वेज्जाचरिय कण्ड
आयुबेदकताभ्यासो , सब्बेसं पियदस्सनो।
अरियसीलगुणोपेतो, एस वेज्जो विधीयते॥
नानागन्थजाननञ्च, सुदिट्ठकम्मसम्पदा।
दक्खता हत्थसीघता, पसादसूरसत्तिता॥
साभाविकतङ्खणिक-ञाणसुभासितापि च।
उस्साहो दब्बो सब्बता, वेज्जाचेरस्स लक्खणं।
किलिट्ठवत्थं कोधो च, अतिमानञ्च गम्मता।
अनिमन्तितगमनं, एते पञ्च विवज्जिया॥
दिट्ठकम्मता सोचञ्च, दक्खता विदितागमो।
चत्तारो सुभिसक्कस्स, सुगुणा विञ्ञुना मता॥
रुजाय जयलक्खणं, रसो च भेसज्जम्पि च।
तिलक्खणभेदो चेव, विञ्ञेय्यो भिसक्केन वे॥