनअप्पटिघे खन्धे च महाभूते च पटिच्च अनिदस्सनअप्पटिघं कटत्तारूपं। अनिदस्सनसप्पटिघे महाभूते च आपोधातुञ्च पटिच्च अनिदस्सनअप्पटिघं चित्तसमुट्ठानं रूपं कटत्तारूपं उपादारूपं। फोट्ठब्बायतनञ्च आपोधातुञ्च पटिच्च इत्थिन्द्रियं…पे॰… कबळीकारो आहारो। (३)
अनिदस्सनसप्पटिघञ्च अनिदस्सनअप्पटिघञ्च धम्मं पटिच्च सनिदस्सनसप्पटिघो च अनिदस्सनअप्पटिघो च धम्मा उप्पज्जन्ति हेतुपच्चया – अनिदस्सनअप्पटिघे खन्धे च महाभूते च पटिच्च सनिदस्सनसप्पटिघञ्च अनिदस्सनअप्पटिघञ्च चित्तसमुट्ठानं रूपं। पटिसन्धिक्खणे अनिदस्सनअप्पटिघे खन्धे च महाभूते च पटिच्च सनिदस्सनसप्पटिघञ्च अनिदस्सनअप्पटिघञ्च कटत्तारूपं । अनिदस्सनसप्पटिघे महाभूते च आपोधातुञ्च पटिच्च सनिदस्सनसप्पटिघञ्च अनिदस्सनअप्पटिघञ्च चित्तसमुट्ठानं रूपं कटत्तारूपं उपादारूपं। फोट्ठब्बायतनञ्च आपोधातुञ्च पटिच्च रूपायतनं, इत्थिन्द्रियं…पे॰… कबळीकारो आहारो। (४)
अनिदस्सनसप्पटिघञ्च अनिदस्सनअप्पटिघञ्च धम्मं पटिच्च अनिदस्सनसप्पटिघो च अनिदस्सनअप्पटिघो च धम्मा उप्पज्जन्ति हेतुपच्चया – अनिदस्सनअप्पटिघे खन्धे च महाभूते च पटिच्च अनिदस्सनसप्पटिघञ्च अनिदस्सनअप्पटिघञ्च चित्तसमुट्ठानं रूपं। पटिसन्धिक्खणे अनिदस्सनअप्पटिघे खन्धे च महाभूते च पटिच्च अनिदस्सनसप्पटिघञ्च अनिदस्सनअप्पटिघञ्च कटत्तारूपं। अनिदस्सनसप्पटिघे महाभूते च आपोधातुञ्च पटिच्च अनिदस्सनसप्पटिघञ्च अनिदस्सनअप्पटिघञ्च चित्तसमुट्ठानं रूपं कटतारूपं उपादारूपं। फोट्ठब्बायतनञ्च आपोधातुञ्च पटिच्च चक्खायतनं…पे॰… रसायतनं, इत्थिन्द्रियं…पे॰… कबळीकारो आहारो। (५)
आरम्मणपच्चयो
४.अनिदस्सनअप्पटिघं धम्मं पटिच्च अनिदस्सनअप्पटिघो धम्मो उप्पज्जति आरम्मणपच्चया – अनिदस्सनअप्पटिघं एकं खन्धं पटिच्च तयो खन्धा…पे॰… द्वे खन्धे …पे॰… पटिसन्धिक्खणे अनिदस्सनअप्पटिघं एकं खन्धं पटिच्च तयो खन्धा…पे॰… द्वे खन्धे…पे॰… वत्थुं पटिच्च खन्धा। (१)
अधिपतिपच्चयो
५.अनिदस्सनसप्पटिघं धम्मं पटिच्च अनिदस्सनसप्पटिघो धम्मो उप्पज्जति अधिपतिपच्चया – अनिदस्सनसप्पटिघं एकं महाभूतं पटिच्च द्वे महाभूता, द्वे महाभूते पटिच्च एकं महाभूतं। अनिदस्सनसप्पटिघे महाभूते पटिच्च चित्तसमुट्ठानं रूपं उपादारूपं। (१)
(अनिदस्सनसप्पटिघमूलके इमिना कारणेन सत्त पञ्हा विभजितब्बा, परियोसानपदा नत्थि।)
६.अनिदस्सनअप्पटिघं धम्मं पटिच्च अनिदस्सनअप्पटिघो धम्मो उप्पज्जति अधिपतिपच्चया – अनिदस्सनअप्पटिघं एकं खन्धं पटिच्च तयो खन्धा अनिदस्सनअप्पटिघञ्च चित्तसमुट्ठानं रूपं…पे॰… द्वे खन्धे…पे॰… आपोधातुं पटिच्च अनिदस्सनअप्पटिघं चित्तसमुट्ठानं रूपं उपादारूपं।
(इमिना कारणेन अनिदस्सनअप्पटिघमूलके सत्त पञ्हा विभजितब्बा, निट्ठानपदा नत्थि।)
७.अनिदस्सनसप्पटिघञ्च अनिदस्सनअप्पटिघञ्च धम्मं पटिच्च सनिदस्सनसप्पटिघो धम्मो उप्पज्जति अधिपतिपच्चया – अनिदस्सनअप्पटिघे खन्धे च महाभूते च पटिच्च सनिदस्सनसप्पटिघं चित्तसमुट्ठानं रूपं। अनिदस्सनअप्पटिघे महाभूते च आपोधातुञ्च पटिच्च सनिदस्सनसप्पटिघं चित्तसमुट्ठानं रूपं उपादारूपं।
(इमिना कारणेन सत्तपि पञ्हा विभजितब्बा।)
अनन्तर-समनन्तरपच्चया
८.अनिदस्सनअप्पटिघं धम्मं पटिच्च अनिदस्सनअप्पटिघो धम्मो उप्पज्जति अनन्तरपच्चया… समनन्तरपच्चया (आरम्मणसदिसं)।
सहजातपच्चयो
९.अनिदस्सनसप्पटिघं धम्मं पटिच्च अनिदस्सनसप्पटिघो धम्मो उप्पज्जति सहजातपच्चया – अनिदस्सनसप्पटिघं एकं महाभूतं पटिच्च द्वे महाभूता, द्वे महाभूते पटिच्च एकं महाभूतं। अनिदस्सनसप्पटिघे महाभूते पटिच्च अनिदस्सनसप्पटिघं चित्तसमुट्ठानं रूपं कटत्तारूपं उपादारूपं। फोट्ठब्बायतनं पटिच्च चक्खायतनं…पे॰… रसायतनं। बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं पटिच्च द्वे महाभूता…पे॰…।
(अनिदस्सनसप्पटिघमूलका सत्त पञ्हा इमिना कारणेन विभजितब्बा।)
१०.अनिदस्सनअप्पटिघं धम्मं पटिच्च अनिदस्सनअप्पटिघो धम्मो उप्पज्जति सहजातपच्चया – अनिदस्सनअप्पटिघं एकं खन्धं पटिच्च तयो खन्धा अनिदस्सनअप्पटिघं चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे अनिदस्सनअप्पटिघं एकं खन्धं पटिच्च तयो खन्धा अनिदस्सनअप्पटिघं कटत्ता च रूपं…पे॰… द्वे खन्धे…पे॰… खन्धे पटिच्च वत्थु, वत्थुं पटिच्च खन्धा। आपोधातुं पटिच्च अनिदस्सनअप्पटिघं चित्तसमुट्ठानं रूपं कटत्तारूपं उपादारूपं। आपोधातुं पटिच्च इत्थिन्द्रियं…पे॰… कबळीकारो आहारो। बाहिरं… आहारसमुट्ठानं… उतुसमुट्ठानं… असञ्ञसत्तानं आपोधातुं पटिच्च अनिदस्सनअप्पटिघं कटत्तारूपं उपादारूपं।
(अनिदस्सनअप्पटिघमूलके सत्त पञ्हा इमिना कारणेन कातब्बा।)
११.अनिदस्सनसप्पटिघञ्च अनिदस्सनअप्पटिघञ्च धम्मं पटिच्च सनिदस्सनसप्पटिघो धम्मो उप्पज्जति सहजातपच्चया – अनिदस्सनअप्पटिघे खन्धे च महाभूते च पटिच्च सनिदस्सनसप्पटिघं चित्तसमुट्ठानं रूपं। पटिसन्धिक्खणे अनिदस्सनअप्पटिघे खन्धे च महाभूते च पटिच्च सनिदस्सनसप्पटिघं कटत्तारूपं। अनिदस्सनसप्पटिघे महाभूते च आपोधातुञ्च पटिच्च सनिदस्सनसप्पटिघं चित्तसमुट्ठानं रूपं कटत्तारूपं उपादारूपं। फोट्ठब्बायतनञ्च आपोधातुञ्च पटिच्च रूपायतनं। बाहिरं… आहारसमुट्ठानं… उतुसमुट्ठानं… असञ्ञसत्तानं अनिदस्सनसप्पटिघे महाभूते च आपोधातुञ्च पटिच्च सनिदस्सनसप्पटिघं कटत्तारूपं उपादारूपं।
(इमिना कारणेन सत्त पञ्हा विभजितब्बा।)
अञ्ञमञ्ञपच्चयो
१२.अनिदस्सनसप्पटिघं धम्मं पटिच्च अनिदस्सनसप्पटिघो धम्मो उप्पज्जति अञ्ञमञ्ञपच्चया – अनिदस्सनसप्पटिघं एकं महाभूतं पटिच्च द्वे महाभूता, द्वे महाभूते पटिच्च एकं महाभूतं। (१)
अनिदस्सनसप्पटिघं धम्मं पटिच्च अनिदस्सनअप्पटिघो धम्मो उप्पज्जति अञ्ञमञ्ञपच्चया – अनिदस्सनसप्पटिघे महाभूते पटिच्च आपोधातु। (२)
अनिदस्सनसप्पटिघं धम्मं पटिच्च अनिदस्सनसप्पटिघो च अनिदस्सनअप्पटिघो च धम्मा उप्पज्जन्ति अञ्ञमञ्ञपच्चया – अनिदस्सनसप्पटिघं एकं महाभूतं पटिच्च द्वे महाभूता आपोधातु च, द्वे महाभूते पटिच्च एकं महाभूतं आपोधातु च। बाहिरं…पे॰…। (३)
१३.अनिदस्सनअप्पटिघं धम्मं पटिच्च अनिदस्सनअप्पटिघो धम्मो उप्पज्जति अञ्ञमञ्ञपच्चया – अनिदस्सनअप्पटिघं एकं खन्धं पटिच्च तयो खन्धा…पे॰… द्वे खन्धे…पे॰… पटिसन्धिक्खणे अनिदस्सनअप्पटिघं एकं खन्धं पटिच्च तयो खन्धा वत्थु च…पे॰… द्वे खन्धे…पे॰… खन्धे पटिच्च वत्थु, वत्थुं पटिच्च खन्धा। (१)
अनिदस्सनअप्पटिघं धम्मं पटिच्च अनिदस्सनसप्पटिघो धम्मो उप्पज्जति अञ्ञमञ्ञपच्चया – आपोधातुं पटिच्च अनिदस्सनसप्पटिघा महाभूता। बाहिरं…पे॰…। (२)
१४.अनिदस्सनसप्पटिघञ्च अनिदस्सनअप्पटिघञ्च धम्मं पटिच्च अनिदस्सनसप्पटिघो धम्मो उप्पज्जति अञ्ञमञ्ञपच्चया – अनिदस्सनसप्पटिघं एकं महाभूतञ्च आपोधातुञ्च पटिच्च द्वे महाभूता, द्वे महाभूते च आपोधातुञ्च पटिच्च एकं महाभूतं। बाहिरं…पे॰…। (१)
निस्सयपच्चयादि
१५.अनिदस्सनसप्पटिघं धम्मं पटिच्च अनिदस्सनसप्पटिघो धम्मो उप्पज्जति निस्सयपच्चया… उपनिस्सयपच्चया… पुरेजातपच्चया… आसेवनपच्चया… कम्मपच्चया… विपाकपच्चया… आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया… विप्पयुत्तपच्चया… अत्थिपच्चया… नत्थिपच्चया… विगतपच्चया… अविगतपच्चया।
१. पच्चयानुलोमं
२. सङ्ख्यावारो
सुद्धं
१६.हेतुया एकवीस, आरम्मणे एकं, अधिपतिया एकवीस, अनन्तरे एकं, समनन्तरे एकं, सहजाते एकवीस, अञ्ञमञ्ञे छ, निस्सये एकवीस, उपनिस्सये एकं, पुरेजाते एकं, आसेवने एकं, कम्मे एकवीस, विपाके आहारे एकवीस, इन्द्रिये एकवीस, झाने मग्गे एकवीस, सम्पयुत्ते एकं, विप्पयुत्ते एकवीस, अत्थिया एकवीस, नत्थिया एकं, विगते एकं, अविगते एकवीस (एवं गणेतब्बं)।
अनुलोमं।
२. पच्चयपच्चनीयं
१. विभङ्गवारो
नहेतुपच्चयो
१७.अनिदस्सनसप्पटिघं धम्मं पटिच्च अनिदस्सनसप्पटिघो धम्मो उप्पज्जति नहेतुपच्चया – अनिदस्सनसप्पटिघं एकं महाभूतं पटिच्च द्वे महाभूता, द्वे महाभूते पटिच्च एकं महाभूतं। अनिदस्सनसप्पटिघे महाभूते पटिच्च अनिदस्सनसप्पटिघं चित्तसमुट्ठानं रूपं कटत्तारूपं उपादारूपं। फोट्ठब्बायतनं पटिच्च चक्खायतनं…पे॰… रसायतनं। बाहिरं… आहारसमुट्ठानं… उतुसमुट्ठानं… असञ्ञसत्तानं अनिदस्सनसप्पटिघं एकं महाभूतं पटिच्च द्वे महाभूता, द्वे महाभूते पटिच्च एकं महाभूतं, महाभूते पटिच्च…पे॰…।
(अनिदस्सनसप्पटिघमूलके इमिना कारणेन सत्तपि पञ्हा विभजितब्बा।)
१८.अनिदस्सनअप्पटिघं धम्मं पटिच्च अनिदस्सनअप्पटिघो धम्मो उप्पज्जति नहेतुपच्चया – अहेतुकं अनिदस्सनअप्पटिघं एकं खन्धं पटिच्च तयो खन्धा अनिदस्सनअप्पटिघञ्च चित्तसमुट्ठानञ्च रूपं…पे॰… द्वे खन्धे…पे॰… अहेतुकपटिसन्धिक्खणे अनिदस्सनअप्पटिघं एकं खन्धं पटिच्च तयो खन्धा अनिदस्सनअप्पटिघञ्च कटत्तारूपं…पे॰… खन्धे पटिच्च वत्थु, वत्थुं पटिच्च खन्धा। आपोधातुं पटिच्च अनिदस्सनअप्पटिघं चित्तसमुट्ठानं रूपं कटत्तारूपं उपादारूपं। आपोधातुं पटिच्च इत्थिन्द्रियं…पे॰… कबळीकारो आहारो। बाहिरं… आहारसमुट्ठानं… उतुसमुट्ठानं… असञ्ञसत्तानं आपोधातुं पटिच्च अनिदस्सनअप्पटिघं कटत्तारूपं उपादारूपं। विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो।
(अनिदस्सनअप्पटिघमूलका इमिना कारणेन सत्त पञ्हा विभजितब्बा।)
१९.अनिदस्सनसप्पटिघञ्च अनिदस्सनअप्पटिघञ्च धम्मं पटिच्च सनिदस्सनसप्पटिघो धम्मो उप्पज्जति नहेतुपच्चया – अहेतुके अनिदस्सनअप्पटिघे खन्धे च महाभूते च पटिच्च सनिदस्सनसप्पटिघं चित्तसमुट्ठानं रूपं। अहेतुकपटिसन्धिक्खणे अनिदस्सनअप्पटिघे खन्धे च महाभूते च पटिच्च सनिदस्सनसप्पटिघं कटत्तारूपं। अनिदस्सनसप्पटिघे महाभूते च आपोधातुञ्च पटिच्च सनिदस्सनसप्पटिघं चित्तसमुट्ठानं रूपं कटत्तारूपं उपादारूपं। फोट्ठब्बायतनञ्च आपोधातुञ्च पटिच्च रूपायतनं। बाहिरं… आहारसमुट्ठानं… उतुसमुट्ठानं… असञ्ञसत्तानं अनिदस्सनसप्पटिघे महाभूते च आपोधातुञ्च पटिच्च सनिदस्सनसप्पटिघं कटत्तारूपं उपादारूपं।
(इमिना कारणेन सत्त पञ्हा वित्थारेतब्बा असम्मोहन्तेन।)
नआरम्मणपच्चयो
२०.अनिदस्सनसप्पटिघं धम्मं पटिच्च अनिदस्सनसप्पटिघो धम्मो उप्पज्जति नआरम्मणपच्चया – अनिदस्सनसप्पटिघं एकं महाभूतं पटिच्च द्वे महाभूता, द्वे महाभूते पटिच्च एकं महाभूतं। अनिदस्सनसप्पटिघे महाभूते पटिच्च अनिदस्सनसप्पटिघं चित्तसमुट्ठानं रूपं कटत्तारूपं उपादारूपं। फोट्ठब्बायतनं पटिच्च चक्खायतनं…पे॰… रसायतनं। बाहिरं… आहारसमुट्ठानं… , उतुसमुट्ठानं… असञ्ञसत्तानं अनिदस्सनसप्पटिघं एकं महाभूतं पटिच्च द्वे महाभूता, द्वे महाभूते पटिच्च एकं महाभूतं…पे॰…।
(अनिदस्सनसप्पटिघमूलका इमिना कारणेन सत्तपि पञ्हा वित्थारेतब्बा।)
२१.अनिदस्सनअप्पटिघं धम्मं पटिच्च अनिदस्सनअप्पटिघो धम्मो उप्पज्जति नआरम्मणपच्चया – अनिदस्सनअप्पटिघे खन्धे पटिच्च अनिदस्सनअप्पटिघं चित्तसमुट्ठानं रूपं। पटिसन्धिक्खणे अनिदस्सनअप्पटिघे खन्धे पटिच्च अनिदस्सनअप्पटिघं कटत्तारूपं। खन्धे पटिच्च वत्थु…पे॰… आपोधातुं पटिच्च अनिदस्सनअप्पटिघं चित्तसमुट्ठानं रूपं कटत्तारूपं उपादारूपं। आपोधातुं पटिच्च इत्थिन्द्रियं…पे॰… कबळीकारो आहारो। बाहिरं… आहारसमुट्ठानं… उतुसमुट्ठानं… असञ्ञसत्तानं आपोधातुं पटिच्च अनिदस्सनअप्पटिघं कटत्तारूपं उपादारूपं।
(अनिदस्सनअप्पटिघमूलके इमिना कारणेन सत्तपि पञ्हा वित्थारेतब्बा।)
२२.अनिदस्सनसप्पटिघञ्च अनिदस्सनअप्पटिघञ्च धम्मं पटिच्च सनिदस्सनसप्पटिघो धम्मो उप्पज्जति नआरम्मणपच्चया – अनिदस्सनअप्पटिघे खन्धे च महाभूते च पटिच्च सनिदस्सनसप्पटिघं चित्तसमुट्ठानं रूपं। पटिसन्धिक्खणे अनिदस्सनअप्पटिघे खन्धे च महाभूते च पटिच्च सनिदस्सनसप्पटिघं कटत्तारूपं। अनिदस्सनसप्पटिघे महाभूते च आपोधातुञ्च पटिच्च सनिदस्सनसप्पटिघं चित्तसमुट्ठानं रूपं कटत्तारूपं उपादारूपं। फोट्ठब्बायतनञ्च आपोधातुञ्च पटिच्च रूपायतनं। बाहिरं… आहारसमुट्ठानं… उतुसमुट्ठानं… असञ्ञसत्तानं अनिदस्सनसप्पटिघे महाभूते च आपोधातुञ्च पटिच्च सनिदस्सनसप्पटिघं कटत्तारूपं उपादारूपं।
(घटने इमिना कारणेन सत्तपि पञ्हा विभजितब्बा।)
नअधिपतिपच्चयादि
२३.अनिदस्सनसप्पटिघं धम्मं पटिच्च अनिदस्सनसप्पटिघो धम्मो उप्पज्जति नअधिपतिपच्चया (सहजातसदिसं)… नअनन्तरपच्चया… नसमनन्तरपच्चया… नअञ्ञमञ्ञपच्चया – अनिदस्सनसप्पटिघे महाभूते पटिच्च अनिदस्सनसप्पटिघं चित्तसमुट्ठानं रूपं कटत्तारूपं उपादारूपं। फोट्ठब्बायतनं पटिच्च चक्खायतनं…पे॰… रसायतनं… बाहिरं… आहारसमुट्ठानं… उतुसमुट्ठानं… असञ्ञसत्तानं महाभूते पटिच्च अनिदस्सनसप्पटिघं कटत्तारूपं उपादारूपं।
(इमिना कारणेन एकवीस पञ्हा विभजितब्बा।)
नउपनिस्सयपच्चया… नपुरेजातपच्चया… नपच्छाजातपच्चया… नआसेवनपच्चया… नकम्मपच्चया – बाहिरं… आहारसमुट्ठानं… उतुसमुट्ठानं… अनिदस्सनसप्पटिघं एकं महाभूतं पटिच्च द्वे महाभूता, द्वे महाभूते पटिच्च एकं महाभूतं। अनिदस्सनसप्पटिघे महाभूते पटिच्च अनिदस्सनसप्पटिघं उपादारूपं (कम्मं विभजित्वा नकम्मेनेव एकवीस पञ्हा कातब्बा), नविपाकपच्चया (पटिसन्धिपि कटत्तापि नत्थि, पञ्चवोकारेयेव कातब्बा), नआहारपच्चया – बाहिरं… उतुसमुट्ठानं… असञ्ञसत्तानं…पे॰… (इमिना कारणेन विभजितब्बा एकवीसापि)।
नइन्द्रियपच्चयादि
२४.अनिदस्सनसप्पटिघं धम्मं पटिच्च अनिदस्सनसप्पटिघो धम्मो उप्पज्जति नइन्द्रियपच्चया – बाहिरं… आहारसमुट्ठानं… उतुसमुट्ठानं… अनिदस्सनसप्पटिघं एकं महाभूतं…पे॰… असञ्ञसत्तानं महाभूते पटिच्च रूपजीवितिन्द्रियं (संखित्तं, सब्बे पञ्हा विभजितब्बा)… नझानपच्चया – बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं (संखित्तं, सत्तपि पञ्हा विभजितब्बा)।
अनिदस्सनअप्पटिघं धम्मं पटिच्च अनिदस्सनअप्पटिघो धम्मो उप्पज्जति नझानपच्चया – पञ्चविञ्ञाणसहगतं एकं खन्धं पटिच्च तयो खन्धा…पे॰… द्वे खन्धे…पे॰… बाहिरं… आहारसमुट्ठानं… उतुसमुट्ठानं… असञ्ञसत्तानं आपोधातुं पटिच्च अनिदस्सनअप्पटिघं कटत्तारूपं उपादारूपं।
(एवं सत्तपि पञ्हा विभजितब्बा।)
२५.अनिदस्सनसप्पटिघञ्च अनिदस्सनअप्पटिघञ्च धम्मं पटिच्च सनिदस्सनसप्पटिघो धम्मो उप्पज्जति नझानपच्चया – बाहिरं… आहारसमुट्ठानं… उतुसमुट्ठानं… , असञ्ञसत्तानं…पे॰… अनिदस्सनसप्पटिघे महाभूते च आपोधातुञ्च पटिच्च सनिदस्सनसप्पटिघं कटत्तारूपं उपादारूपं।
(एवं सत्तपि पञ्हा विभजितब्बा), नमग्गपच्चया… (नहेतुसदिसं कातब्बं। परिपुण्णं। मोहो नत्थि)। नसम्पयुत्तपच्चया… नविप्पयुत्तपच्चया (परिपुण्णं)… नोनत्थिपच्चया… नोविगतपच्चया।
२. पच्चयपच्चनीयं
२. सङ्ख्यावारो
सुद्धं
२६.नहेतुया एकवीस, नआरम्मणे एकवीस, नअधिपतिया एकवीस (संखित्तं, सब्बत्थ एकवीस), नोनत्थिया एकवीस, नोविगते एकवीस (एवं गणेतब्बं)।
पच्चनीयं।
३. पच्चयानुलोमपच्चनीयं
हेतुदुकं
२७.हेतुपच्चया नआरम्मणे एकवीस, नअधिपतिया एकवीस…पे॰… नकम्मे एकं, नविपाके एकवीस, नसम्पयुत्ते एकवीस, नविप्पयुत्ते एकं, नोनत्थिया एकवीस, नोविगते एकवीस (एवं गणेतब्बं)।
अनुलोमपच्चनीयं।
४. पच्चयपच्चनीयानुलोमं
नहेतुदुकं
२८.नहेतुपच्चया आरम्मणे एकं, अनन्तरे एकं, समनन्तरे एकं, सहजाते एकवीस …पे॰… झाने एकवीस, मग्गे एकं, सम्पयुत्ते एकं , विप्पयुत्ते एकवीस, अत्थिया एकवीस, नत्थिया एकं, विगते एकं, अविगते एकवीस (एवं गणेतब्बं)।
पच्चनीयानुलोमं।
पटिच्चवारो।
२-६. सहजात-पच्चय-निस्सय-संसट्ठ-सम्पयुत्तवारो
(सहजातवारोपि पच्चयवारोपि निस्सयवारोपि पटिच्चवारसदिसा, संसट्ठवारोपि सम्पयुत्तवारोपि अरूपेयेव कातब्बा।)
७. पञ्हावारो
१. पच्चयानुलोमं
१. विभङ्गवारो
हेतुपच्चयो
२९.अनिदस्सनअप्पटिघो धम्मो अनिदस्सनअप्पटिघस्स धम्मस्स हेतुपच्चयेन पच्चयो – अनिदस्सनअप्पटिघा हेतू सम्पयुत्तकानं खन्धानं अनिदस्सनअप्पटिघानञ्च चित्तसमुट्ठानानं रूपानं हेतुपच्चयेन पच्चयो। पटिसन्धिक्खणे अनिदस्सनअप्पटिघा हेतू सम्पयुत्तकानं खन्धानं अनिदस्सनअप्पटिघानञ्च कटत्तारूपानं हेतुपच्चयेन पच्चयो। (१)
अनिदस्सनअप्पटिघो धम्मो सनिदस्सनसप्पटिघस्स धम्मस्स हेतुपच्चयेन पच्चयो – अनिदस्सनअप्पटिघा हेतू सनिदस्सनसप्पटिघानं चित्तसमुट्ठानानं रूपानं हेतुपच्चयेन पच्चयो। पटिसन्धिक्खणे…पे॰…। (२)
(अनिदस्सनअप्पटिघमूलकेयेव इमिना कारणेन सत्त पञ्हा विभजितब्बा।)
आरम्मणपच्चयो
३०.सनिदस्सनसप्पटिघो धम्मो अनिदस्सनअप्पटिघस्स धम्मस्स आरम्मणपच्चयेन पच्चयो – रूपे अनिच्चतो दुक्खतो अनत्ततो विपस्सति, अस्सादेति अभिनन्दति, तं आरब्भ रागो उप्पज्जति, दिट्ठि उप्पज्जति, विचिकिच्छा उप्पज्जति, उद्धच्चं उप्पज्जति, दोमनस्सं उप्पज्जति, दिब्बेन चक्खुना रूपं पस्सति, रूपायतनं चक्खुविञ्ञाणस्स आरम्मणपच्चयेन पच्चयो। सनिदस्सनसप्पटिघा खन्धा इद्धिविधञाणस्स, पुब्बेनिवासानुस्सतिञाणस्स, अनागतंसञाणस्स, आवज्जनाय आरम्मणपच्चयेन पच्चयो। (१)
अनिदस्सनसप्पटिघो धम्मो अनिदस्सनअप्पटिघस्स धम्मस्स आरम्मणपच्चयेन पच्चयो। चक्खुं…पे॰… कायं… सद्दे… गन्धे… रसे… फोट्ठब्बे… अनिच्चतो…पे॰… दोमनस्सं उप्पज्जति, दिब्बाय सोतधातुया सद्दं सुणाति, सद्दायतनं सोतविञ्ञाणस्स…पे॰… फोट्ठब्बायतनं कायविञ्ञाणस्स…पे॰… अनिदस्सनसप्पटिघा खन्धा इद्धिविधञाणस्स , पुब्बेनिवासानुस्सतिञाणस्स, अनागतंसञाणस्स, आवज्जनाय आरम्मणपच्चयेन पच्चयो। (१)
३१.अनिदस्सनअप्पटिघो धम्मो अनिदस्सनअप्पटिघस्स धम्मस्स आरम्मणपच्चयेन पच्चयो – दानं दत्वा सीलं समादियित्वा उपोसथकम्मं कत्वा तं पच्चवेक्खति, पुब्बे सुचिण्णानि पच्चवेक्खति, झाना…पे॰… अरिया मग्गा वुट्ठहित्वा मग्गं पच्चवेक्खन्ति, फलं पच्चवेक्खन्ति, निब्बानं पच्चवेक्खन्ति, निब्बानं गोत्रभुस्स, वोदानस्स, मग्गस्स, फलस्स, आवज्जनाय आरम्मणपच्चयेन पच्चयो। अरिया पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति…पे॰… वत्थुं… इत्थिन्द्रियं… पुरिसिन्द्रियं… जीवितिन्द्रियं… आपोधातुं… कबळीकारं आहारं… अनिदस्सनअप्पटिघे खन्धे अनिच्चतो…पे॰… दोमनस्सं उप्पज्जति, चेतोपरियञाणेन अनिदस्सनअप्पटिघचित्तसमङ्गिस्स चित्तं जानाति, आकासानञ्चायतनं विञ्ञाणञ्चायतनस्स आरम्मणपच्चयेन पच्चयो। आकिञ्चञ्ञायतनं नेवसञ्ञानासञ्ञायतनस्स…पे॰… अनिदस्सनअप्पटिघा खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। (१)
अधिपतिपच्चयो
३२.सनिदस्सनसप्पटिघो धम्मो अनिदस्सनअप्पटिघस्स धम्मस्स अधिपतिपच्चयेन पच्चयो। आरम्मणाधिपति – रूपं गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति। (१)
अनिदस्सनसप्पटिघो धम्मो अनिदस्सनअप्पटिघस्स धम्मस्स अधिपतिपच्चयेन पच्चयो। आरम्मणाधिपति – चक्खुं…पे॰… कायं… सद्दे… गन्धे… रसे… फोट्ठब्बे… गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति। (१)
३३.अनिदस्सनअप्पटिघो धम्मो अनिदस्सनअप्पटिघस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – दानं दत्वा सीलं समादियित्वा उपोसथकम्मं कत्वा तं गरुं कत्वा…पे॰… झाना वुट्ठहित्वा…पे॰… अरिया मग्गा वुट्ठहित्वा…पे॰… फला वुट्ठहित्वा…पे॰… फलं गरुं कत्वा…पे॰… निब्बानं गरुं कत्वा… निब्बानं गोत्रभुस्स, वोदानस्स, मग्गस्स, फलस्स अधिपतिपच्चयेन पच्चयो। वत्थुं… इत्थिन्द्रियं… पुरिसिन्द्रियं… जीवितिन्द्रियं… आपोधातुं… कबळीकारं आहारं… अनिदस्सनअप्पटिघे खन्धे गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति। सहजाताधिपति – अनिदस्सनअप्पटिघाधिपति सम्पयुत्तकानं खन्धानं अनिदस्सनअप्पटिघानञ्च चित्तसमुट्ठानानं रूपानं अधिपतिपच्चयेन पच्चयो। (१)
अनिदस्सनअप्पटिघो धम्मो सनिदस्सनसप्पटिघस्स धम्मस्स अधिपतिपच्चयेन पच्चयो। सहजाताधिपति – अनिदस्सनअप्पटिघाधिपति सनिदस्सनसप्पटिघानं चित्तसमुट्ठानानं रूपानं अधिपतिपच्चयेन पच्चयो। (२)
(अनिदस्सनअप्पटिघमूलके सत्तपि पञ्हा विभजितब्बा, अधिपति तिविधरूपसङ्गहेन।)
अनन्तरपच्चयो
३४.अनिदस्सनअप्पटिघो धम्मो अनिदस्सनअप्पटिघस्स धम्मस्स अनन्तरपच्चयेन पच्चयो – पुरिमा पुरिमा अनिदस्सनअप्पटिघा खन्धा पच्छिमानं पच्छिमानं अनिदस्सनअप्पटिघानं खन्धानं अनन्तरपच्चयेन पच्चयो। अनुलोमं गोत्रभुस्स… अनुलोमं वोदानस्स… गोत्रभु मग्गस्स… वोदानं मग्गस्स… मग्गो फलस्स… फलं फलस्स… अनुलोमं फलसमापत्तिया… निरोधा वुट्ठहन्तस्स नेवसञ्ञानासञ्ञायतनं फलसमापत्तिया अनन्तरपच्चयेन पच्चयो। (१)
समनन्तरपच्चयो
३५.अनिदस्सनअप्पटिघो धम्मो अनिदस्सनअप्पटिघस्स धम्मस्स समनन्तरपच्चयेन पच्चयो (अनन्तरसदिसं)।
सहजातपच्चयादि
३६.अनिदस्सनसप्पटिघो धम्मो अनिदस्सनसप्पटिघस्स धम्मस्स सहजातपच्चयेन पच्चयो (पटिच्चवारसदिसं साधुकं कातब्बं। अञ्ञमञ्ञपच्चये पटिच्चवारे अञ्ञमञ्ञसदिसं, निस्सयपच्चये पटिच्चवारसदिसं)।
उपनिस्सयपच्चयो
३७.सनिदस्सनसप्पटिघो धम्मो अनिदस्सनअप्पटिघस्स धम्मस्स उपनिस्सयपच्चयेन पच्चयो – आरम्मणूपनिस्सयो, पकतूपनिस्सयो…पे॰…। पकतूपनिस्सयो – वण्णसम्पदं पत्थयमानो दानं देति, सीलं समादियति, उपोसथकम्मं…पे॰… वण्णसम्पदा सद्धाय…पे॰… पञ्ञाय, रागस्स…पे॰… पत्थनाय, कायिकस्स सुखस्स, कायिकस्स दुक्खस्स, मग्गस्स, फलसमापत्तिया उपनिस्सयपच्चयेन पच्चयो। (१)
अनिदस्सनसप्पटिघो धम्मो अनिदस्सनअप्पटिघस्स धम्मस्स उपनिस्सयपच्चयेन पच्चयो – आरम्मणूपनिस्सयो, पकतूपनिस्सयो…पे॰…। पकतूपनिस्सयो – चक्खुसम्पदं पत्थयमानो…पे॰… कायसम्पदं… सद्दसम्पदं…पे॰… फोट्ठब्बसम्पदं पत्थयमानो दानं देति, सीलं समादियति, उपोसथकम्मं… उतुं… सेनासनं उपनिस्साय दानं देति सीलं समादियति। उपोसथकम्मं, झानं… विपस्सनं… मग्गं… अभिञ्ञं… समापत्तिं उप्पादेति पाणं हनति…पे॰… सङ्घं भिन्दति। चक्खुसम्पदा…पे॰… फोट्ठब्बसम्पदा, उतु, सेनासनं सद्धाय…पे॰… पञ्ञाय, रागस्स…पे॰… पत्थनाय, कायिकस्स सुखस्स, कायिकस्स दुक्खस्स, मग्गस्स, फलसमापत्तिया उपनिस्सयपच्चयेन पच्चयो। (१)
३८.अनिदस्सनअप्पटिघो धम्मो अनिदस्सनअप्पटिघस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – सद्धं उपनिस्साय दानं देति, सीलं समादियति, उपोसथकम्मं… झानं… समापत्तिं उप्पादेति, मानं जप्पेति, दिट्ठिं गण्हाति। सीलं…पे॰… पञ्ञं… रागं…पे॰… पत्थनं, कायिकं सुखं… कायिकं दुक्खं… भोजनं उपनिस्साय दानं देति…पे॰… सङ्घं भिन्दति। सद्धा …पे॰… पञ्ञा, रागो…पे॰… पत्थना, कायिकं सुखं… कायिकं दुक्खं… भोजनं सद्धाय…पे॰… पञ्ञाय, मग्गस्स, फलसमापत्तिया उपनिस्सयपच्चयेन पच्चयो। (१)
पुरेजातपच्चयो
३९.सनिदस्सनसप्पटिघो धम्मो अनिदस्सनअप्पटिघस्स धम्मस्स पुरेजातपच्चयेन पच्चयो। आरम्मणपुरेजातं – रूपे अनिच्चतो दुक्खतो अनत्ततो विपस्सति, अस्सादेति अभिनन्दति, तं आरब्भ रागो उप्पज्जति, दिट्ठि…पे॰… विचिकिच्छा…पे॰… उद्धच्चं…पे॰… दोमनस्सं उप्पज्जति, दिब्बेन चक्खुना रूपं पस्सति, रूपायतनं चक्खुविञ्ञाणस्स पुरेजातपच्चयेन पच्चयो। (१)
अनिदस्सनसप्पटिघो धम्मो अनिदस्सनअप्पटिघस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – चक्खुं…पे॰… कायं… सद्दे…पे॰… फोट्ठब्बे अनिच्चतो…पे॰… दोमनस्सं उप्पज्जति, दिब्बाय सोतधातुया सद्दं सुणाति, सद्दायतनं सोतविञ्ञाणस्स…पे॰… फोट्ठब्बायतनं कायविञ्ञाणस्स पुरेजातपच्चयेन पच्चयो। वत्थुपुरेजातं – चक्खायतनं चक्खुविञ्ञाणस्स…पे॰… कायायतनं कायविञ्ञाणस्स पुरेजातपच्चयेन पच्चयो। (१)
अनिदस्सनअप्पटिघो धम्मो अनिदस्सनअप्पटिघस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – वत्थुं… इत्थिन्द्रियं… पुरिसिन्द्रियं… जीवितिन्द्रियं… आपोधातुं… कबळीकारं आहारं… अनिच्चतो…पे॰… दोमनस्सं उप्पज्जति। वत्थुपुरेजातं – वत्थु अनिदस्सनअप्पटिघानं खन्धानं पुरेजातपच्चयेन पच्चयो। (१)
४०.सनिदस्सनसप्पटिघो च अनिदस्सनअप्पटिघो च धम्मा अनिदस्सनअप्पटिघस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। रूपायतनञ्च वत्थु च अनिदस्सनअप्पटिघानं खन्धानं पुरेजातपच्चयेन पच्चयो। (१)
अनिदस्सनसप्पटिघो च अनिदस्सनअप्पटिघो च धम्मा अनिदस्सनअप्पटिघस्स धम्मस्स पुरेजातपच्चयेन पच्चयो – आरम्मणपुरेजातं , वत्थुपुरेजातं। चक्खायतनञ्च वत्थु च…पे॰… फोट्ठब्बायतनञ्च वत्थु च अनिदस्सनअप्पटिघानं खन्धानं पुरेजातपच्चयेन पच्चयो। (१)
सनिदस्सनसप्पटिघो च अनिदस्सनअप्पटिघो च धम्मा अनिदस्सनअप्पटिघस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। रूपायतनञ्च चक्खायतनञ्च चक्खुविञ्ञाणस्स पुरेजातपच्चयेन पच्चयो। (१)
पच्छाजातपच्चयो
४१.अनिदस्सनअप्पटिघो धम्मो अनिदस्सनअप्पटिघस्स धम्मस्स पच्छाजातपच्चयेन पच्चयो – पच्छाजाता अनिदस्सनअप्पटिघा खन्धा पुरेजातस्स इमस्स अनिदस्सनअप्पटिघस्स कायस्स पच्छाजातपच्चयेन पच्चयो। (१)
अनिदस्सनअप्पटिघो धम्मो सनिदस्सनसप्पटिघस्स धम्मस्स पच्छाजातपच्चयेन पच्चयो – पच्छाजाता अनिदस्सनअप्पटिघा खन्धा पुरेजातस्स इमस्स सनिदस्सनसप्पटिघस्स कायस्स पच्छाजातपच्चयेन पच्चयो। (२)
(एवं सत्त पञ्हा विभजितब्बा, तिविधरूपसङ्गहो।) (७)
आसेवनपच्चयो
४२.अनिदस्सनअप्पटिघो धम्मो अनिदस्सनअप्पटिघस्स धम्मस्स आसेवनपच्चयेन पच्चयो – पुरिमा पुरिमा अनिदस्सनअप्पटिघा खन्धा पच्छिमानं पच्छिमानं अनिदस्सनअप्पटिघानं खन्धानं आसेवनपच्चयेन पच्चयो। अनुलोमं गोत्रभुस्स… अनुलोमं वोदानस्स… गोत्रभु मग्गस्स… वोदानं मग्गस्स आसेवनपच्चयेन पच्चयो। (१)
कम्मपच्चयो
४३.अनिदस्सनअप्पटिघो धम्मो अनिदस्सनअप्पटिघस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – अनिदस्सनअप्पटिघा चेतना सम्पयुत्तकानं खन्धानं अनिदस्सनअप्पटिघानञ्च चित्तसमुट्ठानानं रूपानं कम्मपच्चयेन पच्चयो। पटिसन्धिक्खणे…पे॰…। नानाक्खणिका – अनिदस्सनअप्पटिघा चेतना विपाकानं खन्धानं अनिदस्सनअप्पटिघानञ्च कटत्तारूपानं कम्मपच्चयेन पच्चयो। (१)
अनिदस्सनअप्पटिघो धम्मो सनिदस्सनसप्पटिघस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – अनिदस्सनअप्पटिघा चेतना सनिदस्सनसप्पटिघानं चित्तसमुट्ठानानं रूपानं कम्मपच्चयेन पच्चयो। पटिसन्धिक्खणे…पे॰…। नानाक्खणिका – अनिदस्सनअप्पटिघा चेतना सनिदस्सनसप्पटिघानं कटत्तारूपानं कम्मपच्चयेन पच्चयो। (२)
(एवं सत्त पञ्हा सहजाता नानाक्खणिका इमिना कारणेन विभजितब्बा, तिविधरूपसङ्गहो।) (७)
विपाकपच्चयो
४४.अनिदस्सनअप्पटिघो धम्मो अनिदस्सनअप्पटिघस्स धम्मस्स विपाकपच्चयेन पच्चयो – विपाको अनिदस्सनअप्पटिघो एको खन्धो तिण्णन्नं खन्धानं अनिदस्सनअप्पटिघानं चित्तसमुट्ठानानञ्च रूपानं विपाकपच्चयेन पच्चयो…पे॰… द्वे खन्धा…पे॰… पटिसन्धिक्खणे अनिदस्सनअप्पटिघो एको खन्धो तिण्णन्नं खन्धानं अनिदस्सनअप्पटिघानञ्च कटत्तारूपानं विपाकपच्चयेन पच्चयो…पे॰… खन्धा वत्थुस्स विपाकपच्चयेन पच्चयो। (१)
अनिदस्सनअप्पटिघो धम्मो सनिदस्सनसप्पटिघस्स धम्मस्स विपाकपच्चयेन पच्चयो – विपाका अनिदस्सनअप्पटिघा खन्धा सनिदस्सनसप्पटिघानं चित्तसमुट्ठानानं रूपानं विपाकपच्चयेन पच्चयो। पटिसन्धिक्खणे अनिदस्सनअप्पटिघा खन्धा सनिदस्सनसप्पटिघानं कटत्तारूपानं विपाकपच्चयेन पच्चयो। (२)
(एवं सत्त पञ्हा वित्थारेतब्बा, पवत्तिपटिसन्धि।) (७)
आहारपच्चयो
४५.अनिदस्सनअप्पटिघो धम्मो अनिदस्सनअप्पटिघस्स धम्मस्स आहारपच्चयेन पच्चयो – अनिदस्सनअप्पटिघा आहारा सम्पयुत्तकानं खन्धानं अनिदस्सनअप्पटिघानञ्च चित्तसमुट्ठानानं रूपानं आहारपच्चयेन पच्चयो। पटिसन्धिक्खणे अनिदस्सनअप्पटिघा आहारा सम्पयुत्तकानं खन्धानं अनिदस्सनअप्पटिघानञ्च कटत्तारूपानं आहारपच्चयेन पच्चयो। कबळीकारो आहारो इमस्स अनिदस्सनअप्पटिघस्स कायस्स आहारपच्चयेन पच्चयो। (१)
अनिदस्सनअप्पटिघो धम्मो सनिदस्सनसप्पटिघस्स धम्मस्स आहारपच्चयेन पच्चयो – अनिदस्सनअप्पटिघा आहारा सनिदस्सनसप्पटिघानं चित्तसमुट्ठानानं रूपानं आहारपच्चयेन पच्चयो। पटिसन्धिक्खणे अनिदस्सनअप्पटिघा आहारा सनिदस्सनसप्पटिघानं कटत्तारूपानं आहारपच्चयेन पच्चयो। कबळीकारो आहारो इमस्स सनिदस्सनसप्पटिघस्स कायस्स आहारपच्चयेन पच्चयो। (२)
(एवं सत्त पञ्हा पवत्तिपटिसन्धि विभजितब्बा, सत्तसुपि कबळीकारो आहारो कातब्बो।) (७)
इन्द्रियपच्चयो
४६.अनिदस्सनसप्पटिघो धम्मो अनिदस्सनअप्पटिघस्स धम्मस्स इन्द्रियपच्चयेन पच्चयो – चक्खुन्द्रियं चक्खुविञ्ञाणस्स…पे॰… कायिन्द्रियं कायविञ्ञाणस्स इन्द्रियपच्चयेन पच्चयो। (१)
अनिदस्सनअप्पटिघो धम्मो अनिदस्सनअप्पटिघस्स धम्मस्स इन्द्रियपच्चयेन पच्चयो – अनिदस्सनअप्पटिघा इन्द्रिया सम्पयुत्तकानं खन्धानं अनिदस्सनअप्पटिघानं चित्तसमुट्ठानानञ्च रूपानं इन्द्रियपच्चयेन पच्चयो। पटिसन्धिक्खणे अनिदस्सनअप्पटिघा इन्द्रिया सम्पयुत्तकानं खन्धानं अनिदस्सनअप्पटिघानञ्च कटत्तारूपानं इन्द्रियपच्चयेन पच्चयो। रूपजीवितिन्द्रियं अनिदस्सनअप्पटिघानं कटत्तारूपानं इन्द्रियपच्चयेन पच्चयो। (१)
अनिदस्सनअप्पटिघो धम्मो सनिदस्सनसप्पटिघस्स धम्मस्स इन्द्रियपच्चयेन पच्चयो – अनिदस्सनअप्पटिघा इन्द्रिया सनिदस्सनसप्पटिघानं चित्तसमुट्ठानानं रूपानं इन्द्रियपच्चयेन पच्चयो। पटिसन्धिक्खणे अनिदस्सनअप्पटिघा इन्द्रिया सनिदस्सनसप्पटिघानं कटत्तारूपानं इन्द्रियपच्चयेन पच्चयो। रूपजीवितिन्द्रियं सनिदस्सनसप्पटिघानं कटत्तारूपानं इन्द्रियपच्चयेन पच्चयो। (२)
(एवं पवत्तिपटिसन्धि सत्त पञ्हा विभजितब्बा, रूपजीवितिन्द्रियञ्च अन्ते अन्ते।) (७)
४७.अनिदस्सनसप्पटिघो च अनिदस्सनअप्पटिघो च धम्मा अनिदस्सनअप्पटिघस्स धम्मस्स इन्द्रियपच्चयेन पच्चयो – चक्खुन्द्रियञ्च चक्खुविञ्ञाणञ्च चक्खुविञ्ञाणसहगतानं खन्धानं इन्द्रियपच्चयेन पच्चयो…पे॰… कायिन्द्रियञ्च कायविञ्ञाणञ्च कायविञ्ञाणसहगतानं खन्धानं इन्द्रियपच्चयेन पच्चयो। (१)
झानपच्चयादि
४८.अनिदस्सनअप्पटिघो धम्मो अनिदस्सनअप्पटिघस्स धम्मस्स झानपच्चयेन पच्चयो… मग्गपच्चयेन पच्चयो… सम्पयुत्तपच्चयेन पच्चयो – अनिदस्सनअप्पटिघो एको खन्धो तिण्णन्नं खन्धानं सम्पयुत्तपच्चयेन पच्चयो…पे॰… द्वे खन्धा…पे॰… पटिसन्धिक्खणे…पे॰…।
विप्पयुत्तपच्चयो
४९.अनिदस्सनसप्पटिघो धम्मो अनिदस्सनअप्पटिघस्स धम्मस्स विप्पयुत्तपच्चयेन पच्चयो। पुरेजातं – चक्खायतनं चक्खुविञ्ञाणस्स…पे॰… कायायतनं कायविञ्ञाणस्स विप्पयुत्तपच्चयेन पच्चयो। (१)
अनिदस्सनअप्पटिघो धम्मो अनिदस्सनअप्पटिघस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं। सहजाता – अनिदस्सनअप्पटिघा खन्धा अनिदस्सनअप्पटिघानं चित्तसमुट्ठानानं रूपानं विप्पयुत्तपच्चयेन पच्चयो। पटिसन्धिक्खणे अनिदस्सनअप्पटिघा खन्धा अनिदस्सनअप्पटिघानं कटत्तारूपानं विप्पयुत्तपच्चयेन पच्चयो। खन्धा वत्थुस्स विप्पयुत्तपच्चयेन पच्चयो। वत्थु खन्धानं विप्पयुत्तपच्चयेन पच्चयो। पुरेजातं – वत्थु अनिदस्सनअप्पटिघानं खन्धानं विप्पयुत्तपच्चयेन पच्चयो। पच्छाजाता – अनिदस्सनअप्पटिघा खन्धा पुरेजातस्स इमस्स अनिदस्सनअप्पटिघस्स कायस्स विप्पयुत्तपच्चयेन पच्चयो। (१)
अनिदस्सनअप्पटिघो धम्मो सनिदस्सनसप्पटिघस्स धम्मस्स विप्पयुत्तपच्चयेन पच्चयो – सहजातं, पच्छाजातं। सहजाता – अनिदस्सनअप्पटिघा खन्धा सनिदस्सनसप्पटिघानं चित्तसमुट्ठानानं रूपानं विप्पयुत्तपच्चयेन पच्चयो। पटिसन्धिक्खणे अनिदस्सनअप्पटिघा खन्धा सनिदस्सनसप्पटिघानं कटत्तारूपानं विप्पयुत्तपच्चयेन पच्चयो। पच्छाजाता – अनिदस्सनअप्पटिघा खन्धा पुरेजातस्स इमस्स सनिदस्सनसप्पटिघस्स कायस्स विप्पयुत्तपच्चयेन पच्चयो। (२)
(अवसेसा पञ्च पञ्हा एवं वित्थारेतब्बा। सहजाता, पच्छाजाता।)
अत्थिपच्चयो
५०.सनिदस्सनसप्पटिघो धम्मो अनिदस्सनअप्पटिघस्स धम्मस्स अत्थिपच्चयेन पच्चयो। पुरेजातं – रूपे अनिच्चतो…पे॰… दोमनस्सं उप्पज्जति, दिब्बेन चक्खुना रूपं पस्सति, रूपायतनं चक्खुविञ्ञाणस्स अत्थिपच्चयेन पच्चयो। (१)
५१.अनिदस्सनसप्पटिघो धम्मो अनिदस्सनसप्पटिघस्स धम्मस्स अत्थिपच्चयेन पच्चयो – अनिदस्सनसप्पटिघं एकं महाभूतं द्विन्नं महाभूतानं अत्थिपच्चयेन पच्चयो। द्वे महाभूता एकस्स महाभूतस्स अत्थिपच्चयेन पच्चयो। अनिदस्सनसप्पटिघा महाभूता अनिदस्सनसप्पटिघानं चित्तसमुट्ठानानं रूपानं कटत्तारूपानं उपादारूपानं अत्थिपच्चयेन पच्चयो। फोट्ठब्बायतनं चक्खायतनस्स…पे॰… रसायतनस्स अत्थिपच्चयेन पच्चयो। बाहिरं… आहारसमुट्ठानं… उतुसमुट्ठानं… एकं महाभूतं द्विन्नं महाभूतानं अत्थिपच्चयेन पच्चयो। द्वे महाभूता एकस्स महाभूतस्स अत्थिपच्चयेन पच्चयो। उतुसमुट्ठाना महाभूता अनिदस्सनसप्पटिघानं उपादारूपानं अत्थिपच्चयेन पच्चयो। असञ्ञसत्तानं अनिदस्सनसप्पटिघं एकं महाभूतं द्विन्नं महाभूतानं अत्थिपच्चयेन पच्चयो। द्वे महाभूता…पे॰…। (१)
अनिदस्सनसप्पटिघो धम्मो सनिदस्सनसप्पटिघस्स धम्मस्स अत्थिपच्चयेन पच्चयो। (२)
(पटिच्चवारे निस्सयपच्चयसदिसं।)
अनिदस्सनसप्पटिघो धम्मो अनिदस्सनअप्पटिघस्स धम्मस्स अत्थिपच्चयेन पच्चयो – सहजातं, पुरेजातं। सहजाता – अनिदस्सनसप्पटिघा महाभूता अनिदस्सनअप्पटिघानं चित्तसमुट्ठानानं रूपानं कटत्तारूपानं उपादारूपानं अत्थिपच्चयेन पच्चयो (याव असञ्ञसत्ता वित्थारेतब्बा)। पुरेजातं – चक्खुं…पे॰… कायं, सद्दे…पे॰… फोट्ठब्बे अनिच्चतो…पे॰… दोमनस्सं उप्पज्जति, चक्खायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स अत्थिपच्चयेन पच्चयो। (३)
(अवसेसा चत्तारो पञ्हा वित्थारेतब्बा। पटिच्चवारे सहजातपच्चयसदिसा, निन्नानाकरणा।) (७)
५२.अनिदस्सनअप्पटिघो धम्मो अनिदस्सनअप्पटिघस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं। सहजातो – अनिदस्सनअप्पटिघो एको खन्धो तिण्णन्नं खन्धानं अनिदस्सनअप्पटिघानं चित्तसमुट्ठानानञ्च रूपानं अत्थिपच्चयेन पच्चयो। द्वे खन्धा…पे॰… पटिसन्धिक्खणे…पे॰… आपोधातु अनिदस्सनअप्पटिघानं चित्तसमुट्ठानानं रूपानं कटत्तारूपानं उपादारूपानं…पे॰… आपोधातु इत्थिन्द्रियस्स…पे॰… कबळीकाराहारस्स च अत्थिपच्चयेन पच्चयो। बाहिरं… आहारसमुट्ठानं… उतुसमुट्ठानं… असञ्ञसत्तानं आपोधातु अनिदस्सनअप्पटिघानं कटत्तारूपानं उपादारूपानं अत्थिपच्चयेन पच्चयो। पुरेजातं – वत्थुं… इत्थिन्द्रियं… पुरिसिन्द्रियं… जीवितिन्द्रियं… आपोधातुं… कबळीकारं आहारं… अनिच्चतो…पे॰… दोमनस्सं उप्पज्जति, वत्थु अनिदस्सनअप्पटिघानं खन्धानं अत्थिपच्चयेन पच्चयो। पच्छाजाता – अनिदस्सनअप्पटिघा खन्धा पुरेजातस्स इमस्स अनिदस्सनअप्पटिघस्स कायस्स अत्थिपच्चयेन पच्चयो। कबळीकारो आहारो इमस्स अनिदस्सनअप्पटिघस्स कायस्स अत्थिपच्चयेन पच्चयो। रूपजीवितिन्द्रियं अनिदस्सनअप्पटिघानं कटत्तारूपानं अत्थिपच्चयेन पच्चयो (एवं अवसेसा छ पञ्हा विभजितब्बा। सहजातं, पच्छाजातं, आहारं, इन्द्रियम्पि कातब्बा)। (७)
५३.सनिदस्सनसप्पटिघो च अनिदस्सनअप्पटिघो च धम्मा अनिदस्सनअप्पटिघस्स धम्मस्स अत्थिपच्चयेन पच्चयो। पुरेजातं – रूपायतनञ्च वत्थु च अनिदस्सनअप्पटिघानं खन्धानं अत्थिपच्चयेन पच्चयो । (१)
अनिदस्सनसप्पटिघो च अनिदस्सनअप्पटिघो च धम्मा सनिदस्सनसप्पटिघस्स धम्मस्स अत्थिपच्चयेन पच्चयो – अनिदस्सनअप्पटिघा खन्धा च महाभूता च सनिदस्सनसप्पटिघानं चित्तसमुट्ठानानं रूपानं अत्थिपच्चयेन पच्चयो। पटिसन्धिक्खणे… (संखित्तं, असञ्ञसत्तानञ्च कातब्बा)। (१)
अनिदस्सनसप्पटिघो च अनिदस्सनअप्पटिघो च धम्मा अनिदस्सनसप्पटिघस्स धम्मस्स अत्थिपच्चयेन पच्चयो (संखित्तं)। (२)
५४.अनिदस्सनसप्पटिघो च अनिदस्सनअप्पटिघो च धम्मा अनिदस्सनअप्पटिघस्स धम्मस्स अत्थिपच्चयेन पच्चयो – सहजातं, पुरेजातं। सहजाता – अनिदस्सनअप्पटिघा खन्धा च महाभूता च अनिदस्सनअप्पटिघानं चित्तसमुट्ठानानं रूपानं…पे॰… (याव असञ्ञसत्ता कातब्बा)। पुरेजातं – चक्खायतनञ्च वत्थु च…पे॰… फोट्ठब्बायतनञ्च वत्थु च अनिदस्सनअप्पटिघानं खन्धानं अत्थिपच्चयेन पच्चयो। (३) (अवसेसा चतस्सो पञ्हा विभजितब्बा।) (७)
५५.सनिदस्सनसप्पटिघो च अनिदस्सनसप्पटिघो च धम्मा अनिदस्सनअप्पटिघस्स धम्मस्स अत्थिपच्चयेन पच्चयो। पुरेजातं – रूपायतनञ्च चक्खायतनञ्च चक्खुविञ्ञाणस्स अत्थिपच्चयेन पच्चयो। (१)
सनिदस्सनसप्पटिघो च अनिदस्सनसप्पटिघो च अनिदस्सनअप्पटिघो च धम्मा अनिदस्सनअप्पटिघस्स धम्मस्स अत्थिपच्चयेन पच्चयो – सहजातं, पुरेजातं। रूपायतनञ्च चक्खायतनञ्च चक्खुविञ्ञाणञ्च चक्खुविञ्ञाणसहगतानं खन्धानं अत्थिपच्चयेन पच्चयो। (१)
(नत्थिविगतपच्चयं अनन्तरसदिसं। अविगतपच्चयं अत्थिसदिसं।)
१. पच्चयानुलोमं
२. सङ्ख्यावारो
सुद्धं
५६.हेतुया सत्त, आरम्मणे तीणि, अधिपतिया नव, अनन्तरे एकं, समनन्तरे एकं, सहजाते एकवीस, अञ्ञमञ्ञे छ, निस्सये एकवीस, उपनिस्सये तीणि, पुरेजाते छ, पच्छाजाते सत्त, आसेवने एकं, कम्मे सत्त, विपाके सत्त, आहारे सत्त, इन्द्रिये नव, झाने सत्त, मग्गे सत्त, सम्पयुत्ते एकं, विप्पयुत्ते अट्ठ, अत्थिया पञ्चवीस, नत्थिया एकं, विगते एकं, अविगते पञ्चवीस।
हेतुसभागं
५७.हेतुपच्चया अधिपतिया सत्त, सहजाते सत्त, अञ्ञमञ्ञे एकं, निस्सये सत्त, विपाके सत्त, इन्द्रिये सत्त, मग्गे सत्त, सम्पयुत्ते एकं, विप्पयुत्ते सत्त, अत्थिया सत्त, अविगते सत्त।
हेतुसामञ्ञघटना (९)
५८.हेतु-सहजात-निस्सय-अत्थि-अविगतन्ति सत्त। हेतु-सहजात-अञ्ञमञ्ञनिस्सय-अत्थि-अविगतन्ति एकं। हेतु-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति एकं। हेतु-सहजात-निस्सय-विप्पयुत्त-अत्थि -अविगतन्ति सत्त (अविपाकं-४)।
हेतु-सहजात-निस्सय-विपाक-अत्थि-अविगतन्ति सत्त। हेतु-सहजात-अञ्ञमञ्ञ-निस्सयविपाक-अत्थि-अविगतन्ति एकं। हेतु-सहजात-अञ्ञमञ्ञ-निस्सय-विपाक-सम्पयुत्त-अत्थिअविगतन्ति एकं। हेतु-सहजात-निस्सय-विपाक-विप्पयुत्त-अत्थि-अविगतन्ति सत्त। हेतु-सहजात-अञ्ञमञ्ञ-निस्सय-विपाक-विप्पयुत्त-अत्थि-अविगतन्ति एकं (सविपाकं-५)।
(एवं सब्बो गणनवारो गणेतब्बो।)
अनुलोमं।
२. पच्चनीयुद्धारो
५९.सनिदस्सनसप्पटिघो धम्मो अनिदस्सनअप्पटिघस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो। (१)
अनिदस्सनसप्पटिघो धम्मो अनिदस्सनसप्पटिघस्स धम्मस्स सहजातपच्चयेन पच्चयो। (१)
अनिदस्सनसप्पटिघो धम्मो सनिदस्सनसप्पटिघस्स धम्मस्स सहजातपच्चयेन पच्चयो। (२)
अनिदस्सनसप्पटिघो धम्मो अनिदस्सनअप्पटिघस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो। (३)
अनिदस्सनसप्पटिघो धम्मो सनिदस्सनसप्पटिघस्स च अनिदस्सनअप्पटिघस्स च धम्मस्स सहजातपच्चयेन पच्चयो। (४)
अनिदस्सनसप्पटिघो धम्मो अनिदस्सनसप्पटिघस्स च अनिदस्सनअप्पटिघस्स च धम्मस्स सहजातपच्चयेन पच्चयो। (५)
अनिदस्सनसप्पटिघो धम्मो सनिदस्सनसप्पटिघस्स च अनिदस्सनसप्पटिघस्स च धम्मस्स सहजातपच्चयेन पच्चयो। (६)
अनिदस्सनसप्पटिघो धम्मो सनिदस्सनसप्पटिघस्स च अनिदस्सनसप्पटिघस्स च अनिदस्सनअप्पटिघस्स च धम्मस्स सहजातपच्चयेन पच्चयो। (७)
६०.अनिदस्सनअप्पटिघो धम्मो अनिदस्सनअप्पटिघस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (१)
अनिदस्सनअप्पटिघो धम्मो सनिदस्सनसप्पटिघस्स धम्मस्स सहजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (२)
अनिदस्सनअप्पटिघो धम्मो अनिदस्सनसप्पटिघस्स धम्मस्स सहजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (३)
अनिदस्सनअप्पटिघो धम्मो सनिदस्सनसप्पटिघस्स च अनिदस्सनअप्पटिघस्स च धम्मस्स सहजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (४)
अनिदस्सनअप्पटिघो धम्मो अनिदस्सनसप्पटिघस्स च अनिदस्सनअप्पटिघस्स च धम्मस्स सहजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (५)
अनिदस्सनअप्पटिघो धम्मो सनिदस्सनसप्पटिघस्स च अनिदस्सनसप्पटिघस्स च धम्मस्स सहजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (६)
अनिदस्सनअप्पटिघो धम्मो सनिदस्सनसप्पटिघस्स च अनिदस्सनसप्पटिघस्स च अनिदस्सनअप्पटिघस्स च धम्मस्स सहजातपच्चयेन पच्चयो … पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (७)
६१.सनिदस्सनसप्पटिघो च अनिदस्सनअप्पटिघो च धम्मा अनिदस्सनअप्पटिघस्स धम्मस्स पुरेजातं। (१)
अनिदस्सनसप्पटिघो च अनिदस्सनअप्पटिघो च धम्मा सनिदस्सनसप्पटिघस्स धम्मस्स सहजातपच्चयेन पच्चयो। (१)
अनिदस्सनसप्पटिघो च अनिदस्सनअप्पटिघो च धम्मा अनिदस्सनसप्पटिघस्स धम्मस्स सहजातपच्चयेन पच्चयो। (२)
अनिदस्सनसप्पटिघो च अनिदस्सनअप्पटिघो च धम्मा अनिदस्सनअप्पटिघस्स धम्मस्स सहजातं, पुरेजातं। (३)
अनिदस्सनसप्पटिघो च अनिदस्सनअप्पटिघो च धम्मा सनिदस्सनसप्पटिघस्स च अनिदस्सनअप्पटिघस्स च धम्मस्स सहजातपच्चयेन पच्चयो। (४)
अनिदस्सनसप्पटिघो च अनिदस्सनअप्पटिघो च धम्मा अनिदस्सनसप्पटिघस्स च अनिदस्सनअप्पटिघस्स च धम्मस्स सहजातपच्चयेन पच्चयो। (५)
अनिदस्सनसप्पटिघो च अनिदस्सनअप्पटिघो च धम्मा सनिदस्सनसप्पटिघस्स च अनिदस्सनसप्पटिघस्स च धम्मस्स सहजातपच्चयेन पच्चयो। (६)
अनिदस्सनसप्पटिघो च अनिदस्सनअप्पटिघो च धम्मा सनिदस्सनसप्पटिघस्स च अनिदस्सनसप्पटिघस्स च अनिदस्सनअप्पटिघस्स च धम्मस्स सहजातपच्चयेन पच्चयो। (७)
६२.सनिदस्सनसप्पटिघो च अनिदस्सनसप्पटिघो च धम्मा अनिदस्सनअप्पटिघस्स धम्मस्स पुरेजातं। (१)
सनिदस्सनसप्पटिघो च अनिदस्सनसप्पटिघो च अनिदस्सनअप्पटिघो च धम्मा अनिदस्सनअप्पटिघस्स धम्मस्स सहजातपच्चयेन पच्चयो… पुरेजातपच्चयेन पच्चयो। (१)
२. पच्चयपच्चनीयं
२. सङ्ख्यावारो
सुद्धं
६३.नहेतुया पञ्चवीस, नआरम्मणे द्वावीस, नअधिपतिया पञ्चवीस, नअनन्तरे पञ्चवीस, नसमनन्तरे पञ्चवीस, नसहजाते द्वादस, नअञ्ञमञ्ञे चतुवीस, ननिस्सये नव, नउपनिस्सये पञ्चवीस, नपुरेजाते बावीस, नपच्छाजाते पञ्चवीस, नआसेवने पञ्चवीस, नकम्मे पञ्चवीस, नविपाके चतुवीस, नआहारे पञ्चवीस, नइन्द्रिये तेवीस, नझाने पञ्चवीस, नमग्गे पञ्चवीस, नसम्पयुत्ते चतुवीस, नविप्पयुत्ते बावीस, नोअत्थिया नव, नोनत्थिया पञ्चवीस, नोविगते पञ्चवीस, नोअविगते नव।
नहेतुदुकं
नहेतुपच्चया नआरम्मणे बावीस (पठमगमनसदिसं), नोअविगते नव।
नहेतुतिकं
नहेतुपच्चया नआरम्मणपच्चया नअधिपतिया बावीस, नअनन्तरे बावीस, नसमनन्तरे बावीस, नसहजाते नव, नअञ्ञमञ्ञे बावीस, ननिस्सये नव, नउपनिस्सये एकवीस, नपुरेजाते बावीस, नपच्छाजाते बावीस…पे॰… नसम्पयुत्ते बावीस, नविप्पयुत्ते बावीस , नोअत्थिया नव, नोनत्थिया बावीस, नोविगते बावीस, नोअविगते नव (एवं गणेतब्बं)।
पच्चनीयं।
३. पच्चयानुलोमपच्चनीयं
हेतुदुकं
६४.हेतुपच्चया नआरम्मणे सत्त, नअधिपतिया सत्त, नअनन्तरे सत्त, नसमनन्तरे सत्त, नअञ्ञमञ्ञे सत्त, नउपनिस्सये सत्त, नपुरेजाते सत्त, नपच्छाजाते सत्त…पे॰… नसम्पयुत्ते सत्त, नविप्पयुत्ते एकं, नोनत्थिया सत्त, नोविगते सत्त।
हेतुसामञ्ञघटना
६५.हेतु-सहजात-निस्सय-अत्थि-अविगतन्ति नआरम्मणे सत्त…पे॰… नअनन्तरे सत्त, नसमनन्तरे सत्त, नअञ्ञमञ्ञे सत्त (इधापि संखित्तं), नसम्पयुत्ते सत्त, नविप्पयुत्ते एकं, नोनत्थिया सत्त, नोविगते सत्त।
हेतु -सहजात-अञ्ञमञ्ञ-निस्सय-अत्थि-अविगतन्ति नआरम्मणे एकं (सब्बत्थ एकं), नोविगते एकं (एवं गणेतब्बं)।
अनुलोमपच्चनीयं।
४. पच्चयपच्चनीयानुलोमं
नहेतुदुकं
६६.नहेतुपच्चया आरम्मणे तीणि, अधिपतिया नव, अनन्तरे एकं, समनन्तरे एकं, सहजाते एकवीस, अञ्ञमञ्ञे छ, निस्सये एकवीस, उपनिस्सये तीणि, पुरेजाते छ, पच्छाजाते सत्त, आसेवने एकं, कम्मे सत्त, विपाके सत्त, आहारे सत्त, इन्द्रिये नव, झाने सत्त, मग्गे सत्त, सम्पयुत्ते एकं, विप्पयुत्ते अट्ठ, अत्थिया पञ्चवीस, नत्थिया एकं, विगते एकं, अविगते पञ्चवीस (एवं गणेतब्बं)।
पच्चनीयानुलोमं।
पञ्हावारो निट्ठितो।
सनिदस्सनसप्पटिघत्तिकं निट्ठितं।
धम्मानुलोमे तिकपट्ठानं निट्ठितं।
दुतियो भागो निट्ठितो।