८. सत्ताधिकरणसमथा
६५५.अधिकरणसमथेसु – सत्ताति तेसं धम्मानं सङ्ख्यापरिच्छेदो। चतुब्बिधं अधिकरणं समेन्ति वूपसमेन्तीति अधिकरणसमथा। तेसं वित्थारो खन्धके च परिवारे च वुत्तो, तस्सत्थं तत्थेव वण्णयिस्साम। सेसं सब्बत्थ उत्तानमेवाति।
समन्तपासादिकाय विनयसंवण्णनाय
भिक्खुविभङ्गवण्णना निट्ठिता।
अनन्तरायेन यथा, निट्ठिता वण्णना अयं।
अनन्तरायेन तथा, सन्तिं पप्पोन्तु पाणिनो॥
चिरं तिट्ठतु सद्धम्मो, काले वस्सं चिरं पजं।
तप्पेतु देवो धम्मेन, राजा रक्खतु मेदनिन्ति॥
महाविभङ्गो निट्ठितो।
॥ नमो तस्स भगवतो अरहतो सम्मासम्बुद्धस्स॥