१३. परित्तारम्मणत्तिकं
१. पटिच्चवारो
१. पच्चयानुलोमं
१. विभङ्गवारो
हेतुपच्चयो
१.परित्तारम्मणं धम्मं पटिच्च परित्तारम्मणो धम्मो उप्पज्जति हेतुपच्चया – परित्तारम्मणं एकं खन्धं पटिच्च तयो खन्धा…पे॰… द्वे खन्धा। पटिसन्धिक्खणे परित्तारम्मणं एकं खन्धं पटिच्च तयो खन्धा…पे॰… द्वे खन्धा। (१)
महग्गतारम्मणं धम्मं पटिच्च महग्गतारम्मणो धम्मो उप्पज्जति हेतुपच्चया – महग्गतारम्मणं एकं खन्धं पटिच्च तयो खन्धा…पे॰… द्वे खन्धा। पटिसन्धिक्खणे महग्गतारम्मणं…पे॰…। (१)
अप्पमाणारम्मणं धम्मं पटिच्च अप्पमाणारम्मणो धम्मो उप्पज्जति हेतुपच्चया – अप्पमाणारम्मणं एकं खन्धं पटिच्च तयो खन्धा…पे॰… द्वे खन्धा। (१)
आरम्मणपच्चयादि
२.परित्तारम्मणं धम्मं पटिच्च परित्तारम्मणो धम्मो उप्पज्जति आरम्मणपच्चया… अधिपतिपच्चया (संखित्तं)… अविगतपच्चया।
१. पच्चयानुलोमं
२. सङ्ख्यावारो
३.हेतुया तीणि, आरम्मणे तीणि, अधिपतिया तीणि…पे॰… अविगते तीणि (एवं गणेतब्बं)।
अनुलोमं।
२. पच्चयपच्चनीयं
१. विभङ्गवारो
नहेतुपच्चयो
४.परित्तारम्मणं धम्मं पटिच्च परित्तारम्मणो धम्मो उप्पज्जति नहेतुपच्चया – अहेतुकं परित्तारम्मणं एकं खन्धं पटिच्च तयो खन्धा…पे॰… द्वे खन्धा। अहेतुकपटिसन्धिक्खणे परित्तारम्मणं एकं खन्धं पटिच्च तयो खन्धा…पे॰… द्वे खन्धा, विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो। (१)
महग्गतारम्मणं धम्मं पटिच्च महग्गतारम्मणो धम्मो उप्पज्जति नहेतुपच्चया – अहेतुकं महग्गतारम्मणं एकं खन्धं पटिच्च तयो खन्धा…पे॰… द्वे खन्धा, विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो। (१)
अप्पमाणारम्मणं धम्मं पटिच्च अप्पमाणारम्मणो धम्मो उप्पज्जति नहेतुपच्चया – अहेतुकं अप्पमाणारम्मणं एकं खन्धं पटिच्च तयो खन्धा…पे॰… द्वे खन्धा। (१)
नअधिपतिपच्चयो
५.परित्तारम्मणं धम्मं पटिच्च परित्तारम्मणो धम्मो उप्पज्जति नअधिपतिपच्चया – परित्तारम्मणं एकं खन्धं पटिच्च तयो खन्धा…पे॰… द्वे खन्धा। पटिसन्धिक्खणे…पे॰…। (१)
महग्गतारम्मणं धम्मं पटिच्च महग्गतारम्मणो धम्मो उप्पज्जति नअधिपतिपच्चया – महग्गतारम्मणं एकं खन्धं पटिच्च तयो खन्धा…पे॰… द्वे खन्धा। पटिसन्धिक्खणे…पे॰…। (१)
अप्पमाणारम्मणं धम्मं पटिच्च अप्पमाणारम्मणो धम्मो उप्पज्जति नअधिपतिपच्चया – अप्पमाणारम्मणं एकं खन्धं पटिच्च तयो खन्धा…पे॰… द्वे खन्धा। (१)
नपुरेजातपच्चयादि
६.परित्तारम्मणं धम्मं पटिच्च परित्तारम्मणो धम्मो उप्पज्जति नपुरेजातपच्चया – अरूपे परित्तारम्मणं एकं खन्धं पटिच्च तयो खन्धा…पे॰… पटिसन्धिक्खणे…पे॰…। (१)
महग्गतारम्मणं धम्मं पटिच्च महग्गतारम्मणो धम्मो उप्पज्जति नपुरेजातपच्चया – अरूपे महग्गतारम्मणं एकं खन्धं पटिच्च तयो खन्धा…पे॰… द्वे खन्धा (महग्गतारम्मणे पटिसन्धि नत्थि)। (१)
अप्पमाणारम्मणं धम्मं पटिच्च अप्पमाणारम्मणो धम्मो उप्पज्जति नपुरेजातपच्चया – अरूपे अप्पमाणारम्मणं एकं खन्धं पटिच्च तयो खन्धा…पे॰… द्वे खन्धा (नपच्छाजातपच्चयञ्च नआसेवनपच्चयञ्च नअधिपतिसदिसं)।
नकम्मपच्चयो
७.परित्तारम्मणं धम्मं पटिच्च परित्तारम्मणो धम्मो उप्पज्जति नकम्मपच्चया – परित्तारम्मणे खन्धे पटिच्च परित्तारम्मणा चेतना। (१)
महग्गतारम्मणं धम्मं पटिच्च महग्गतारम्मणो धम्मो उप्पज्जति नकम्मपच्चया – महग्गतारम्मणे खन्धे पटिच्च महग्गतारम्मणा चेतना। (१)
अप्पमाणारम्मणं धम्मं पटिच्च अप्पमाणारम्मणो धम्मो उप्पज्जति नकम्मपच्चया – अप्पमाणारम्मणे खन्धे पटिच्च अप्पमाणारम्मणा चेतना। (१)
नविपाकपच्चयादि
८.परित्तारम्मणं धम्मं पटिच्च परित्तारम्मणो धम्मो उप्पज्जति नविपाकपच्चया (पटिसन्धि नत्थि)… नझानपच्चया – पञ्चविञ्ञाणसहगतं एकं खन्धं पटिच्च तयो खन्धा…पे॰… द्वे खन्धा…नमग्गपच्चया – अहेतुकं परित्तारम्मणं एकं खन्धं पटिच्च तयो खन्धा…पे॰… द्वे खन्धा; अहेतुकपटिसन्धिक्खणे…पे॰… द्वे खन्धा…पे॰…।
महग्गतारम्मणं धम्मं पटिच्च महग्गतारम्मणो धम्मो उप्पज्जति नमग्गपच्चया – अहेतुकं महग्गतारम्मणं एकं खन्धं पटिच्च तयो खन्धा…पे॰… द्वे खन्धा। (१)
अप्पमाणारम्मणं धम्मं पटिच्च अप्पमाणारम्मणो धम्मो उप्पज्जति नमग्गपच्चया – अहेतुकं अप्पमाणारम्मणं एकं खन्धं पटिच्च तयो खन्धा…पे॰… द्वे खन्धा। (१)
नविप्पयुत्तपच्चयो
९.परित्तारम्मणं धम्मं पटिच्च परित्तारम्मणो धम्मो उप्पज्जति नविप्पयुत्तपच्चया – अरूपे परित्तारम्मणं एकं खन्धं पटिच्च तयो खन्धा…पे॰…। (१)
महग्गतारम्मणं धम्मं पटिच्च महग्गतारम्मणो धम्मो उप्पज्जति नविप्पयुत्तपच्चया – अरूपे महग्गतारम्मणं एकं खन्धं पटिच्च तयो खन्धा…पे॰…। (१)
अप्पमाणारम्मणं धम्मं पटिच्च अप्पमाणारम्मणो धम्मो उप्पज्जति नविप्पयुत्तपच्चया – अरूपे अप्पमाणारम्मणं एकं खन्धं पटिच्च तयो खन्धा…पे॰… द्वे खन्धा। (१)
२. पच्चयपच्चनीयं
२. सङ्ख्यावारो
१०.नहेतुया तीणि, नअधिपतिया तीणि…पे॰… नपुरेजाते तीणि, नपच्छाजाते तीणि, नआसेवने तीणि, नकम्मे तीणि, नविपाके तीणि, नझाने एकं, नमग्गे तीणि, नविप्पयुत्ते तीणि (एवं गणेतब्बं)।
पच्चनीयं।
३. पच्चयानुलोमपच्चनीयं
११.हेतुपच्चया नअधिपतिया तीणि, नपुरेजाते तीणि, नपच्छाजाते तीणि, नआसेवने तीणि, नकम्मे तीणि, नविपाके तीणि, नविप्पयुत्ते तीणि (एवं गणेतब्बं)।
अनुलोमपच्चनीयं।
४. पच्चयपच्चनीयानुलोमं
नहेतुदुकं
१२.नहेतुपच्चया आरम्मणे तीणि, अनन्तरे तीणि, समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, आसेवने द्वे, कम्मे तीणि, विपाके एकं, आहारे तीणि, इन्द्रिये तीणि, झाने तीणि, मग्गे द्वे, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि (एवं गणेतब्बं)।
पच्चनीयानुलोमं।
पटिच्चवारो।
२-६. सहजात-पच्चय-निस्सय-संसट्ठ-सम्पयुत्तवारो
(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसो)।
७. पञ्हावारो
१. पच्चयानुलोमं
१. विभङ्गवारो
हेतुपच्चयो
१३.परित्तारम्मणो धम्मो परित्तारम्मणस्स धम्मस्स हेतुपच्चयेन पच्चयो – परित्तारम्मणा हेतू सम्पयुत्तकानं खन्धानं हेतुपच्चयेन पच्चयो। पटिसन्धिक्खणे परित्तारम्मणा हेतू सम्पयुत्तकानं खन्धानं हेतुपच्चयेन पच्चयो। (१)
महग्गतारम्मणो धम्मो महग्गतारम्मणस्स धम्मस्स हेतुपच्चयेन पच्चयो – महग्गतारम्मणा हेतू सम्पयुत्तकानं खन्धानं हेतुपच्चयेन पच्चयो। पटिसन्धिक्खणे…पे॰…। (१)
अप्पमाणारम्मणो धम्मो अप्पमाणारम्मणस्स धम्मस्स हेतुपच्चयेन पच्चयो – अप्पमाणारम्मणा हेतू सम्पयुत्तकानं खन्धानं हेतुपच्चयेन पच्चयो। (१)
आरम्मणपच्चयो
१४.परित्तारम्मणो धम्मो परित्तारम्मणस्स धम्मस्स आरम्मणपच्चयेन पच्चयो – दानं दत्वा सीलं समादियित्वा उपोसथकम्मं कत्वा तं पच्चवेक्खति, पुब्बे सुचिण्णानि पच्चवेक्खति, अरिया परित्तारम्मणे पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। परित्तारम्मणे परित्ते खन्धे अनिच्चतो दुक्खतो अनत्ततो विपस्सति, अस्सादेति अभिनन्दति, तं आरब्भ परित्तारम्मणो रागो उप्पज्जति…पे॰… दोमनस्सं उप्पज्जति। चेतोपरियञाणेन परित्तारम्मणपरित्तचित्तसमङ्गिस्स चित्तं जानाति। परित्तारम्मणा परित्ता खन्धा चेतोपरियञाणस्स , पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। (१)
परित्तारम्मणो धम्मो महग्गतारम्मणस्स धम्मस्स आरम्मणपच्चयेन पच्चयो – दिब्बं चक्खुं पच्चवेक्खति, दिब्बं सोतधातुं पच्चवेक्खति, परित्तारम्मणं इद्धिविधञाणं पच्चवेक्खति, चेतोपरियञाणं…पे॰… पुब्बेनिवासानुस्सतिञाणं…पे॰… यथाकम्मूपगञाणं…पे॰… अनागतंसञाणं पच्चवेक्खति। परित्तारम्मणे महग्गते खन्धे अनिच्चतो…पे॰… विपस्सति, अस्सादेति अभिनन्दति, तं आरब्भ महग्गतारम्मणो रागो उप्पज्जति…पे॰… दोमनस्सं उप्पज्जति। चेतोपरियञाणेन परित्तारम्मणमहग्गतचित्तसमङ्गिस्स चित्तं जानाति। परित्तारम्मणा महग्गता खन्धा चेतोपरियञाणस्स, पुब्बेनिवासानुस्सतिञाणस्स, अनागतंसञाणस्स, आवज्जनाय आरम्मणपच्चयेन पच्चयो। (२)
१५.महग्गतारम्मणो धम्मो महग्गतारम्मणस्स धम्मस्स आरम्मणपच्चयेन पच्चयो – विञ्ञाणञ्चायतनं पच्चवेक्खति, नेवसञ्ञानासञ्ञायतनं पच्चवेक्खति, महग्गतारम्मणं इद्धिविधञाणं पच्चवेक्खति, चेतोपरियञाणं…पे॰… पुब्बेनिवासानुस्सतिञाणं…पे॰… यथाकम्मूपगञाणं…पे॰… अनागतंसञाणं पच्चवेक्खति। महग्गतारम्मणे महग्गते खन्धे अनिच्चतो…पे॰… विपस्सति, अस्सादेति अभिनन्दति, तं आरब्भ महग्गतारम्मणो रागो उप्पज्जति…पे॰… दोमनस्सं उप्पज्जति। चेतोपरियञाणेन महग्गतारम्मणमहग्गतचित्तसमङ्गिस्स चित्तं जानाति। महग्गतारम्मणा महग्गता खन्धा चेतोपरियञाणस्स , पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। (१)
महग्गतारम्मणो धम्मो परित्तारम्मणस्स धम्मस्स आरम्मणपच्चयेन पच्चयो – पठमज्झानपच्चवेक्खणं पच्चवेक्खति…पे॰… नेवसञ्ञानासञ्ञायतनपच्चवेक्खणं पच्चवेक्खति, दिब्बचक्खुपच्चवेक्खणं पच्चवेक्खति, दिब्बसोतधातुपच्चवेक्खणं पच्चवेक्खति, इद्धिविधञाणपच्चवेक्खणं…पे॰… चेतोपरियञाणपच्चवेक्खणं…पे॰… पुब्बेनिवासानुस्सतिञाणपच्चवेक्खणं…पे॰… यथाकम्मूपगञाणपच्चवेक्खणं…पे॰… अनागतंसञाणपच्चवेक्खणं पच्चवेक्खति, अरिया महग्गतारम्मणे पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। महग्गतारम्मणे परित्ते खन्धे अनिच्चतो…पे॰… विपस्सति, अस्सादेति अभिनन्दति, तं आरब्भ परित्तारम्मणो रागो उप्पज्जति…पे॰… दोमनस्सं उप्पज्जति। चेतोपरियञाणेन महग्गतारम्मणपरित्तचित्तसमङ्गिस्स चित्तं जानाति। महग्गतारम्मणा परित्ता खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स , अनागतंसञाणस्स, आवज्जनाय आरम्मणपच्चयेन पच्चयो। (२)
१६.अप्पमाणारम्मणो धम्मो अप्पमाणारम्मणस्स धम्मस्स आरम्मणपच्चयेन पच्चयो – अरिया मग्गा वुट्ठहित्वा मग्गं पच्चवेक्खन्ति, फलं पच्चवेक्खन्ति। चेतोपरियञाणेन अप्पमाणारम्मणअप्पमाणचित्तसमङ्गिस्स चित्तं जानाति। अप्पमाणारम्मणा अप्पमाणा खन्धा चेतोपरियञाणस्स, पुब्बेनिवासानुस्सतिञाणस्स, अनागतंसञाणस्स, आवज्जनाय आरम्मणपच्चयेन पच्चयो। (१)
अप्पमाणारम्मणो धम्मो परित्तारम्मणस्स धम्मस्स आरम्मणपच्चयेन पच्चयो – अरिया गोत्रभुं पच्चवेक्खन्ति, वोदानं पच्चवेक्खन्ति, मग्गपच्चवेक्खणं पच्चवेक्खन्ति, फलपच्चवेक्खणं पच्चवेक्खन्ति, निब्बानपच्चवेक्खणं पच्चवेक्खन्ति। अप्पमाणारम्मणे परित्ते खन्धे अनिच्चतो…पे॰… विपस्सति, चेतोपरियञाणेन अप्पमाणारम्मणपरित्तचित्तसमङ्गिस्स चित्तं जानाति। अप्पमाणारम्मणा परित्ता खन्धा चेतोपरियञाणस्स, पुब्बेनिवासानुस्सतिञाणस्स , यथाकम्मूपगञाणस्स, अनागतंसञाणस्स आवज्जनाय आरम्मणपच्चयेन पच्चयो। (२)
अप्पमाणारम्मणो धम्मो महग्गतारम्मणस्स धम्मस्स आरम्मणपच्चयेन पच्चयो – अरिया अप्पमाणारम्मणं चेतोपरियञाणं पच्चवेक्खन्ति, पुब्बेनिवासानुस्सतिञाणं पच्चवेक्खन्ति, अनागतंसञाणं पच्चवेक्खन्ति। चेतोपरियञाणेन अप्पमाणारम्मणमहग्गतचित्तसमङ्गिस्स चित्तं जानन्ति। अप्पमाणारम्मणं महग्गता खन्धा चेतोपरियञाणस्स, पुब्बेनिवासानुस्सतिञाणस्स, अनागतंसञाणस्स, आवज्जनाय आरम्मणपच्चयेन पच्चयो। (३)
अधिपतिपच्चयो
१७.परित्तारम्मणो धम्मो परित्तारम्मणस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – दानं दत्वा सीलं समादियित्वा उपोसथकम्मं कत्वा तं गरुं कत्वा पच्चवेक्खति, पुब्बे सुचिण्णानि गरुं कत्वा पच्चवेक्खति, परित्तारम्मणे परित्ते खन्धे गरुं कत्वा अस्सादेति अभिनन्दति, तं गरुं कत्वा परित्तारम्मणो रागो उप्पज्जति, दिट्ठि उप्पज्जति। सहजाताधिपति – परित्तारम्मणाधिपति सम्पयुत्तकानं खन्धानं अधिपतिपच्चयेन पच्चयो। (१)
परित्तारम्मणो धम्मो महग्गतारम्मणस्स धम्मस्स अधिपतिपच्चयेन पच्चयो। आरम्मणाधिपति – दिब्बं चक्खुं गरुं कत्वा पच्चवेक्खति, दिब्बं सोतधातुं…पे॰… परित्तारम्मणं इद्धिविधञाणं…पे॰… चेतोपरियञाणं…पे॰… पुब्बेनिवासानुस्सतिञाणं…पे॰… यथाकम्मूपगञाणं…पे॰… अनागतंसञाणं गरुं कत्वा पच्चवेक्खति। परित्तारम्मणे महग्गते खन्धे गरुं कत्वा अस्सादेति अभिनन्दति, तं गरुं कत्वा महग्गतारम्मणो रागो उप्पज्जति, दिट्ठि उप्पज्जति। (२)
१८.महग्गतारम्मणो धम्मो महग्गतारम्मणस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – विञ्ञाणञ्चायतनं गरुं कत्वा पच्चवेक्खति, नेवसञ्ञानासञ्ञायतनं…पे॰… महग्गतारम्मणं इद्धिविधञाणं…पे॰… चेतोपरियञाणं …पे॰… पुब्बेनिवासानुस्सतिञाणं…पे॰… यथाकम्मूपगञाणं…पे॰… अनागतंसञाणं गरुं कत्वा पच्चवेक्खति। महग्गतारम्मणे महग्गते खन्धे गरुं कत्वा अस्सादेति अभिनन्दति, तं गरुं कत्वा महग्गतारम्मणो रागो उप्पज्जति, दिट्ठि उप्पज्जति। सहजाताधिपति – महग्गतारम्मणाधिपति सम्पयुत्तकानं खन्धानं अधिपतिपच्चयेन पच्चयो। (१)
महग्गतारम्मणो धम्मो परित्तारम्मणस्स धम्मस्स अधिपतिपच्चयेन पच्चयो। आरम्मणाधिपति – पठमज्झानपच्चवेक्खणं गरुं कत्वा पच्चवेक्खति…पे॰… अनागतंसञाणपच्चवेक्खणं गरुं कत्वा पच्चवेक्खति। महग्गतारम्मणे परित्ते खन्धे गरुं कत्वा अस्सादेति अभिनन्दति, तं गरुं कत्वा परित्तारम्मणो रागो उप्पज्जति, दिट्ठि उप्पज्जति। (२)
१९.अप्पमाणारम्मणो धम्मो अप्पमाणारम्मणस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – अरिया मग्गा वुट्ठहित्वा मग्गं गरुं कत्वा पच्चवेक्खन्ति, फलं गरुं कत्वा पच्चवेक्खन्ति। सहजाताधिपति – अप्पमाणारम्मणाधिपति सम्पयुत्तकानं खन्धानं अधिपतिपच्चयेन पच्चयो। (१)
अप्पमाणारम्मणो धम्मो परित्तारम्मणस्स धम्मस्स अधिपतिपच्चयेन पच्चयो। आरम्मणाधिपति – सेक्खा गोत्रभुं गरुं कत्वा पच्चवेक्खन्ति, वोदानं गरुं कत्वा पच्चवेक्खन्ति, मग्गपच्चवेक्खणं गरुं कत्वा पच्चवेक्खन्ति, फलपच्चवेक्खणं गरुं कत्वा पच्चवेक्खन्ति, निब्बानपच्चवेक्खणं गरुं कत्वा पच्चवेक्खन्ति। (२)
अप्पमाणारम्मणो धम्मो महग्गतारम्मणस्स धम्मस्स अधिपतिपच्चयेन पच्चयो। आरम्मणाधिपति – सेक्खा अप्पमाणारम्मणं चेतोपरियञाणं गरुं कत्वा पच्चवेक्खन्ति। पुब्बेनिवासानुस्सतिञाणं…पे॰… अनागतंसञाणं गरुं कत्वा पच्चवेक्खन्ति। (३)
अनन्तरपच्चयो
२०.परित्तारम्मणो धम्मो परित्तारम्मणस्स धम्मस्स अनन्तरपच्चयेन पच्चयो – पुरिमा पुरिमा परित्तारम्मणा खन्धा पच्छिमानं पच्छिमानं परित्तारम्मणानं खन्धानं अनन्तरपच्चयेन पच्चयो। (१)
परित्तारम्मणो धम्मो महग्गतारम्मणस्स धम्मस्स अनन्तरपच्चयेन पच्चयो – परित्तारम्मणं चुतिचित्तं महग्गतारम्मणस्स उपपत्तिचित्तस्स अनन्तरपच्चयेन पच्चयो। परित्तारम्मणं भवङ्गं महग्गतारम्मणाय आवज्जनाय अनन्तरपच्चयेन पच्चयो। परित्तारम्मणा खन्धा महग्गतारम्मणस्स वुट्ठानस्स अनन्तरपच्चयेन पच्चयो। (२)
परित्तारम्मणो धम्मो अप्पमाणारम्मणस्स धम्मस्स अनन्तरपच्चयेन पच्चयो – परित्तारम्मणं भवङ्गं अप्पमाणारम्मणाय आवज्जनाय अनन्तरपच्चयेन पच्चयो। परित्तारम्मणं अनुलोमं गोत्रभुस्स… अनुलोमं वोदानस्स… अनुलोमं फलसमापत्तिया अनन्तरपच्चयेन पच्चयो। (३)
२१.महग्गतारम्मणो धम्मो महग्गतारम्मणस्स धम्मस्स अनन्तरपच्चयेन पच्चयो – पुरिमा पुरिमा महग्गतारम्मणा खन्धा पच्छिमानं पच्छिमानं महग्गतारम्मणानं खन्धानं अनन्तरपच्चयेन पच्चयो। (१)
महग्गतारम्मणो धम्मो परित्तारम्मणस्स धम्मस्स अनन्तरपच्चयेन पच्चयो – महग्गतारम्मणं चुतिचित्तं परित्तारम्मणस्स उपपत्तिचित्तस्स अनन्तरपच्चयेन पच्चयो। महग्गतारम्मणं भवङ्गं परित्तारम्मणाय आवज्जनाय अनन्तरपच्चयेन पच्चयो। महग्गतारम्मणा खन्धा परित्तारम्मणस्स वुट्ठानस्स अनन्तरपच्चयेन पच्चयो। (२)
महग्गतारम्मणो धम्मो अप्पमाणारम्मणस्स धम्मस्स अनन्तरपच्चयेन पच्चयो – महग्गतारम्मणं भवङ्गं अप्पमाणारम्मणाय आवज्जनाय अनन्तरपच्चयेन पच्चयो। महग्गतारम्मणं अनुलोमं गोत्रभुस्स… अनुलोमं वोदानस्स… अनुलोमं फलसमापत्तिया… निरोधा वुट्ठहन्तस्स नेवसञ्ञानासञ्ञायतनं फलसमापत्तिया अनन्तरपच्चयेन पच्चयो। (३)
२२.अप्पमाणारम्मणो धम्मो अप्पमाणारम्मणस्स धम्मस्स अनन्तरपच्चयेन पच्चयो – पुरिमा पुरिमा अप्पमाणारम्मणा खन्धा पच्छिमानं पच्छिमानं अप्पमाणारम्मणानं खन्धानं अनन्तरपच्चयेन पच्चयो। गोत्रभु मग्गस्स… वोदानं मग्गस्स… मग्गो फलस्स… फलं फलस्स अनन्तरपच्चयेन पच्चयो। (१)
अप्पमाणारम्मणो धम्मो परित्तारम्मणस्स धम्मस्स अनन्तरपच्चयेन पच्चयो – मग्गपच्चवेक्खणं परित्तारम्मणस्स वुट्ठानस्स… फलपच्चवेक्खणं परित्तारम्मणस्स वुट्ठानस्स… निब्बानपच्चवेक्खणं परित्तारम्मणस्स वुट्ठानस्स… अप्पमाणारम्मणं चेतोपरियञाणं परित्तारम्मणस्स वुट्ठानस्स… पुब्बेनिवासानुस्सतिञाणं परित्तारम्मणस्स वुट्ठानस्स… अनागतंसञाणं परित्तारम्मणस्स वुट्ठानस्स… फलं परित्तारम्मणस्स वुट्ठानस्स अनन्तरपच्चयेन पच्चयो। (२)
अप्पमाणारम्मणो धम्मो महग्गतारम्मणस्स धम्मस्स अनन्तरपच्चयेन पच्चयो – मग्गपच्चवेक्खणं महग्गतारम्मणस्स वुट्ठानस्स… फलपच्चवेक्खणं महग्गतारम्मणस्स वुट्ठानस्स… निब्बानपच्चवेक्खणं महग्गतारम्मणस्स वुट्ठानस्स… फलं महग्गतारम्मणस्स वुट्ठानस्स अनन्तरपच्चयेन पच्चयो। (३)
समनन्तरपच्चयो
२३.परित्तारम्मणो धम्मो परित्तारम्मणस्स धम्मस्स समनन्तरपच्चयेन पच्चयो (अनन्तरसदिसं)।
सहजातपच्चयादि
२४.परित्तारम्मणो धम्मो परित्तारम्मणस्स धम्मस्स सहजातपच्चयेन पच्चयो… अञ्ञमञ्ञपच्चयेन पच्चयो… निस्सयपच्चयेन पच्चयो… तीणि (पटिच्चवारसदिसा कातब्बा)।
उपनिस्सयपच्चयो
२५.परित्तारम्मणो धम्मो परित्तारम्मणस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – परित्तारम्मणं सद्धं उपनिस्साय दानं देति, सीलं…पे॰… उपोसथकम्मं…पे॰… परित्तारम्मणं झानं उप्पादेति, विपस्सनं…पे॰… अभिञ्ञं…पे॰… समापत्तिं उप्पादेति, मानं जप्पेति, दिट्ठिं गण्हाति। परित्तारम्मणं सीलं…पे॰… पञ्ञं… रागं दोसं… मोहं… मानं… दिट्ठिं… पत्थनं… कायिकं सुखं… कायिकं दुक्खं उपनिस्साय दानं देति, सीलं…पे॰… उपोसथकम्मं…पे॰… परित्तारम्मणं झानं उप्पादेति, विपस्सनं…पे॰… अभिञ्ञं…पे॰… समापत्तिं उप्पादेति, पाणं हनति…पे॰… सङ्घं भिन्दति। परित्तारम्मणा सद्धा…पे॰… पञ्ञा, रागो…पे॰… पत्थना, कायिकं सुखं… कायिकं दुक्खं… परित्तारम्मणाय सद्धाय…पे॰… पञ्ञाय रागस्स…पे॰… पत्थनाय, कायिकस्स सुखस्स, कायिकस्स दुक्खस्स उपनिस्सयपच्चयेन पच्चयो। (१)
परित्तारम्मणो धम्मो महग्गतारम्मणस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – परित्तारम्मणं सद्धं उपनिस्साय महग्गतारम्मणं झानं उप्पादेति, विपस्सनं…पे॰… अभिञ्ञं…पे॰… समापत्तिं उप्पादेति , मानं जप्पेति, दिट्ठिं गण्हाति। परित्तारम्मणं सीलं…पे॰… पञ्ञं… रागं…पे॰… पत्थनं… कायिकं सुखं, कायिकं दुक्खं उपनिस्साय महग्गतारम्मणं झानं उप्पादेति, विपस्सनं…पे॰… अभिञ्ञं…पे॰… समापत्तिं उप्पादेति, मानं जप्पेति, दिट्ठिं गण्हाति। परित्तारम्मणा सद्धा…पे॰… कायिकं सुखं, कायिकं दुक्खं, महग्गतारम्मणाय सद्धाय…पे॰… पञ्ञाय रागस्स…पे॰… पत्थनाय उपनिस्सयपच्चयेन पच्चयो। (२)
परित्तारम्मणो धम्मो अप्पमाणारम्मणस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…। पकतूपनिस्सयो – परित्तारम्मणं सद्धं उपनिस्साय अप्पमाणारम्मणं झानं उप्पादेति , मग्गं…पे॰… अभिञ्ञं…पे॰… समापत्तिं उप्पादेति। परित्तारम्मणं सीलं…पे॰… पञ्ञं, रागं…पे॰… कायिकं सुखं, कायिकं दुक्खं उपनिस्साय अप्पमाणारम्मणं झानं उप्पादेति, मग्गं… अभिञ्ञं… समापत्तिं उप्पादेति। परित्तारम्मणा सद्धा…पे॰… कायिकं सुखं, कायिकं दुक्खं अप्पमाणारम्मणाय सद्धाय…पे॰… पञ्ञाय उपनिस्सयपच्चयेन पच्चयो। (३)
२६.महग्गतारम्मणो धम्मो महग्गतारम्मणस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – महग्गतारम्मणं सद्धं उपनिस्साय महग्गतारम्मणं झानं उप्पादेति, विपस्सनं… अभिञ्ञं… समापत्तिं उप्पादेति, मानं जप्पेति, दिट्ठिं गण्हाति। महग्गतारम्मणं सीलं…पे॰… पञ्ञं, रागं…पे॰… पत्थनं उपनिस्साय महग्गतारम्मणं झानं उप्पादेति…पे॰… दिट्ठिं गण्हाति । महग्गतारम्मणा सद्धा…पे॰… पञ्ञा, रागो…पे॰… पत्थना महग्गतारम्मणाय सद्धाय…पे॰… पत्थनाय उपनिस्सयपच्चयेन पच्चयो। (१)
महग्गतारम्मणो धम्मो परित्तारम्मणस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – महग्गतारम्मणं सद्धं उपनिस्साय दानं देति, सीलं समादियति, उपोसथकम्मं करोति, परित्तारम्मणं झानं उप्पादेति, विपस्सनं… अभिञ्ञं… समापत्तिं उप्पादेति, मानं जप्पेति, दिट्ठिं गण्हाति। महग्गतारम्मणं सीलं…पे॰… पत्थनं उपनिस्साय दानं देति…पे॰… दिट्ठिं गण्हाति। महग्गतारम्मणा सद्धा…पे॰… पत्थना परित्तारम्मणाय सद्धाय…पे॰… पत्थनाय कायिकस्स सुखस्स, कायिकस्स दुक्खस्स उपनिस्सयपच्चयेन पच्चयो। (२)
महग्गतारम्मणो धम्मो अप्पमाणारम्मणस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…। पकतूपनिस्सयो – महग्गतारम्मणं सद्धं उपनिस्साय अप्पमाणारम्मणं झानं उप्पादेति, मग्गं… अभिञ्ञं… समापत्तिं उप्पादेति। महग्गतारम्मणं सीलं…पे॰… पत्थनं उपनिस्साय अप्पमाणारम्मणं झानं उप्पादेति…पे॰… समापत्तिं उप्पादेति। महग्गतारम्मणा सद्धा…पे॰… पत्थना अप्पमाणारम्मणाय सद्धाय…पे॰… पञ्ञाय उपनिस्सयपच्चयेन पच्चयो (३)
२७.अप्पमाणारम्मणो धम्मो अप्पमाणारम्मणस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – अप्पमाणारम्मणं सद्धं उपनिस्साय अप्पमाणारम्मणं झानं उप्पादेति, मग्गं… अभिञ्ञं… समापत्तिं उप्पादेति। अप्पमाणारम्मणं सीलं…पे॰… पञ्ञं उपनिस्साय अप्पमाणारम्मणं झानं उप्पादेति। मग्गं…पे॰… अभिञ्ञं…पे॰… समापत्तिं उप्पादेति अप्पमाणारम्मणा सद्धा…पे॰… पञ्ञा अप्पमाणारम्मणाय सद्धाय…पे॰… पञ्ञाय मग्गस्स फलसमापत्तिया उपनिस्सयपच्चयेन पच्चयो। (१)
अप्पमाणारम्मणो धम्मो परित्तारम्मणस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – अप्पमाणारम्मणं सद्धं उपनिस्साय दानं देति, सीलं समादियति, उपोसथकम्मं करोति, परित्तारम्मणं झानं उप्पादेति, विपस्सनं… अभिञ्ञं… समापत्तिं उप्पादेति। अप्पमाणारम्मणं सीलं…पे॰… पञ्ञं उपनिस्साय दानं देति…पे॰… समापत्तिं उप्पादेति। अप्पमाणारम्मणा सद्धा…पे॰… पञ्ञा परित्तारम्मणाय सद्धाय…पे॰… पञ्ञाय कायिकस्स सुखस्स, कायिकस्स दुक्खस्स उपनिस्सयपच्चयेन पच्चयो। (२)
अप्पमाणारम्मणो धम्मो महग्गतारम्मणस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – अप्पमाणारम्मणं सद्धं उपनिस्साय महग्गतारम्मणं झानं उप्पादेति, विपस्सनं… अभिञ्ञं… समापत्तिं उप्पादेति। अप्पमाणारम्मणं सीलं…पे॰… पञ्ञं उपनिस्साय महग्गतारम्मणं झानं उप्पादेति, विपस्सनं… अभिञ्ञं… समापत्तिं उप्पादेति। अप्पमाणारम्मणा सद्धा…पे॰… पञ्ञा महग्गतारम्मणाय सद्धाय…पे॰… पञ्ञाय उपनिस्सयपच्चयेन पच्चयो। (३)
आसेवनपच्चयो
२८.परित्तारम्मणो धम्मो परित्तारम्मणस्स धम्मस्स आसेवनपच्चयेन पच्चयो – पुरिमा पुरिमा परित्तारम्मणा खन्धा पच्छिमानं पच्छिमानं परित्तारम्मणानं खन्धानं आसेवनपच्चयेन पच्चयो। (१)
परित्तारम्मणो धम्मो अप्पमाणारम्मणस्स धम्मस्स आसेवनपच्चयेन पच्चयो – परित्तारम्मणं अनुलोमं गोत्रभुस्स… अनुलोमं वोदानस्स आसेवनपच्चयेन पच्चयो। (२)
२९.महग्गतारम्मणो धम्मो महग्गतारम्मणस्स धम्मस्स आसेवनपच्चयेन पच्चयो – पुरिमा पुरिमा महग्गतारम्मणा खन्धा पच्छिमानं पच्छिमानं महग्गतारम्मणानं खन्धानं आसेवनपच्चयेन पच्चयो। (१)
महग्गतारम्मणो धम्मो अप्पमाणारम्मणस्स धम्मस्स आसेवनपच्चयेन पच्चयो – महग्गतारम्मणं अनुलोमं गोत्रभुस्स… अनुलोमं वोदानस्स आसेवनपच्चयेन पच्चयो। (२)
३०.अप्पमाणारम्मणो धम्मो अप्पमाणारम्मणस्स धम्मस्स आसेवनपच्चयेन पच्चयो – पुरिमा पुरिमा अप्पमाणारम्मणा खन्धा पच्छिमानं पच्छिमानं अप्पमाणारम्मणानं खन्धानं आसेवनपच्चयेन पच्चयो। गोत्रभु मग्गस्स… वोदानं मग्गस्स आसेवनपच्चयेन पच्चयो। (१)
कम्मपच्चयो
३१.परित्तारम्मणो धम्मो परित्तारम्मणस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – परित्तारम्मणा चेतना सम्पयुत्तकानं खन्धानं कम्मपच्चयेन पच्चयो। पटिसन्धिक्खणे…पे॰…। नानाक्खणिका – परित्तारम्मणा चेतना विपाकानं परित्तारम्मणानं खन्धानं कम्मपच्चयेन पच्चयो। (१)
महग्गतारम्मणो धम्मो महग्गतारम्मणस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – महग्गतारम्मणा चेतना सम्पयुत्तकानं खन्धानं कम्मपच्चयेन पच्चयो। पटिसन्धिक्खणे…पे॰…। नानाक्खणिका – महग्गतारम्मणा चेतना विपाकानं महग्गतारम्मणानं खन्धानं कम्मपच्चयेन पच्चयो। (१)
महग्गतारम्मणो धम्मो परित्तारम्मणस्स धम्मस्स कम्मपच्चयेन पच्चयो। नानाक्खणिका – महग्गतारम्मणा चेतना विपाकानं परित्तारम्मणानं खन्धानं कम्मपच्चयेन पच्चयो। (२)
३२.अप्पमाणारम्मणो धम्मो अप्पमाणारम्मणस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – अप्पमाणारम्मणा चेतना सम्पयुत्तकानं खन्धानं कम्मपच्चयेन पच्चयो। नानाक्खणिका – अप्पमाणारम्मणा चेतना विपाकानं अप्पमाणारम्मणानं खन्धानं कम्मपच्चयेन पच्चयो। (१)
अप्पमाणारम्मणो धम्मो परित्तारम्मणस्स धम्मस्स कम्मपच्चयेन पच्चयो। नानाक्खणिका – अप्पमाणारम्मणा चेतना विपाकानं परित्तारम्मणानं खन्धानं कम्मपच्चयेन पच्चयो। (२)
विपाकपच्चयादि
३३.परित्तारम्मणो धम्मो परित्तारम्मणस्स धम्मस्स विपाकपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो… झानपच्चयेन पच्चयो… मग्गपच्चयेन पच्चयो… सम्पयुत्तपच्चयेन पच्चय… अत्थिपच्चयेन पच्चयो… नत्थिपच्चयेन पच्चयो… विगतपच्चयेन पच्चय… अविगतपच्चयेन पच्चयो।
१. पच्चयानुलोमं
२. सङ्ख्यावारो
३४.हेतुया तीणि, आरम्मणे सत्त, अधिपतिया सत्त, अनन्तरे नव, समनन्तरे नव, सहजाते तीणि, अञ्ञमञ्ञे तीणि, निस्सये तीणि, उपनिस्सये नव, आसेवने पञ्च, कम्मे पञ्च, विपाके तीणि, आहारे तीणि, इन्द्रिये झाने मग्गे सम्पयुत्ते अत्थिया तीणि, नत्थिया नव, विगते नव, अविगते तीणि (एवं गणेतब्बं)।
अनुलोमं।
पच्चनीयुद्धारो
३५.परित्तारम्मणो धम्मो परित्तारम्मणस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (१)
परित्तारम्मणो धम्मो महग्गतारम्मणस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो। (२)
परित्तारम्मणो धम्मो अप्पमाणारम्मणस्स धम्मस्स उपनिस्सयपच्चयेन पच्चयो। (३)
३६.महग्गतारम्मणो धम्मो महग्गतारम्मणस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
महग्गतारम्मणो धम्मो परित्तारम्मणस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (२)
महग्गतारम्मणो धम्मो अप्पमाणारम्मणस्स धम्मस्स उपनिस्सयपच्चयेन पच्चयो। (३)
३७.अप्पमाणारम्मणो धम्मो अप्पमाणारम्मणस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
अप्पमाणारम्मणो धम्मो परित्तारम्मणस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (२)
अप्पमाणारम्मणो धम्मो महग्गतारम्मणस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो। (३)
२. पच्चयपच्चनीयं
२. सङ्ख्यावारो
३८.नहेतुया नव, नआरम्मणे नव, नअधिपतिया नव, नअनन्तरे नव, नसमनन्तरे नव, नसहजाते नव, नअञ्ञमञ्ञे नव , ननिस्सये नव, नउपनिस्सये सत्त, नपुरेजाते नव, नपच्छाजाते नव, नआसेवने नव…पे॰… नमग्गे नव, नसम्पयुत्ते नव, नविप्पयुत्ते नव, नोअत्थिया नव, नोनत्थिया नव, नोविगते नव, नोअविगते नव (एवं गणेतब्बं)।
पच्चनीयं।
३. पच्चयानुलोमपच्चनीयं
नहेतुदुकं
३९.हेतुपच्चया नआरम्मणे तीणि, नअधिपतिया नअनन्तरे नसमनन्तरे नउपनिस्सये नपुरेजाते नपच्छाजाते नआसेवने तीणि…पे॰… नमग्गे नविप्पयुत्ते नोनत्थिया नोविगते तीणि (एवं गणेतब्बं)।
अनुलोमपच्चनीयं।
४. पच्चयपच्चनीयानुलोमं
हेतुदुकं
४०.नहेतुपच्चया आरम्मणे सत्त, अधिपतिया सत्त, अनन्तरे नव, समनन्तरे नव, सहजाते तीणि, अञ्ञमञ्ञे तीणि, निस्सये तीणि, उपनिस्सये नव, आसेवने पञ्च, कम्मे पञ्च, विपाके तीणि…पे॰… सम्पयुत्ते तीणि, अत्थिया तीणि, नत्थिया नव, विगते नव, अविगते तीणि (एवं गणेतब्बं)।
पच्चनीयानुलोमं।
पञ्हावारो।
परित्तारम्मणत्तिकं निट्ठितं।