४. अदन्तवग्गवण्णना
३१-३६.चतुत्थस्स पठमे अदन्तन्ति चित्तभावनाय विना न दन्तं। तेनाह – ‘‘सतिसंवररहित’’न्ति। चतुत्थे ततिये वुत्तविपरियायेन अत्थो वेदितब्बो। पञ्चमछट्ठेसु पुरिमसदिसोयेवाति ततियचतुत्थसदिसो एव।
३७-३८.सत्तमट्ठमेसु उपमा पनेत्थाति यथा पठमादीसु अदन्तहत्थिअस्सादयो उपमाभावेन गहिता, एवमेत्थ सत्थमट्ठमेसु ‘‘असंवुतघरद्वारादिवसेन वेदितब्बा’’ति वुत्तं।
३९-४०.नवमदसमेसु चतूहिपि पदेहीति अदन्तादीहि चतूहि पदेहि योजेत्वा नवमदसमानि सुत्तानि वुत्तानीति योजना।
अदन्तवग्गवण्णना निट्ठिता।