नायक कण्ड
अनायका विनस्सन्ति, नस्सन्ति बहुनायका।
थीनायका विनस्सन्ति, नस्सन्ति सुसुनायका॥
गवं चे तरमानानं, उजुं गच्छति पुङ्गवो।
सब्बा गावी उजुं यन्ति, नेत्ते उजुं गते सति॥
एवमेव मनुस्सेसु, यो होति सेट्ठसम्मतो।
सो सचे धम्मं चरति, पगेव इतरा पजा॥
गवं चे तरमानानं, उजुं गच्छति पुङ्गवो।
सब्बा गावी उजुंयन्ति, नेत्ते उजुं गते सति॥
एवमेव मनुस्सेसु, यो होति सेट्ठसम्मतो।
सो सचे धम्मं चरति, पगेव इतरा पजा।
सब्बं रट्ठं सुखं सेति, राजा चे होति धम्मिको॥
नोदयाह विनासाय, बहुनायकता भुसं।
मिलायन्ति विनस्सन्ति, पद्मान्यक्केहि सत्तहि॥
सुतारक्खो अभियोगो, कुलारक्खो वत्तं भवे।
विज्जा हि कुलपुत्तस्स, नायकस्सापमादको॥